logo

туризм

САЙЁҲИИ МУОЛИҶАВӢ ИМКОНИЯТҲОИ ТОҶИКИСТОН КАМНАЗИРАНД

Туризми табобатӣ яке аз намудҳои маъмули саноати сайёҳии олам ба ҳисоб меравад, ки давраи рушди он ба нимаи дуюми асри XX рост меояд. Таҳлилҳо нишон медиҳанд, ки тайи 10 соли охир сайёҳии муолиҷавӣ дар Ҳиндустон, Сингапур, Малайзия, Таиланд ва Чин тараққӣ карда, ба яке аз бахшҳои асосии сайёҳии ин давлатҳо табдил ёфта истодааст. Инчунин, сайёҳон барои муолиҷа ва табобат бештар ба Австрия, Олмон, Испания, Туркия, Италия ва Исроил, ки садҳо осоишгоҳҳои мутобиқ ба меъёрҳои байналмилалӣ бунёд ёфтаанд, сафар мекунанд.
Тоҷикистон низ барои рушди ин навъи сайёҳӣ имкониятҳои зиёд дорад, зеро дар мамлакат зиёда аз 200 чашмаи оби маъданӣ ва 18 кӯли лойқадор ва шӯри муолиҷавӣ мавҷуданд. Ғайр аз ин, кишвар дорои ҳазорҳо гектар заминҳои рекреатсионӣ мебошад, ки бо тобистону зимистони муътадил ва олами набототаш барои табобат ва барқарор намудани саломатӣ мувофиқ аст. Инчунин, дар Тоҷикистон зиёда аз 3500 навъи гиёҳи шифобахш мерӯяд, ки барои муолиҷаи бемориҳои гуногун тавсия мешаванд.
Бояд қайд намуд, ки сайёҳии муолиҷавӣ аз маъруфтарин намудҳои туризми тиббӣ буда, намудҳои асосии он балнеология (муолиҷа бо обҳои минералӣ), балнеотерапия (табобат ва барқарорсозӣ бо обҳои минералии табиӣ ва сунъии осоишгоҳҳо), лойдармонӣ (муолиҷаи узвҳо бо лойҳои табобатӣ) ва климатерапия (муолиҷаи касалиҳои гуногун бо иқлим дар маҳалҳои аз ҷиҳати экологӣ тоза) мебошанд. Давомнокии ин намуди саёҳатҳо 24 – 28 рӯзро ташкил медиҳад. Асосан, сайёҳонро барои табобат ба ин ё он минтақаи туристӣ табибон тавсия мекунанд. Аз ин рӯ, барои рушди сайёҳии муолиҷавӣ сатҳи маълумотнокии намояндагони муассисаҳои тиббӣ дар бораи минтақаҳои туристӣ нақши асосӣ мебозад.
Тавре Равшанмурод Ҳоҷиев, директори  генералии ҶСК “Курортҳои Тоҷикистон”, иброз дошт, сайёҳон, асосан, ба обҳои шифобахш таваҷҷуҳ доранд ва дар бештари ҳолатҳо барои табобати бемориҳои системаи асаб, артрит, остеохондроз ва буғумдард муроҷиат мекунанд.
Айни замон дар осоишгоҳҳои “Ҳавотоғ”, “Хоҷа обигарм”, “Шоҳамбарӣ”, “Зумрад”, “Явроз”, “Оби Гарм”, “Гармчашма”, “Баҳористон”, “Авис сити” ва чанде дигар, ки дорои обҳои минералии шифобахш  мебошанд, садҳо туристони дохиливу хориҷӣ дар баробари истироҳат, инчунин, табобат мегиранд. Мавриди зикр аст, ки тайи солҳои охир дар осоишгоҳҳои кишвар   инфрасохтори зарурӣ бунёд ёфта, ба талаботи замони муосир мутобиқ гардонда шуда истодаанд. Дар минтақаҳои туристии Ромит, Варзоб, Балҷувон ва соҳилҳои обанбори Қайроққум истироҳатгоҳҳои зиёде сохта шудаанд, ки  ҷавобгӯи стандартҳои байналмилалианд.
Қобили зикр аст, ки сайёҳон ба осоишгоҳҳое, ки дар соҳили баҳрҳову кӯлҳо бунёд шудаанд, таваҷҷуҳи бештар доранд. Ҳамин аст, ки сайёҳон барои сайру саёҳат ғолибан ба Фаронса, Туркия, Мексика, Русия, Исроил ва ИМА мераванд. Аз ин рӯ, барои Тоҷикистон, ки зиёда аз 2 ҳазор кӯлу обанбор дорад, омӯзиши таҷрибаи ин кишварҳо ба манфиати кор хоҳад буд. Дар асоси ин, метавон бо бунёди осоишгоҳҳо дар мавзеи Искандаркӯл, обанборҳои Қайроққум, Норак ва Муъминобод ба рушди соҳа такони ҷиддӣ  бахшид.
Бояд гуфт, ки дар маҳаллаҳои рекреатсионӣ ба роҳ мондани сайёҳии муолиҷавӣ аз ҳар ҷиҳат муфид аст. Дар кишвар бошад, чунин минтақаҳо кам нестанд. Танҳо ҳудуди рекреатсионии шаҳри Ҳисор 7551 гектар ва  ноҳияи Рашт зиёда аз 80 ҳазор гектарро ташкил медиҳад ва бо бунёди инфрасохтори зарурӣ, осоишгоҳҳову меҳмонхонаҳои муосири ин минтақаҳо ба яке аз мавзеъҳои асосии сайёҳии муолиҷавӣ табдил хоҳанд ёфт.
Ҷойи шубҳа нест, ки бо андешидани тадбирҳои муассир сайёҳии муолиҷавӣ зина ба зина рушд карда, дар ояндаи наздик Тоҷикистон дар минтақа ба яке аз маконҳои асосии туризми табобатӣ табдил меёбад.
Комрон САФАР, “Ҷумҳурият”


Баёни ақида (0)    Санаи нашр: 12.04.2018    №: 73    Мутолиа карданд: 585

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед