logo

фарҳанг

ДУШАНБЕ. ДУ ОСОРХОНАИ ДИГАР БА ФАЪОЛИЯТ ШУРӮЪ КАРД

Ба ифтихори Соли рушди сайёҳӣ ва ҳунарҳои мардумӣ ва ҳифзи мероси таърихию фарҳангӣ, муаррифии дастовардҳои ҳунарию эҷодии гузаштагон ва ҷалби ҳарчи бештари сайёҳони дохилию хориҷӣ Осорхонаи мардумшиносии Институти таърих, бостоншиносӣ ва мардумшиносии ба номи Аҳмади Дониши Академияи илмҳои Ҷумҳурии Тоҷикистон бо тарҳу симо ва бахшҳои ҷадид аз нав ба фаъолият шурӯъ намуд.
Осорхонаи мазкур соли 1981 дар хиёбони Исмоили Сомонии пойтахт таъсис ёфта, яке аз калонтарин осорхонаҳо дар бахши этнографияи тоҷикон маҳсуб меёфт. Аммо бо пеш омадани як қатор мушкилиҳо вобаста ба таъминоти молиявӣ ва нигоҳубини осорхона аз соли 2007 он ба кӯчаи академикҳо Раҷабовҳо кӯчонда шуд.
Бино ба маълумоти Абдулло Ғафуров, муовини директор оид ба илми институти мазкур, мақсади аз нав эҳё намудани осорхона, ҳифзи ёдгориҳои таърихию мардумӣ, дастовардҳои фарҳангӣ, инчунин, расондани ёрии моддӣ ба муассисаҳои илмию фарҳангии кишвар ва пуррагардонии фонди осорхона бо сарпарастии молиявии Ҷамъияти саҳомии пӯшидаи «Фароз» бинои қаблии осорхона, ки то ин дам дар ҳолати корношоямӣ  қарор дошт, пурра таъмиру таҷдид гардида, тамоми шароити лозима фароҳам оварда шуд.
Айни замон дар осорхона зиёда аз 10 ҳазор намунаи либоси қадимаи миллии тоҷикӣ ба намоиш гузошта шуд, ки ҷамъоварии онҳо ҳанӯз соли 1940 аз тарафи этнографи маъруф М. С. Андреев ва шогирдони ӯ Н. Ершов, А. Писарчик ва М. Ҳомидҷонова оғоз гардидааст.
Экспозитсияи осорхона аз 4 қисмат: фарҳанги анъанавии тоҷикони қисмати шимолу ҷанубии Тоҷикистон, тоҷикони марказӣ ва фарҳанги анъанавии тоҷикони Бадахшон иборат аст.
Дар қисмати дувуми бинои муассиса аввалин осорхонаи мероси таърихию фарҳангии бонувони тоҷик – «Осорхонаи занони барҷастаи Тоҷикистон» дарҳои худро барои меҳмонону сокинон боз намуд.
- Сарватҳои таърихию фарҳангии ин бахши осорхона аз тарафи ходими давлатӣ ва ҷамъиятии ҷумҳурӣ Муқаддара Рустамова (1926 – 2002) ҷамъоварӣ шудааст ва барои арҷгузорӣ ба ин шахсияти бузург осорхона ба номи ӯ сабт гардид. Дар он нигораҳои ороишоти занонаи охири асри ХVIII, маҷмӯи нассоҷӣ ва пироҳанҳои асри ХIХ, намунаҳои силоҳҳои асри ХIХ, ранҷи дастони ҳунармандон ва чӯбкориҳои нодир мавҷуданд, - афзуд А. Ғафуров.
Дар ифтитоҳи муассисаи мазкур занони маъруфи кишвар ва аҳли оилаи онҳо ширкат доштанд. Аз ҷумла, Низорамоҳ Зарифова, ки як гӯшаи осорхона ба ҳаёту фаъолияти ӯ бахшида шудааст, андешаҳояшро чунин иброз дошт: «Занони тоҷик дар мисоли ҳамин муассиса бори дигар мефаҳманд, ки давлату Ҳукумат хизматҳои бонувонро фаромӯш намекунад ва ба хотири қадрдонии онҳо, ҷовидонагии ному осори эшон чораҳои зуруриро меандешад».
Дар осорхонаи «Занони барҷастаи Тоҷикистон» гӯшаҳои алоҳидаи модари аллома Бобоҷон Ғафуров - шоира Розия Озод, камонвари маъруф  Зебунисо Рустамова, қаҳрамонзан Мамлакат Наҳангова ва даҳҳо бонувони шуҷову диловари тоҷик ба маъраз гузошта шудаанд.
Зиёда аз 3 ҳазору 500 ашёи фарҳангию таърихӣ касбу ҳунар ва ҷаҳонбинии бонувони тоҷикро муаррифӣ намуда, барои меҳмонони дохилухориҷи кишвар маълумоти пурқиммат медиҳанд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 28.03.2018    №: 61    Мутолиа карданд: 257

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед