logo

иҷтимоиёт

ТОҶИКОН ВА ӮЗБЕКОН. ТАЪРИХИ НАВИНИ ҲАМСОЯДОРӢ

Чандест, ки шодию нишоти ду мардуми таърихан ба ҳам дӯсту бародари тоҷик ва ӯзбекро ҳадду канор нест. Сафари давлатии Президенти Ҷумҳурии Ӯзбекистон Шавкат Мирзиеёв ба Ҷумҳурии Тоҷикистон, ки  9-10 марти соли ҷорӣ сурат гирифт, дарвозаи ҳамдилию ҳамкорӣ ва дӯстию бародарии ду миллати ба ҳам қаринро аз нав кушод.
Вобаста ба дӯстии ин ду миллат суханони сардафтари адабиёти муосири тоҷик устод Садриддин Айнӣ ба ёдам меояд, ки гуфта буданд: «Тоҷику ӯзбек як миллати дузабонанд». Воқеан, вақте кас саҳифаҳои таърихи ду халқи бародарро варақгардон мекунад, рӯшан мегардад, ки онҳо дар дину оин, урфу одатҳои миллӣ, то андозае қаринанд, ки миёнашон фарқ гузоштан мушкил аст.
Мутафаккири варзидаи тоҷик Мавлоно Абдураҳмони Ҷомӣ бо сардафтари адабиёти классики ӯзбек Мир Алишери Навоӣ робитаи дӯстию бародарие доштанд, ки то охири умрашон бо як ихлосмандию самимият идома кард. Алишери Навоӣ дар рисолаи худ «Хамсат – ул - мутаҳҳирин» аз он ёдовар мешавад, ки ҳанӯз ҳангоми 15 - 16 - сола буданаш бо  Мавлоно Абдураҳмони Ҷомӣ робитаи дӯстӣ пайдо намуд ва дар ҳар кор аз ӯ маслиҳат мепурсид. Маҳз бо талошу роҳбарии ин саромадони илму адаб замоне дар шаҳри Ҳирот як доираи адабӣ ташкил шуда буд, ки бо ду забон шеърҳо ва дигар рисолаҳои илмӣ эҷод мекарданд. Ҳамин гуна самимияту муҳаббат ба ҳамдигар то кунун риштаҳои дӯстиву ҳамдилии тоҷикону ӯзбеконро поянда, балки таҳким бахшидааст.
Таърих гувоҳ аст, ки устод Айнӣ чандин асарҳои хешро бо забони ӯзбекӣ таълиф карда, бо ин восита ҳиссаи хешро дар тарбияи нависандагони ӯзбек гузошта буд. Ин аст, ки нависандаи ӯзбек Ғафур Ғулом Садриддин Айниро бо ифтихор устоди худ медонад.
Адиб ва шахсияти шинохтаи олами сиёсат Шароф Рашидов дар мавриди Қаҳрамони Тоҷикистон устод Мирзо Турсунзода навишта буд: «Мирзо Турсунзода на танҳо шоири тоҷикон, балки шоири мо ӯзбекон ҳам ҳаст».
Мо дӯстию бародарии ин ду миллатро сар то қадамаш, дар корҳои маҳалдорию, маъракаҳои ҳамсоягӣ ва ҷои кору хизмати ҳарбӣ хуб эҳсос мекунем.
Дар муассисаҳои таҳсилоти миёнаи умумии ноҳияи Восеъ низ  хонандагони тоҷику ӯзбек дар як муассиса ба таълиму тадрис машғуланд. Дар ин замина баробарҳуқуқии онҳо ҳамеша таъмин буда, ба ҳеҷ як тараф зимни таълиму тадрис авлавият дода нашудааст.
Таърихи навини давлатдории мо шаҳодат медиҳад, ки аз ибтидои Истиқлолияти давлатӣ, таҳкими муносиботи неки ҳамсоядорӣ ҳамеша дар меҳвари таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошт. Роҳбарияти олии мамлакат бо назардошти муштаракоти таърихиву фарҳангии тоҷикону ӯзбекон дар ҳеҷ як марҳила муносибати дӯстонаро бо ҳамсояи наздикамон - Ҷумҳурии Ӯзбекистон сарфи назар накарда, балки ҳамеша дар талоши таҳкими равобит буданд. Чунин фитрати баланду оянданигарона буд, ки имрӯз дар муносиботи байнидавлативу хешутабории ду халқи бародар марҳилаи нави дӯстӣ ба миён омада, дарвозаҳои меҳру муҳаббат ба рӯи ҳамдигар боз шуданд.
Рустам СОЛИҲОВ,
сармутахассиси шуъбаи маорифи ноҳияи Восеъ


Баёни ақида (0)    Санаи нашр: 04.04.2018    №: 67    Мутолиа карданд: 296

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед