logo

фарҳанг

"ҶУМҲУРИЯТ" 93 – СОЛА ШУД

Нахустшумораи рӯзномаи «Ҷумҳурият" 15 марти соли 1925, яъне 93 сол пеш дар шаҳри Душанбе бо номи «Иди тоҷик» нашр ва дастраси хонандагон шуд. Ин рухдоди таърихиву фарҳангӣ, воқеан, барои ҷумҳурии навтаъсис ба иди ҳақиқӣ табдил гардид. 

 
Имрӯз дар толори «Шарқи озод» бо баргузории ҷамъомади тантанавӣ сана ва рухдоди мазкурро қайд карданд. Дар он Масрур Абдуллозода, мушовири Бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Давлат Сафар, сардори раёсати табъу нашри Вазорати фарҳанги ҷумҳурӣ, Наҷмиддини Шоҳинбод, котиби Иттифоқи журналистони Тоҷикистон,  сармуҳаррирони воситаҳои ахбори омма ва собиқадорони «Ҷумҳурият» ширкат варзиданд.
Масрур Абдуллозода аҳли эҷоди рӯзномаро таҳният гуфта, таъкид дошт, ки дар ин муддат вобаста ба сохти сиёсӣ, талаботи давр рӯзнома агарчи борҳо тағйири ному алифбо карда бошад ҳам, тағйири марому мақсад ва ҳадафҳои бузурги давлатсозиву миллатсозӣ нанамудааст.
Шахсиятҳои барҷаставу маъруф чун Қаҳрамонҳои Тоҷикистон, устодон Садриддин Айнӣ, Бобоҷон Ғафуров, Мирзо Турсунзода аз муаллифони фаъоли рӯзнома буданд, ки дар пойдории миллат, шукуфоии кишвар, боло бурдани сатҳи маърифати мардум саҳми бориз гирифтанд. 
- «Ҷумҳурият» тавонист мактаби худро ба вуҷуд оварад ва дар тарбияи мутахассисони соҳа хидмати бузургро ба фарҷом бирасонад, -  изҳор дошт М. Абдуллозода.
Ҳамчунин таъкид шуд, ки рӯзномаро дар солҳои гуногун адибон, шахсиятҳои маъруфи сиёсиву фарҳангӣ мисли Абулқосим Лоҳутӣ, Аминҷон Шукӯҳӣ, Самад Ғанӣ, Ашӯр Ҳалимов, Шодӣ Саидов, Ғоиб Қаландаров, Ибод Файзуллоев, Нур Табаров, Мазҳабшо Муҳаббатшоев ва Шоҳмузаффар Ёдгорӣ, Муҳаммад Ғоиб сарварӣ кардаанд. Адибони маъруф Фазлиддин Муҳаммадиев, Ғоиб Сафарзода, Абдуҷаббор Қаҳҳорӣ, Салимшо Ҳалимшо, Абдулҳамид Самад, Сайф Раҳимзоди Афардӣ, Мутеулло Наҷмиддинов, Зиё Абдулло, Ширин Бунёд дар ҳамин даргоҳ фаъолият доштанд.
«Ҷумҳурият» ҳамеша дар мубориза барои манфиатҳои  миллӣ пешгому парчамбардор буд. 
Соли 1995 он мақоми нашрияи Ҳукумати Ҷумҳурии Тоҷикистонро гирифт ва 14 марти соли 2000 бо фармони Президенти мамлакат нашрияи расмии Ҷумҳурии Тоҷикистон ҳисобида шуд. 
Мақому мартаба ва маҳбубияти рӯзнома сол ба сол дар миёни хонандагон болотар ва бештар мегардад. Дар саҳифаҳои он матолиби муҳими сиёсӣ, фарҳангӣ ва таҳлиливу таҳқиқӣ ба нашр мерасанд. Ҳар ҳафта он 5 маротиба бо теъдоди наздик ба 47 ҳазор нусха аз чоп мебарояд. 
Озмунҳои таъсисёфтаи рӯзнома дар шинохти бештари фидоиёни миллат дар даврони сангини таърих, Қаҳрамонҳои Тоҷикистон Садриддин Айнӣ, Нусратулло Махсум, Бобоҷон Ғафуров ва шоиру публитсисти шаҳир Ғоиб Сафарзода дар ҳувияти миллӣ, хештаншиносӣ, дӯстдории сарзамини аҷдодӣ, ҳимояи бузургтарин манофеи миллӣ таъсири нек гузоштанду мегузоранд.
Дар ин рӯз кормандони фаъоли рӯзнома  Сайвалӣ Азизов, Гулистон Мавлонназарова, Манзура Шамсова, Фирӯз Ҷумъаев, Шафоатулло Шокиров, Мансур Абдуғаффоров, Қобиламо Гулҷонова, Зафар Ҳасанов, Хуршед Толибов, Зебо Назарова ва дигарон барои саҳмашон дар рушди матбуоти кишвар бо унвонҳои Аълочии матбуот, Аълочии фарҳанги Ҷумҳурии Тоҷикистон,  ифтихорномаҳои  Вазорати фарҳанг ва Иттифоқи журналистони Тоҷикистон қадр гардиданд. 
Қурбоналӣ Раҳмонзода, сармуҳаррири «Ҷумҳурият» бо қарори Академияи ВАО ва Иттифоқи журналистони Тоҷикистон Сармуҳаррири сол эълон гардид ва сарвари мушовираи сармуҳаррирон таъйин шуд. Мавсуф дар ҳамоиш бо изҳори сипос таъкид дошт, ки сиёсати созанда ва дастуру раҳнамоии муассиси рӯзнома, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моро водор месозад, ки аз ин минбари баланд ба хотири пойдории давлату миллат, шукуфоии кишвар, боло бурдани сатҳи маърифати ҷомеа дуруст ва сари вақт истифода бикунем. 
Абдулқодири РАҲИМ, «Ҷумҳурият»


Баёни ақида (0)    Санаи нашр: 15.03.2018    №: 55    Мутолиа карданд: 614
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед