logo

иҷтимоиёт

ИСТЕЪДОДИ ФАВҚУЛОДА. Ҷаҳоншиносии Нӯъмонҷони сесола ҳамаро ба ҳайрат овард

Идораи рӯзномаи «Ҷумҳурият» бо мақсади дастгирии истеъдодҳои ҷавону наврас ва мусоидат ба рушди фикриву зеҳнии онҳо Нӯъмонҷони Хотирмурод, кӯдаки сесолаеро, ки бо истеъдоди фавқулодааш ҳамагонро ба ҳайрат овард, бо диплом ва туҳфаи хотиравӣ (планшет) сарфароз намуд.
Нӯъмонҷони Хотирмурод аз деҳаи Урметани ноҳияи Айнӣ баъд аз он ки дар як навори видеоӣ пойтахти 160 кишвари оламро бидуни иштибоҳ номбар кард, дар шабакаҳои иҷтимоӣ мавриди таваҷҷуҳи зиёд қарор гирифта, исмаш вирди забонҳо шуд.
Вусъати ҷаҳоншиносии ин кӯдаки хушзеҳн, ки ҳамагӣ се солу се моҳ дорад, ҳосили талошҳои падараш – Хотирмурод Мирзоёров аст, ки дар таълиму тарбияи фарзандон масъулияти ҷиддӣ нишон медиҳад. Мо ин ҳақиқатро дар суҳбати рӯ ба рӯ бо волидони Нӯъмонҷон ҳангоми тақдими туҳфаҳо дарёфтем.
Ба гуфтаи Хотирмурод Мирзоёров, аслан ҳадаф Нӯъмонҷон набуд, балки фарзанди калониаш Ориёни панҷсола буд, ки ӯро аз фанни ҷуғрофия омӯзиш медод. Вале ғайричашмдошт Нӯъмонҷон, ки гоҳ-гоҳе дар ҷараёни омӯзиш ҳузур дошт, зуд пойтахтҳои кишварҳоро аз худ намуда, зимни суолу ҷавоб аз бародараш пешдастӣ мекард. Чунин зиракӣ таваҷҷуҳро ба Нӯъмонҷон бештар намуда, хотираи фавқулода қавиаш даричаи имконоти ӯро дар назди пайвандон ба сурати ҷиддӣ боз намуд. Падар барои тақвияти ҷаҳоншиносии фарзанди хурдсолаш даст ба кор шуд. Дар ҳуҷраи сукунати фарзандон воситаҳои аёнии таълимиро фароҳам оварда, харитаи сиёсии ҷаҳонро насб кард. Омӯзиш бо харита натиҷаи хуб дод ва ҳоло Нӯъмонҷон на танҳо кишварҳои оламро бо пойтахташон медонад, балки дар кадом қитъаи олам ҷойгир будани ин ё он давлатро аз харита бе мушкилӣ нишон медиҳад. Вай ҳангоме ки дар даст ҳарфҳои алифбои тоҷикиро дошт, ба суолҳои мо низ, чун дар навори видеоии интернет, бе иштибоҳ ҷавоб мегуфт. Парчами кишварҳои мавриди назарро аз харита шиносоӣ карда, даст рӯи он мебурд. Ҳамагуна кӯшиши ба иштибоҳ андохтани ин кӯдаки доно бенатиҷа ва посух ба суолҳо дурусту бехато буданд, ки қобили таҳсину офарин аст.
Камоли маърифат, тамкини сухан, шеъру адаб аз ҷумлаи арзишҳоест, ки дар хонадони Мирзоёровҳо ҳамеша рӯи кор аст. Сарвари хонадон Ҳафизмурод Мирзоёров, бобои Нӯъмонҷон, ки баъд аз фаъолияти бобарору тӯлонӣ дар соҳаи маориф, ҳоло дар нафақа аст, ба тарбияи фарзандон ва камолоти маънавии онҳо таваҷҷуҳи зиёд зоҳир менамояд. Ҳафизмурод Мирзоёров гуфт, ки гузаштагон ва аҳли оилаи онҳо дорои хотираи қавӣ ҳастанд, вале неруи зеҳнии Нӯъмонҷони сесола фавқулода гирову ҳайратовар аст. «Нӯъмонҷон моро қоил кард. Вай ҳамаи пойтахтҳои кишварҳоро дар зарфи се моҳ аз бар карда, қитъаҳои оламро аз харита тақсимбандӣ мекунад. Мо ба ояндаи ӯ хушбин ҳастем».
Албатта, на ҳама метавонад дар сатҳи Нӯъмонҷон зираку ҳушманд бошад, вале кӯшишҳои падари ин кӯдаки хурдсол нишон медиҳад, ки эҳсоси масъулияти волидон дар таълиму тарбияи фарзанд роҳи расидан ба камолоти онҳоро ҳамвор хоҳад кард. Ҳоло донишу биниши Ориён, фарзанди калони ӯ низ қобили таҳсин аст. Вай панҷ сол дорад ва дар суолу ҷавоб бо бародараш рақобат мекунад. Вале тавре мо мушоҳида кардем, аллакай Нӯъмонҷон имкон намедиҳад, ки Ориён аз ӯ пеш гузарад. Баҳсу кашмакаши маърифатии ин ду хурдсол, ки дар ҳолати фориғ аз ҳавои кӯдакиашон ба миён меояд, завқовару омӯзанда аст. Омӯзанда аз он ҷиҳат, ки мешавад чунин фазоро дар ҳар хонадон, бахусус оилаҳои ҷавон фароҳам кард ва таълими фарзандонро аз хурдсолӣ ба самти мусбат равона сохт.
- Бо диплом ва туҳфаи хотиравии «Ҷумҳурият» сарфароз гардидани фарзандам боиси ифтихору сарбаландист. Ин қадршиносии роҳбарияти рӯзномаи бонуфузи кишвар масъулияти моро бештар карда, талош менамоем, ки Нӯъмонҷон сазовори боварӣ бошад ва ҳамаи интизориҳо дар мавриди ояндаи ӯ бароварда шаванд, - изҳор дошт Хотирмурод Мирзоёров, падаре, ки шодиашро ҳеҷ пинҳон дошта наметавонист. 
М. САНГМАМАДОВА,
Ф. РАҲМОНИЁН,
«Ҷумҳурият»
Душанбе – Айнӣ – Душанбе


Баёни ақида (0)    Санаи нашр: 16.03.2018    №: 56    Мутолиа карданд: 381

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед