logo

фарҳанг

"ҶУМҲУРИЯТ". АЗ ҶОИЗАИ ВОҲИД АСРОРӢ ТО ҶОИЗАИ АБУЛҚОСИМ ЛОҲУТӢ

Шоми 12 марти соли ҷорӣ дар Театри давлатии академии драмавии ба номи Абулқосим Лоҳутӣ Рӯзи матбуот чун ҳамасола бо шукӯҳу шаҳомати хосса  таҷлил гардид. Дар он  намояндагони воситаҳои ахбори оммаи кишвар ва аҳли қалам сарҷамъ омада буданд. Чорабинии идона бо суханронии Шамсиддин Орумбекзода, вазири фарҳанги ҷумҳурӣ, оғоз ёфт.
- Имрӯз ҷомеаи мо ба сухани созанда, иттилооти солиму беғараз, гуногунандешӣ, демократикунонӣ ва таҳлилу баррасии воқеаҳои дохилу хориҷи кишвар бештар аз ҳарвақта ниёз дорад. Мо бо такя ба матбуотчиён метавонем чунин фазои озоди иттилоотиро ба вуҷуд биёрем, ки мафкураи мардум нисбат ба ҳодисаҳои рӯз ва шахсиятҳои барҷаста рӯшан шавад, - иброз дошт Ш. Орумбекзода. Инчунин, таъкид гардид, ки ҳоло шумора, шакл ва сатҳу сифати васоити ахбори омма ба куллӣ тағйир ёфта, танҳо рӯзномаву маҷаллаҳои даврӣ аз соли 1991 то имрӯз зиёда аз 400 адад афзудааст.
Фараҳбахштар аз ҳама ин буд, ки яке аз кормандони собиқадори рӯзнома, адиб ва публитсисти шинохта Абдуқодири Раҳим ба Ҷоизаи Иттифоқи журналистони Тоҷикистон ба номи Абулқосим Лоҳутӣ сазовор гардид. Мавсуф наздик ба 35 сол аст, ки дар ҷолибу хонданӣ кардани саҳифаҳои рӯзномаи «Ҷумҳурият» ранҷ бурда, маводи публитсистии худро дар шакли китобу маҷмӯаҳо низ интишор додааст. Аз ҷумла, китоби тозанашри ӯ - «Оби дари хона тира нест» аз тарафи журналистону олимони соҳа пазироии гарм ёфта, тақризҳои зиёде ҳам бар он навишта шуданд.
Ҷоизаро ба Абдуқодири Раҳим муовини раиси Кумитаи телевизион ва радиои назди Ҳукумати Ҷумҳурии Тоҷикистон Назира Амирбекзода супурда, таъкид намуд, ки давлату Ҳукумати кишвар неруи зеҳниву амалии рӯзноманигоронро қадр мекунад ва ҳамчун фишанги таъсиррасонӣ дар бунёди ҷомеаи демократӣ аз он истифода мебарад.
Ҷоизаи дигари Иттифоқи журналистони Тоҷикистон ба номи Воҳид Асрорӣ ба рӯзноманигорони ҷавон ва донишҷӯёни фаъоли бахшҳои журналистикаи мактабҳои олии кишвар супурда шуд. Боиси ифтихор аст, ки ҳамкори мо Лола Ризоӣ низ сазовори ин ҷоиза гашт. Дар ин радиф, Ҳафизулло Тоирӣ, Меҳрубон Имомова, Нуралӣ Раҳимзода ва Саодат Розиқзода ба ин ҷоиза сарфароз гардиданд.    
Дар доираи чорабинии мазкур марҳилаи аввали озмуни Вазорати фарҳанги Ҷумҳурии Тоҷикистон барои беҳтарин шеър ва мақола бахшида ба 140 – солагии Қаҳрамони Тоҷикистон устод Садриддин Айнӣ ҷамъбаст гардид. Муҳаммад Ғоиб барои шеъри «Айнӣ» - аш, ки дар рӯзномаи «Ҷумҳурият» нашр гардида буд, сазовори ҷойи аввал, Абдураҳмони Абдуманнон ва Абдулҳамид Самад барои мақолаҳои беҳтарин сазовори ҷойи дувум  шуданд. Ҷойи сеюм насиби маҷаллаи «Илм ва ҳаёт» гардид. Ғолибони озмун бо диплом ва мукофоти пулӣ қадр карда шуданд.
Чун анъана як қатор рӯз-номанигорони варзида ва собиқадорони соҳа ба ифтихори рӯзи касбии хеш бо нишонҳои сарисинагии аълочии фарҳанг ва матбуоти Ҷумҳурии Тоҷикистон ва ифтихорномаҳои Вазорати фарҳанг қадрдонӣ гаштанд. Аз ҷумла, рӯзномаи «Ҷумҳурият» барои нашри матолиби ҷолиб оид ба ҳаёти сиёсӣ, иқтисодӣ ва иҷтимоиву фарҳангӣ бо дипломи Вазорати фарҳанг ва сармутахассиси рӯзнома Гулистон Мавлоназарова бо нишони Аълочии фарҳанги Ҷумҳурии Тоҷикистон қадрдонӣ гаштанд.
Дар чорабинӣ намояндагони як қатор вазорату идораҳои дахлдор иштирок карда, рӯзноманигорони фаъолро барои ҳамкориҳои судмандашон қадрдонӣ намуданд. Аз ҷумла, нашрияи «Ҷумҳурият» бо «Сипоснома» - и Вазорати маориф ва илм қадрд гардид.
Дар  навбати худ, Қурбоналӣ Раҳмонзода, сармуҳаррири рӯз-номаи «Ҷумҳурият», ба як қатор собиқадорони соҳа, донишҷӯёни фаъоли факултети журналистикаи Донишгоҳи миллии Тоҷикистон ва оилаҳои рӯзноманигорони марҳум мукофотпулӣ супурд.
Ҷашни Рӯзи матбуот бори дигар собит намуд, ки аҳли қалам барои бедории фикрӣ ва таҳкими ваҳдату ягонагии халқу диёр ранҷи шабонарӯзӣ мекашанду заҳматҳои эшонро давлату Ҳукумат низ ба таври шоиста қадр менамояд.
Муҳаммадуллоҳи ТАБАРӢ,
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 13.03.2018    №: 52-53    Мутолиа карданд: 594
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед