logo

фарҳанг

ШУКӮҲИ НАВРӮЗ

Дигар рӯшан аст ва ниёз ба исбот намудан надорад, ки Наврӯзи Аҷам аз он куҳан рӯзгор ё худ даврони бостон ҷашни Соли нави миллии мо маҳсуб меёфт. Он чун тантанаи ваҳдати инсону табиат шинохта мешуд ва ҳанӯз ҳам асолати худро аз даст надодааст. Беҳтарин орзуҳо, таманноҳоро дар дили мардум бедор мекард. Қудумаш бас муборак буду муборак ҳаст ва ҳамчунон мемонад.
Мардум ва аҳли зиёи мо аз он рӯзгор то ба имрӯз дар васфи Наврӯз, баҳори хуррам беҳтарин ашъорашонро гуфтанду навиштанд. Ҳамчунин, беҳтарин дурдонаҳои савту навои наврӯзиро дар оҳангҳо фароҳам оварданд, то дар хидмати мо ва ояндагон қарор дошта бошанд.
Дар дунё мисли Наврӯзи оламафрӯзи мо ҷашну иде вуҷуд надорад, ки беҳтарин русуми дилчасп ва суннатҳои зиндагисозро дар худ таҷассум бикунад. Бад-ин хотир аст, ки дигар халқҳои миллатҳо ба он ҳусни таваҷҷуҳи махсус зоҳир карданд. Боиси ифтихори ҳар кадоми мо аст, ки онро чун дастоварди бузургу беназири фарҳангӣ шинохтанду эътироф намуданд.
Оғози зуҳури ин иди муборак ба кишоварзон иртибот мегирад. Аз ин рӯст, ки бо омадану расидани муждаи Наврӯз бар замин донаи умед мепошиданд. Инчунин, ниҳол мешинонданд, ҷӯйу наҳрҳоро тоза мекарданд, ба ободии манзилҳои зист, тозаву озода намудани хонаҳо диққати асосиро равона мекарданд. Наврӯзро ҷашни парвариши рӯҳ ва маънавиёти солим, пиндору гуфтору кирдори нек шинохтаанд.
Дар ин рӯзҳои пурфайзу шодмонӣ аз гузаштагон ёд меоварданд, ба аёдати беморон мерафтанд, ятимону маъюбонро даст мегирифтанд. Ба ҷуз ин дар он айём аз гуноҳи ҳамдигар мегузаштанд. Ин ҳама, албатта, аз фарҳанги нодиру волои инсондӯстиву самимияти миллат гувоҳӣ медиҳад. Ҳамзамон бояд ёдовар шуд, ки идомаи ин беҳтарин анъанаҳову суннатҳои наврӯзӣ бори дигар собит месозад, ки мо қарзи инсониямонро дар назди рӯҳи ниёгони бузургамон адо мекунем. Бешак, дар ин ҳол ояндагон низ аз мо ибрат мегиранд ва Наврӯзро дӯст ва хуҷаста медоранд.
Ҳар як шаҳрванди кишвар хушбахт аз он аст, ки дар даврони истиқлолият на танҳо ҳамаи анъанаву суннату русуми неки Наврӯзӣ эҳё гардиданд, балки сифатан беҳтар шуданд, шукӯҳу шаҳомати хоссаро ба худ касб карданд. Ин ҳама, бешак, бо ташаббуси бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон сурат гирифт. Бо талошу заҳматҳои Сарвари давлатамон он ба ҷашни байналмилалӣ табдил ёфт. Фарҳангу ҳикмати асили он бо ҳидояти Президенти мамлакат бештар аз пештар мавриди таҳқиқу омӯзиш қарор гирифт. Дар андак муддат дар аксар шаҳру ноҳияҳои кишвар наврӯзгоҳҳо бунёд ёфтанд, ки пештар аз ин собиқа надошт.
Ҳамасола ҷашни Наврӯзи оламафрӯз дар марҳилаи сифатан нави сиёсӣ, иҷтимоӣ ва фарҳангии кишварамон таҷлил мешавад. Дар соли рушди сайёҳӣ ва ҳунарҳои мардумӣ, ба яқин, Наврӯз бошукӯҳтар ҷашн гирифта мешавад. Бузургони пешинамон ба таъкид изҳор медоштанд, ки «Ҳар кӣ рӯзи Наврӯз ҷашн кунад ва ба хуррамӣ пайвандад, то Наврӯзи дигар умр дар шодиву хуррамӣ гузорад».
Албатта, ин ҷашн худ гувоҳ бар он аст, ки то ба Наврӯзи дигар умр дар шодиву хуррамӣ  мегузорем.
Бо шукргузорӣ аз истиқлолияти давлатӣ, ваҳдати миллӣ, амну осоиштагӣ, дастовардҳои бузурги кишвар дар бахшҳои бисёр муҳими ҳаётӣ таҷлили Наврӯз дар худшиносӣ  таъсири неку созанда дорад.
Истиқболи гарму ҷӯшонамон аз Наврӯз, ки ҳамчун муждаи аввалини баҳори хуҷастапай аст, моро ба истиқрори ваҳдат, ҳамдигарфаҳмӣ, барафрӯхтани чароғи меҳру муҳаббат ва пойдории дӯстиву рафоқат, ҷомаи амал пӯшондани орзуву таманноҳои нек бори дигар ҳидоят мекунаду водор месозад.
Ҳамин тавр, Наврӯз як ҷашни одӣ, як ҷашни баҳор нест, балки тарғибгари беҳтарин анъанаҳову суннатҳои волои ниёгонамон, фарҳанги барҷаставу асили инсонӣ ва ормонҳои бузурги башардӯстона маҳсуб мешавад.
СУЛТОНЗОДА Сулаймон,
директори Агентии назорати
давлатии молиявӣ ва мубориза
бо коррупсияи  Ҷумҳурии Тоҷикистон


Баёни ақида (0)    Санаи нашр: 19.03.2018    №: 57-58    Мутолиа карданд: 355

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед