logo

сиёсат

ИҚДОМОТИ ДУ САРВАР

Сафари давлатии Президенти Ҷумҳурии Ӯзбекистон ба Ҷумҳурии Тоҷикистон дар маркази диққати мардуми ду кишвари бародар қарор гирифтааст. Тоҷикону ӯзбекон аз мулоқоти дӯстонаи ду сарвари муаззам, созишномаҳои имзошуда, боздидҳо аз намоишгоҳҳо, чорабиниҳои фарҳангию маърифатӣ изҳори хурсандию хушнудӣ намуданд. Президенти Ҷумҳурии Тоҷикистон муҳтарам Эмомалӣ Раҳмон сафари Шавкат Мирзиёевро сафари таърихӣ арзёбӣ намуданд.

Боиси хурсандист, ки рӯз ба рӯз муносибатҳои сиёсӣ, иқтисодию тиҷоратӣ ва илмию фарҳангии Тоҷикистону Ӯзбекистон беҳтар мегарданд. Халқҳои бо ҳамдигар дӯсту бародар дар тӯли асрҳои зиёд робитаҳои наздик доштанд ва дӯстии Абдураҳмони Ҷомӣ ва Мир Алишери Навоӣ дар аср 15 рамзи беҳтарини ин дӯстии безавол  аст. Имрӯз авлодони ин ду шоири шаҳир дӯстиву ҳамгироиро азизу гиромӣ медоранд. Расму ойин, анъанаҳои муштарак, иштирок дар маросимҳои шоду ғами якдигар халқҳои тоҷику ӯзбекро бо ҳам наздиктару қаринтар гардондаанд. Ва ҳоло дар ҷаҳони муосир кам халқҳоеро ёфтан мумкин аст, ки ин қадар бо ҳамдигар наздику пайванд бошанд, то ин дараҷа ҳамдигарро ҳурмату эҳтиром ва иззату икром намоянд.
9 марти соли равон дар шаҳри Душанбе 27 созишнома ба имзо расид. Аз ҷумла, байни Маркази тадқиқоти стратегии назди Президенти Ҷумҳурии Тоҷикистон ва Институти тадқиқоти стратегӣ ва байниминтақавии назди Президенти Ҷумҳурии Ӯзбекистон ёддошти тафоҳум имзо шуд. 
Истифодаи потенсиали бузурги саноатии Тоҷикистону Ӯзбекистон ба манфиати ҳар ду кишвар аст. Бунёди корхонаҳои муштарак барои истеҳсоли маҳсулоти саноатӣ ба нақша гирифта шудааст. Ҳар ду ҷониб тасмим гирифтаанд, ки корхонаҳои муштарак оид ба истеҳсоли техникаи кишоварзӣ, қисмҳои эҳтиётӣ, асбобҳои рӯзгор, коргоҳҳои коркарди алюминий бунёд менамоянд.   
Тоҷикистон ва Ӯзбекистонро шоҳроҳҳои бузурги минтақавӣ бо ҳам пайваст менамоянд. Роҳҳои Ӯзбекистон-Тоҷикистон - Чин, Ӯзбекистон - Тоҷикистон - Қирғизистон, Ӯзбекистон-Тоҷикистон - Афғонистон ва ғайра ҳар ду кишварро ҳамчун кишварҳои транзитӣ байни Шарқу Ғарб муаррифӣ мекунанд. Роҳи оҳани "Амузанг-Ғалаба", ки аз нав мавриди баҳрабардорӣ қарор гирифт, барои интиқоли молу маҳсулот ба ҳар ду кишвар нақши муҳим мебозад.
Аз ҷониби Ӯзбекистон паст гардидани тарифҳои хизматрасонии нақлиётиро мо як рамзи эҳтироми бародарона меҳисобем, ки самараи онро мардуми Тоҷикистон аллакай эҳсос намудаанд: маҳсулоти хӯрокворӣ, аз ҷумла орду гандум, биринҷ ва ғайра дар бозорҳои кишвар  хеле арзон гардиданд.
Нақлиёти ҳавоии ҳар ду кишвар ояндаи дурахшон доранд. Ҳоло    байни Душанбеву Тошканд парвози тайёраҳо ба роҳ монда шудааст ва  дар оянда ба шаҳрҳои Самарқанд, Бухоро, Хуҷанд масирҳои нави парвоз ифтитоҳ мегарданд.
Имсол дар Ҷумҳурии Тоҷикистон Соли рушди сайёҳӣ ва ҳунарҳои мардумӣ эълон гардидааст. Бо кушодашавии гузаргоҳҳо сафари гурӯҳҳои туристӣ ба ҳар ду кишвар боз ҳам зиёдтар гардид. Дар ҷаласае, ки дар Маркази тадқиқоти стратегии назди Президенти Ҷумҳурии Тоҷикистон баргузор гардид, меҳмонони ӯзбек изҳор доштанд, ки соли гузашта шумораи сайёҳони Тоҷикистон ба Ӯзбекистон панҷ маротиба зиёд шудааст. Мавриди зикр аст, ки шумораи сайёҳони Ӯзбекистон ба Тоҷикистон низ афзоиш ёфтааст.   
Дар барномаҳои стратегии ҳар ду кишвар рушди саноат ва содироти маҳсулоти саноатӣ ба кишварҳои Осиё пешбинӣ гардидааст. Бо ташкили ширкатҳои муштарак, истеҳсоли маҳсулоти ниҳоии ба рақобат тобовар ҳамкориҳои Тоҷикистону Ӯзбекистон дар ин самт самараи дилхоҳ хоҳанд дод.
Манучеҳр  РАСУЛОВ,
коршиноси Маркази тадқиқоти стратегии
назди Президенти Ҷумҳурии Тоҷикистон


Баёни ақида (0)    Санаи нашр: 19.03.2018    №: 57-58    Мутолиа карданд: 381

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед