logo

иқтисод

ВМКБ. КОНИ АНГИШТИ “РАВНОБ” ФАЪОЛ МЕГАРДАД

Кони “Равноб”- и ноҳияи Дарвоз дар сурати фаъолияти бонизом метавонад тамоми соҳаҳои хоҷагии Вилояти Мухтори Кӯҳистони Бадахшонро бо ангишт таъмин намояд ва боз ҳамасола ҳазорҳо тоннааш ба берун аз вилоят содирот гардад. Ин кон, назар ба маълумоти мутахассисон, қариб 70 миллион тонна захира дорад. Истихроҷи ангиштро дар ин ҷо чанд сол ҶДММ “ВТИ- Помир” ба зимма дошт. Вале кори ин ҷамъият дар истихроҷи ангишти кони “Равноб” пешрав нашуд ва он дар давоми панҷ соли фаъолият ҳамагӣ 3167 тонна ангишт истихроҷ намудааст.

Мутобиқи “Барномаи рушди иқтисодиву иҷтимоии ВМКБ дар давраи то соли 2015” истихроҷи ангишт дар ин кон то анҷоми барнома бояд ба 22200 тонна мерасид. Вале аз ин кон солҳои 2012 - ум 1100, 2013 - ум 361 ва 2014 ҳамагӣ 635 тонна ангишт истихроҷ шудаасту халос. Соли 2015 бошад, ҷамъият корро дар кони ангишти “Равноб” тамоман хобонд. Танҳо бо дахолати бевоситаи Азиз Иброҳим, муовини Сарвазири мамлакат ва пофишориҳои роҳбарияти вилоят ҷамъият бо мақсади вусъати корҳои истихроҷ дар кон моҳи августи соли 2015 механизмҳои карйерӣ, 6 адад мошинҳои калонҳаҷми худпарто ва дигар лавозимоти заруриро дастрас намуда, моҳи сентябр ба истихроҷи ангишт оғоз бахшид. Бо вуҷуди ин, ҷамъият тавонист дар мавсим 1071 тонна ангишт истихроҷ намояд. Агар кор бо ҳамин суръат идома меёфт, тамоми идораву муассисаҳои ҳудуди вилоят дигар ба ягон кони дигар муроҷиат накарда, маҳз аз ангишти “Равноб”, ки вобаста ба наздикии роҳ арзишаш камтар меафтад, пурра таъмин мегардиданд. Мутаассифона, бо оғози бориши барф ва баста шудани роҳи Сағирдашт - Равноб кор дар кон пурра хобонда шуду дигар аз нав оғоз нагардид.
Назар ба маълумоти С. Сайфуллоев, мудири шуъбаи ҳифзи муҳити зисти ноҳияи Дарвоз, имсол ҳам дар кони Равноб истихроҷи ангишт сар нашудааст. Аммо ба гуфти Латиф Шоҳзодаев, сардори раёсати рушди иқтисод ва савдои вилоят, истифода нашудани ангишти “Равноб” ба вазъи молиявии вилоят ва таъминоти идораву муассисаҳо, ташкилотҳо ва аҳолии минтақа бо ангишт таъсири манфӣ мерасонад. Дар ин муддат чандин нафар дар кон ба кор ҷалб мешуданду аз пушти заҳмати ҳалоли худ оилаҳояшонро таъмин мекарданд ва аз дастранҷи онҳо хонаҳои ҳазорҳо нафар ҳамдиёронашон гарм мешуд. Ин ҳолат иҷрои нақшаи ҷамъоварии андозро ҳам ба мушкилӣ мувоҷеҳ мегардонад.
Абдураҳмонзода Саидбурҳон Саидраҳмон, раиси ноҳияи Дарвоз, иттилоъ дод, ки соли 2015 муҳлати иҷозатномаи ҶДММ “ВТИ- Помир” ба охир расид. Бо ҳамин кор дар кони ангишт пурра хобонда шуд ва минбаъд идораву муассисаҳои ноҳия аз конҳои ангишти дигар минтақаҳои кишвар бо сарфи бештари маблағ бо ангишт таъмин мешуданд. Дар ин бора чандин маротиба ба мақомоти дахлдор муроҷиат кардем. Чанде пеш бо дахолати бевоситаи Сардори давлат муҳтарам Эмомалӣ Раҳмон Ҷамъияти саҳомии кушодаи “НБО Роғун” барои кор дар “Равноб” литсензия гирифт. Пешвои миллат ба роҳбарияти ҷамъияти мазкур супориши қатъӣ доданд, ки корҳои истихроҷиро дар кон зудтар ба роҳ монанд. Ҳамчунин, ҷамъияти мазкур вазифадор гардид, ки дар мавсими имсолаи зимистонгузаронӣ на танҳо тамоми шаҳру ноҳияҳои ВМКБ, балки баъзе ноҳияҳои ҳамҷавори вилоятро низ бо ангишти хушсифат таъмин намояд. Ба гуфтаи директори ҶСК “НБО Роғун” Хайрулло Сафаров, ҷамъият барои пурра ба кор андохтани кони “Равноб” тамоми имкониятҳоро дорад ва бо кушода шудани роҳ ба тарафи кон ба истихроҷи ангишт шурӯъ менамояд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 09.04.2018    №: 70    Мутолиа карданд: 214

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед