logo

сиёсат

ТОҶИКИСТОН НАМУНАИ ДИПЛОМАТИЯИ ҲАМКОРӢ ДАР СОҲАИ ОБ

Ҷумҳурии Тоҷикистон ба ҳайси давлати соҳибистиқлол ва узви комилҳуқуқи Созмони Милали Муттаҳид дипломатияи ҳамкорӣ дар соҳаи обро собитқадамона пеш мебарад. Кишвари мо бо роҳбарии хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар доираи барномаҳои глобалӣ ва Ҳадафҳои Рушди Ҳазорсолаи СММ барои ҳалли масъалаҳои муҳими умумибашарӣ  саҳми назаррас мегузорад.
Ҳалли мушкилоти алоқаманд ба об ва дастрасии аҳолӣ ба он барои рушди устувори иқтисодӣ ва ҳалли даҳҳо проблемаҳои умумиҷаҳон, аз ҷумла ҳифзи саломатӣ, нақши калидӣ дорад. Вобаста ба ин, моҳи сентябри соли 2016 дар шаҳри Будапешт (Маҷористон) ҳамоиши байналмилалии сатҳи баланд оид ба масъалаҳои об баргузор шуд. Ҷумҳурии Тоҷикистон ба ҳайси ташаббускори масъалаҳои марбут ба об дар ин ҳамоиш ширкат варзид ва баҳри ҳалли мушкилоти сокинони сайёра бори дигар эълом доштани  Даҳсолаи байналмилалии амал «Об барои рушди устувор» - ро пешниҳод намуд. Он 21 декабри соли 2016 аз ҷониби СММ қабул гардид.  
Бо ташаббуси Тоҷикистон ва ҷонибдории аксари кулли кишварҳои ҷаҳон Маҷмаи умумии  Созмони Милали Муттаҳид дар бораи Соли байналмилалии «Оби тоза» - 2003, Даҳсолаи байналмилалии амалиёт «Об барои ҳаёт» - 2005 – 2015 ва Соли байналмилалии «Ҳамкорӣ дар соҳаи об» - 2013 барномаҳои вижаи  умумиҷаҳонӣ қабул намуд, ки дар маҷмӯъ амалӣ гардиданд ва давлатҳои ҷаҳон, созмонҳои байналмилалию соҳавӣ ва минтақавиро барои ҳалли масоили об ба ҳам оварданд.
Тоҷикистон дар ҳалли масъалаҳои дигари мубрами глобалӣ низ саҳмгузор аст. Таъмини сулҳ байни кишварҳои  ҷаҳон, хусусан мусоидат ба оромии вазъи Афғонистон ва таъмини амният дар минтақа, ҳалли низоъҳои сарҳадӣ, гуфтугӯи тамаддунҳо, ҳифзи беҳдошт ва сиҳатии аҳолӣ, ҳифзи табиат, гирифтани пеши роҳи қочоқи маводи мухаддир, мубориза бо экстремизм ва терроризм ва амсоли онҳо аз зумраи масоили ҳалталабеанд, ки роҳбарияти Тоҷикистон барои  ҳалли онҳо ҷомеаи ҷаҳониро борҳо даъват намудааст. Ҳамчунин, пешниҳоди Тоҷикистон барои татбиқи ду санади дорои аҳамияти ҷаҳонии Созмони Милали Муттаҳид – Рӯзномаи рушд барои давраи то соли 2030 ва Созишномаи Париж оид ба иқлим хеле муҳим арзёбӣ мешаванд. Вале ҳалли масоили ҷаҳонии алоқаманд ба об меҳвари ибтикороти Тоҷикистонро ташкил дода, барои давлат ва миллати тоҷик рисолати таърихӣ маҳсуб меёбад. Маҳз Пешвои муаззами миллат, Президенти кишвар муҳтарам Эмомалӣ Раҳмон дар ибтидои ҳазораи нав бори нахуст таваҷҷуҳи ҷомеаи ҷаҳониро ба ҳалли ин масъалаи умумибашарӣ ҷалб намуданд.  
Давлат ва Ҳукумати кишвар ҷиҳати дарёфти роҳҳои ҳалли масъалаҳои вобаста ба об дар дохили мамлакат низ пайваста ҷаҳду талош менамоянд. Давоми даҳ соли охир барои ҳалли проблемаи мазкур беш аз як миллиарду ҳафтсад миллион доллари ИМА ҷудо гардидааст. Ҳамзамон, дар зарфи даҳ соли охир ҳолати таъминоти зиёда аз яку ним миллион нафар бо оби ошомиданӣ беҳтар гардонда шуд. Рафъи норасоиҳо дар ин самт идома дорад. Ҳоло як қисмати аҳолӣ, бахусус дар деҳот, ба шароити беҳтари дастрасӣ ба об ниёзманд мебошад. Ин ҳолат, пеш аз ҳама, ба норасоии иқтидорҳои техникӣ вобаста аст.
Дар ҳуҷҷати муҳими «Консепсияи сиёсати хориҷии Тоҷикистон» ба масъалаҳои дипломатияи об диққати хосса зоҳир гардидааст. Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми хеш ба Маҷлиси Олии Ҷумҳурии Тоҷикистон дар ин маврид таъкид намуданд: «Мо татбиқи пайгиронаи дипломатияи ҳамкорӣ дар соҳаи обро василаи воқеии ҳалли мушкилот дар ин самт медонем ва дар даҳсолаи оянда низ иҷрои ин нақши пешбарро идома хоҳем дод». 
Коршиносони соҳа  барои татбиқи босамари барномаи мазкур, пеш аз ҳама, амалисозии тадбирҳои зеринро муҳим медонанд: таҳкими фаҳму дарки аҳамияти об барои рушди иҷтимоиву иқтисодии кишварҳо, тақвияти ҳамкорӣ ва шарикии давлатҳо ва созмонҳои ҷаҳонӣ, дарёфти усулҳои нави ҳифзи экологӣ, истифодаи самарабахшу  одилонаи захираҳои об, пайдо кардани роҳҳои ҳалли проблемаи норасоии об, беҳтар гардондани сифати оби ошомиданӣ ва пешгирии ифлосшавии манбаъҳои он.
Татбиқи ташаббуси нави глобалии Тоҷикистон - Даҳсолаи байналмилалии амал «Об барои рушди устувор, солҳои 2018 - 2028» роҳи беҳтарин барои тақвияти ҳамкориҳои байнидавлатӣ ва минтақавӣ ҷиҳати коҳиш додани  хавфи норасоии рӯзафзуни об  бо сабаби афзоиши шумораи аҳолии сайёра мебошад. Тахмин меравад, ки то охири даҳсолаи ҷорӣ ҳудуди ду миллиард аҳолии кураи Замин ба мушкили камчинии об дучор хоҳад шуд. Ин мушкил соли 2030 зиёда аз 40 дарсади аҳолии ҷаҳонро фаро хоҳад гирифт. Бо назардошти мавҷуд будани мушкилоти мазкур  давлатҳои ҷаҳонро зарур аст, ки ҳамкориву шарикии созандаро ба роҳ монанд. Бовар аст, ки амалигардонии иқдоми пешгирифтаи  Тоҷикистон  барои расидан ба Ҳадафҳои Рушди Устувор дар самти таъминоти об дар ҷаҳон мусоидат менамоянд.
Пиралӣ НАЗАРОВ,
мудири кафедраи иқтисод ва идораи Донишгоҳи давлатии  Кӯлоб ба номи Абуабдуллоҳи Рӯдакӣ


Баёни ақида (0)    Санаи нашр: 11.04.2018    №: 72    Мутолиа карданд: 304

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед