logo

туризм

ПОКРӮД. ИМКОНИЯТҲОИ НАВИ РУШДИ САЙЁҲӢ

Мавзеи Покрӯди дараи Ромити шаҳри Ваҳдат аз ҷумлаи минтақаҳои сайёҳиест, ки дорои иқлими мусоид ва манзараҳои нотакрори табиат буда, дар аҳди шӯравӣ ҳам мавзеи гардишгариву саёҳати илмӣ ва омӯзишӣ будааст. Таърихи зиндагии инсонҳо дар Покрӯд ва дараи Ромит ҳанӯз дар замонҳои хеле қадим бо оинҳои Меҳр ва Авасто оғоз шудааст.

Бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давоми 5 соли охир дар ин минтақа таҳаввулоти чашмрасе ба миён омада, барои рушди сайёҳӣ заминаҳои зарурӣ фароҳам шудаанд. Агар қаблан сокинони ин сарзамин дар шароити носозгори иҷтимоӣ - бе неруи барқ, хизматрасониҳои таълимиву тиббӣ ҳаёт ба сар мебурданд, дар замони Истиқлолияти давлатӣ ин мушкилот аз байн рафта, роҳу пулҳо, муассисаҳои таълимӣ, бунгоҳҳои тиббӣ, корхонаҳои зиёди саноатӣ, ҳавзҳои  моҳипарварӣ ва ғайра бунёд гаштаанд. Ҳоло барои бунёди корхонаҳои нави саноатӣ, меҳмонхонаҳо, марказҳои пажӯҳишӣ дар бахшҳои биология, экология, пиряхшиносӣ, табиатшиносӣ, гиёҳшиносӣ тадбирҳое рӯи даст гирифта шудаанд.
Саёҳат дар дараи Ромит нисбат ба дигар минтақаҳо тафовут дорад. Зеро ин минтақаро кӯҳҳои басо баланд, рӯдхонаҳои поку соф ва экосистемаи нодиру беолоиш фаро гирифтааст. Покрӯд дар қисми шимолии дараи Ромит ҷойгир буда, ҷуғрофия ва табиати ин сарзамин дар тамоми фаслҳои сол диданӣ ва ҷаззоб аст. Барои ҷалби сайёҳони хориҷӣ ба Покрӯд тамоми имкониятҳо фароҳам шудааст. Аз ҷумла, бо дастгирии бевоситаи Сарвари давлат истироҳатгоҳи Покрӯд бо тамоми шароити мудерн ва ҷавобгӯ ба талаботи меъёрҳои байналмилалии туристӣ бунёд гаштааст.
Бахшида ба Соли рушди сайёҳӣ ва ҳунарҳои мардумӣ, танҳо соли равон бунёди 8 мактаб, 5 бунгоҳи тиббӣ, беморхонаи марказӣ ва лоиҳаи интиқоли хати неруи барқ барои деҳаҳои болоби дараи Ромит ба нақша гирифта шудааст, ки татбиқи ин нақшаҳо дорои аҳамияти муҳим мебошанд.
Дар атрофи рӯдхонаи Покрӯд меҳмонхонаҳои наву замонавӣ дар ҳоли бунёд аст, ки метавонанд  ҳамарӯза то 100 нафар сайёҳи дохиливу хориҷиро қабул намоянд. Гузашта аз ин, дар рӯдхона парвариши моҳиҳои гуногун аз қабили гулмоҳӣ ба роҳ монда шудааст, ки барои ҷалби сайёҳон  мувофиқи мақсад аст. Бояд гуфт, ки ҳанӯз дар замони шӯравӣ ҳамасола ҳазорон нафар сайёҳону пажӯҳишгарони соҳаи геология ва тиб аз кишварҳои ҷаҳон ба Ромит меомаданд. Воқеан, табиат дар соҳили дарёи Покрӯд хеле сокиту ором ва дорои муъҷизаҳои ношинохта аст. Табиати орому бикри ин сарзамин ҳар инсонро ба шинохти маърифати ҳаёт ва эҳтироми обу хоки Ватан водор менамояд.
Имрӯз дар дараи Ромит деҳаҳои зиёде вуҷуд доранд, ки сокинони онҳо ҳангоми суҳбат калимаю вожаҳои суғдиро истифода мебаранд. Калимаву вожаҳое, назири покрӯд, арху, вускейф, вистан, пишандуч, коху, хушон, руфиғар, пучеф мавриди истифода қарор доранд, ки баёнгари асолати таърихист.
Мавзеи Покрӯд дар фосилаи 75 километраи шаҳри Ваҳдат қарор дошта дар тамоми фаслҳои сол имконият барои сафар ба ин макони дилангез вуҷуд дорад. Аз ин рӯ, табдил додани ин сарзамин ба яке аз хатсайрҳои нав саҳифаи тозае дар рушди соҳаи сайёҳӣ ва муаррифии табиати биҳиштосои Тоҷикистони азиз хоҳад шуд.
Фатҳиддин ЗАМОН,
рӯзноманигор


Баёни ақида (0)    Санаи нашр: 26.03.2018    №: 59-60    Мутолиа карданд: 526

11.12.2019


«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст


Дар сомонаҳои дигари Тоҷикистон хонед