logo

сиёсат

ЧЕҲРАҲОИ САРШИНОС ЧАРО НАҲЗАТИҲО ОНҲОРО ҲАДАФИ ҚАТЛ ҚАРОР ДОДАНД?

Барои ҳеҷ кас пӯшида нест, ки ташкилоти террористӣ - экстремистии ҲНИТ фаъолияти худро дар ҳудуди Тоҷикистон аз бедодгарӣ, қатлу ғорати ашхоси номвару муътабари кишвар оғоз карда буд. ҲНИТ ҳамчун ҳизби сиёсӣ дар қатори дигар аҳзоб мудати тӯлонӣ фаъолияти расмӣ дошт, вале ҳамеша кӯшиш мекард, ки тамоми фаъолияти экстремистию террористии худро дар зери ниқоби дину мазҳаб пӯшиш диҳад.
Далели раднопазир аст, ки фаъолияти тахрибкоронаи наҳзатиҳо сабаби ҷанги шаҳрвандии солҳои 1992-1997 гардида, террору ҷиноятҳои зиёдеро бар зидди мардум анҷом медоданд. Ҳарчанд масъулони ҲНИТ аз адолату озодӣ, ҳифзи истиқлолияти сиёсӣ, иқтисодӣ ва фарҳангӣ, ҳимояи якпорчагӣ ва тамомияти арзии кишвар, сулҳу субот, ваҳдати миллӣ сухан мекарданд, вале дар амал барои расидан ба ҳадафҳои нопокашон аз содир намудани ягон ҷинояту хиёнат худдорӣ намекарданд. Боқимондаҳои наҳзатиёни фирорӣ то ҳанӯз ноҷавонмардона дар расонаҳои хабарӣ бо туҳмату буҳтон алайҳи давлату миллат кинаю адоват меварзанд.
Танҳо дар 5 соли охир 45 нафар узви ин созмони экстремистӣ - террористӣ ҷиноятҳои вазнин ва махсусан вазнинро содир карданд, ки аз ин миқдор 17 нафарашон барои ҷиноятҳои хусусияти экстремистию террористидошта, аз ҷумла ташкили иттиҳодияҳои ҷиноятӣ ва иштирок дар даъватҳои оммавӣ барои бо роҳи зӯроварӣ тағйир додани сохти конститутсионии кишвар ва барангехтани кинаю адовати динӣ, ба ҷавобгарии ҷиноятӣ кашида шуданд. Наҳзатиҳо, ки душмани сулҳу оромӣ, илму дониш, санъату ҳунар, фарҳангу маърифат ва эҷодкорӣ мебошанд, дар давоми фаъолияти худ, бахусус солҳои ҷанг, олимону сиёсатмадорон ва дигар чеҳраҳои саршиноси кишварро ваҳшиёна ба қатл расонданд. Ин фоҷиа ва даҳшате, ки хиёнаткорон ба сари миллати тоҷик оварданд, басо нангину дарднок буда, то абад ҷуброннопазир хоҳад буд.
Аз дасти террористони наҳзатӣ олимону донишварон, рӯзноманигору сиёсатмадорон ва адибону эҷодкороне кушта шуданд, ки на танҳо дар ҷумҳурии мо, балки берун аз марзи он ҳам шинохта шуда, обрӯю нуфузи зиёд доштанд. Бо ин амал гурӯҳи террористон чароғи илму маърифатро дар кишвар хомӯш кардан мехостанд. Қаҳрамони ИҶШС Ҳайдар Қосимов, физикдон ва файласуфи шуҳратёр Муҳаммад Осимӣ, равонпизишки маъруф Минҳоҷ Ғуломов, ҷарроҳи номвар Юсуф Исҳоқӣ, адиби пурмаҳсул Сайф Раҳимзоди Афардӣ, рӯзноманигорони нуктасанҷ Отахон Латифию Муҳиддин Олимпур, сиёсатмадор Сафаралӣ Кенҷаев ва даҳҳо олимону донишмандони дигар бо дасти наҳзатиҳо бераҳмонаву ваҳшиёна ба қатл расиданд. Ин ҳама қатлу кушторҳо ба таври силсилавӣ рӯи кор омада, ба ҳамдигар пайвандӣ ва шабоҳате доранд ва, албатта, усули фаъолияти бадхоҳони наҳзатӣ дар онҳо бармало маълум мебошад. Анҷом додани чунин амалҳои ваҳшатангез андешаи бевоситаи роҳбарияти созмони террористию экстремистии ҲНИТ буда, ба хотири гумроҳсозии мардум ва дар муқобили ҳукумати вақт шӯрондани аҳолӣ роҳандозӣ шудаанд. Зеро ҳар яке аз ин чеҳраҳои саршиноси кишвар дар самти фаъолияти худ пешрафтаву таъсиргузор буданд ва сухани онон метавонист мардумро аз майдоннишинӣ, душманӣ ба якдигар, тафриқаандозӣ нигоҳ дорад.
Ақли солим хуб медонад, ки дар ҷомеа ҳар қадар таассубу хурофоти динӣ афзун гардад, ҳамон қадар неруҳои илмию фарҳангӣ заиф мешаванд ва нофаҳмию ихтилофоти динӣ - мазҳабӣ миёни халқ роиҷ мегардад. Солҳои 90 – уми асри гузашта ба ин раванд роҳбарияти созмони террористию экстремистии ҲНИТ асос гузоштанд. Дар бунёди фазои хурофоту таассуби динӣ, ки батадриҷ дар ҷомеа реша давонда, боиси даргириҳои хунин гардид, нақши ташкилоти террористию экстремистӣ маълум аст. Наҳзатиҳо тавассути амалҳои даҳшатбору нафратангези худ миллати фарҳангдӯсту тамаддунофари тоҷикро дар арсаи байналмилалӣ, чун як миллати душмани илму дониш ва фарҳангу маърифат нишон доданӣ шуданд.
Ҳоло мардуми шарифи Тоҷикистон чи будани ҷангу низоъ ва даргириҳои мазҳабиро дар мисоли воқеоти гузашта хуб дарк карда,  дурӯғ, дасиса, найрангу ҳила, фурсатшуморӣ, мансабталошӣ ва авомфиребии масъулони ташкилоти террористию экстремистии ҲНИТ-ро медонад. Қатлу кушторе, ки бо ибтикори ин ташкилоти террористию экстремистӣ сурат гирифта буд, дар таърихи миллати мо ҳамчун доғ боқӣ хоҳад монд. Ҳақиқати бебаҳс аст, ки ҲНИТ ҳеҷ гоҳ барои сарҷамъии мардум, адолати иҷтимоӣ ва рушди миллӣ талош накардааст ва нахоҳад кард. Эътиқоду боварҳои мардумро ҳамчун воситаи расидан ба ҳадафи ғаразнок, суистифода кардан манфуртарину хашинтарин амал буд, ки  террористони наҳзатӣ то соли 2015 аз он фаровон истифода намуданд.
Имрӯз роҳбарияти фирории наҳзатӣ ва пайравонаш дар хориҷи кишвар паноҳ бурда, доди ватанхоҳӣ мезананд ва бо ҳилаву фиреб мехоҳанд худро муборизи роҳи озодӣ нишон диҳанд.  Вале дар асл онҳо бо иғвою туҳмат дар миёни мардуми мо тухми кинаву адоват ва ихтилоф коштанӣ ҳастанд. Барои иҷрои дастури хоҷаҳои хориҷиашон, ки ба душмании миллати мо равона гардидаанд, аз ягон амали хабисона рӯй намегардонанд.  Вале мардум дигар фиреби ин тоифаро намехӯрад ва хуб дарк мекунад, ки кулли фирориёни наҳзатӣ террористони хунхор буда, душманони миллат ва Меҳани мо маҳсуб меёбанд. Чунки амалҳои анҷомдодаи онон аз аввали замони  соҳибистиқлолӣ то ҳанӯз бар хилофи манфиатҳои миллӣ ва пешрафти ҷомеа мебошанд.
Нодири ҚОДИР


Баёни ақида (0)    Санаи нашр: 06.04.2018    №: 69    Мутолиа карданд: 1039
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед