logo

фарҳанг

АДРАСБОФӢ. САФИ ҲУНАРМАНДОН ДАР ШАҲРИ ТУРСУНЗОДА МЕАФЗОЯД

Адрасбофӣ яке аз ҳунарҳои маъмулию қадимаи тоҷикон маҳсуб меёбад, ки то ба имрӯз маъруфияти зиёд дорад. Адрас матои мунаққашест, ки тораш аз абрешиму пудаш аз ресмони пахтагин буда, дар дастгоҳи махсус бофта мешавад. Аз матои он сарулибоси занона, ҷомаҳои мардонаву бачагона ва баъзе ашёи рӯзгор, ба монанди кӯрпаву болишт ва дастархону рӯйпӯши бистар медӯзанд, ки дар ҳаёти маишии мардум васеъ истифода мегарданд.
Адрасбофӣ имрӯз қариб дар тамоми минтақаҳои кишвар дида мешавад. Аз ҷумла, дар шаҳри Турсунзода перомуни ин масъала диққати махсус зоҳир гардида, бо дастгирии мақомоти иҷроияи маҳаллии ҳокимияти давлатии шаҳр 8 дастгоҳи атласу адрасбофӣ ба истифода дода шудааст. Бо мақсади рушди он хоҳишмандон дар шаҳри Хуҷанд аз курсҳои кӯтоҳмуддати атласу адрасбофӣ гузашта, имрӯз, аллакай шогирдони зиёдеро дар ин самт ҳидоят карда истодаанд.
Яке аз чунин коргоҳи адрасбофӣ дар Ҷамоати деҳоти 10 – солагии истиқлолияти шаҳри Турсунзода кушода шуда, дар он 12 нафар занону духтарон бо роҳбарии омӯзгор Ҳамида Комилова ба кор ҷалб гардидаанд.
Ба гуфтаи Ҳамида Комилова солҳои пеш адрасро аз абрешими нисбатан дурушт мебофтанд, ки нахи он аз 15 – 20 пиллаи даҳбанда иборат буд ва ҳар банд 200 нах дошт. Бофандагон барои рангубори риштаи адрас рангҳоро аз рӯян, пӯсти анор, испарак ва ғайраҳо омода мекарданд. Ҳоло бошад, аксари муассисаҳои таълимӣ – истеҳсолии адрасбофӣ риштаҳои рангкардаи тайёр мехаранд.
- Усули бофтани он дар ҳама ҷо як хел ба назар расида, танҳо аз ҷиҳати ранг ва нақшу нигор тафовут доранд. Аз ҷумла, адраси бунафш, зангор, пудсафед, хумӣ, шона, мурғобӣ, барги карам ва ғайра. Ороиши адрас дар дастгоҳҳои махсус сурат мегирад, ки ин амали гулпартоиро абрбандӣ мегӯянд. Матои дигар, ки ба ин маъно ҳамранг аст, атлас мебошад. Танҳо бо сифат ва мавқеи хосси худ аз ҳам тафовут доранд. Онро «шоҳи матоъҳо» низ ном мебаранд. Атласу адрас маҳсули меҳнати ҳунармандони халқӣ буда, чун воситаи муҳими эстетикию ороишӣ бо зиндагӣ ва завқи бадеии мардум робитаи ногусастанӣ доранд.
Хоссатан дар даврони соҳиб- истиқлолӣ занону духтарони тоҷик дар ҷашну маросимҳои анъанавӣ аз атлас ва адрас ба таври васеъ истифода мекунанд. Аз ин рӯ, дар саросари кишвар имрӯз ин ду матоъ серхаридор маҳсуб меёбанд, - гуфт Ҳ. Комилова.
Боиси тазаккур аст, ки дар шаҳри Турсунзода ҳунарҳои мардумӣ ривоҷ ёфта, ғайр аз адрасу атласбофӣ боз ҳамарӯза ҷавонон барои омӯзиш ба ҳунарҳои кӯлолгарӣ, қолинбофӣ, кандакорӣ, гилембофӣ ва наққошӣ ҷалб гардидаанд.
Қурбон АҲМАДЗОД,  «Ҷумҳурият»


Баёни ақида (0)    Санаи нашр: 03.40.2018    №: 66    Мутолиа карданд: 411

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед