logo

иқтисод

ТОҶИКОБОД. ЗАМИНРО БОСАМАР ИСТИФОДА БАРЕМ!

Кормандони идораи замини ноҳияи Тоҷикобод дар пайи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба истифодаи оқилонаи замин корҳои муайянеро ба сомон мерасонанд.
Боғдорӣ яке аз соҳаҳои асосии кишоварзии ноҳия ба ҳисоб рафта, дар бобати таъминоти аҳолӣ бо озуқаворӣ, афзун гардондани имкониятҳои содиротии ноҳия ва ба кори доимӣ таъмин намудани аҳолӣ нақши калидӣ дорад. Иқлими ноҳия барои парвариши меваҳои гуногун, хусусан  нок, себ, зардолу ва гелос хеле мувофиқ аст.  Имрӯзҳо аҳли заҳмати ноҳия майдони боғотро аз ҳисоби заминҳои бекорхобида зиёд намуда истодаанд. Тавре сармутахассиси идораи замини ноҳия Муқимҷон Шарифов зимни суҳбат иттилоъ дод, кишоварзони ноҳия бо мақсади иҷрои «Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016-2020» ҷиҳати истифодаи самараноки заминҳо баҳри бунёди боғҳои нав дар талу теппаҳои бо намӣ таъмин ва ба гардиши кишоварзӣ ворид намудани заминҳои бекорхобида нақша доранд, ки ин баҳор дар майдони 18 гектар боғи нав бунёд намоянд.
Ҳоло майдони боғ дар ноҳия 473 гектарро ташкил медиҳад. Санҷиш нишон дод, ки дар ноҳия 18,21 гектар боғ мутобиқ ба иқлим дар заминҳои лалмӣ - талу теппаҳо бунёд гардидааст. Кормандони идораи замини ноҳия, корхонаи «Бақайдгирии молу мулки ғайриманқул» ва хоҷагиҳои деҳқонӣ соли гузашта дар 5 гектар замини лалмӣ боғ бунёд намуданд ва айни ҳол сабзиши ниҳолҳои шинондашуда хуб мебошад. Дар деҳаи Капалии Ҷамоати деҳоти Қалъаи Лаби Об тирамоҳи соли гузашта дар майдони 1,3 гектар қитъаи боғи намунавии интенсивии нок  бунёд гардид.
 Дар самти риояи талаботи Кодекси замини Ҷумҳурии Тоҷикистон ва дигар санадҳои меъёрии ҳуқуқӣ дар давоми соли сипаришуда  идораи замини ноҳия  62 ҳолати истифодаи ғайриқонунии заминро ошкор намуд. Барои пешгирӣ ва бартараф кардани қонуншиканиҳои вобаста ба замин тадбирҳои қотеона амалӣ мешаванд.
Санҷиш оид ба истифодаи заминҳои хоҷагиҳои ёрирасони шахсии шаҳрвандон низ камбудиҳои зиёдро ошкор сохт. Аз ин рӯ, ҳар як роҳбари хоҷагӣ барои бартарафсозии камбудиҳо  дастур гирифта, шартномаҳои бас-ташуда барои истифодаи қитъаҳои замини ёрирасони шахсии шаҳрвандон бекор карда шуданд. Зеро истифодаи замин бояд бемуҳлат ва таҳти назорати ҷамоатҳои деҳот ба роҳ монда шавад. Соли гузашта, ҳамчунин, 30 гектар замини бекорхобида ба гардиши кишоварзӣ дохил  карда шуд, ки аз ин ҳисоб ҳар сол ба кумитаи андози ноҳия 15 ҳазор сомонӣ маблағ ворид хоҳад шуд. Ҳадаф аз ин иқдомҳо истифодаи босамари ҳар ваҷаб замин арзёбӣ мегардад.
Дилшод АМИРОВ, «Ҷумҳурият»


Баёни ақида (0)    Санаи нашр: 29.03.2018    №: 62-63    Мутолиа карданд: 200

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед