logo

иқтисод

ЛОИҲАҲОИ САРМОЯГУЗОРӢ ТАТБИҚИ БОСИФАТ ТАҚОЗОИ ЗАМОН АСТ

Дар Тоҷикистон  айни ҳол 68 лоиҳаи сармоягузорӣ амалӣ мешавад, ки маблағи умумии онҳо 28,1 миллиард сомониро ташкил медиҳад.
Дар  бораи вазъи татбиқи лоиҳаҳо муовини раиси Кумитаи давлатии сармоягузорӣ ва идораи амволи давлатӣ Абдулмаҷид Муъминзода чунин иттилоъ дод.
- Лоиҳаҳо барои рушди инфрасохтори энергетикӣ, нақлиёт ва иҷтимоӣ татбиқ шуда истодаанд ва давоми моҳҳои январ – феврал аз ҳисоби ин лоиҳаҳо 232,3 миллион сомонӣ маблағ азхуд карда шудааст, ки дар маҷмӯъ ба 68 дарсади нақшаи молиявии давраи ҳисоботии соли 2018 баробар аст. Дар раванди амалисозии лоиҳаҳо сифат ва шаффофият асоси натиҷабахш ҷиҳати ноил шудан ба ҳадафҳои олии кишвар маҳсуб меёбанд. Мутаассифона, сар задани ҳолатҳои манфии таъсиррасон ба ин раванд боиси нигаронист. 
Раёсати назорати субъектҳои хоҷагидорӣ, сармоягузорӣ ва қарзҳои давлатии Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба хотири таъмини назорат дар истифодабарии самараноки маблағҳои сармоягузорӣ ва қарзҳо соли гузашта тафтиши фаъолияти молиявию хоҷагии 25 идора ва маркази лоиҳаҳои инвеститсиониро ба анҷом расонда, зарари молиявӣ, аз ҷумла камомаду тасарруфи воситаҳои пулию молӣ ва маблағи кам ҳисобгардида, ғайр аз ин, рӯйпӯш намудани андозҳо ба маблағи 24 миллиону 98 ҳазор сомониро ошкор намуд.
Татбиқи баъзе лоиҳаҳои сармоягузорӣ, хусусан сармояи хориҷӣ, бинобар мавқуф гузоштани онҳо тӯл мекашад ё умуман қатъ гардидааст. Масалан, аз ҷониби ширкати «Siemens» маблағгузорӣ нашудани ширкати «Сомон ойл» боиси  фаъолият накардани ин ширкат дар самти омӯзиш, коркард ва истеҳсоли нафту газ шудааст. Ширкати “Эдго энержи СА” низ фаъолият намекунад.
Ба гуфтаи сардори Саридораи геологияи назди Ҳукумати ҷумҳурӣ Заробиддин Файзуллозода, ин ширкатҳо мувофиқи нақша корҳои омӯзиши геологиро хуб ба роҳ намонда, дар фаъолияташон ба камбудӣ роҳ доданд. Паст шудани нархи нафт дар бозори ҷаҳонӣ ҳам ба фаъолияти ширкатҳо бетаъсир нест. Аз ин лиҳоз, ба дигар ширкатҳо низ ҷиҳати риоя кардани талаботи шартҳои иҷозатнома, тартиби гузарондани корҳои ҷустуҷӯӣ - геологӣ тавсияҳо дода шудааст.
Вобаста ба татбиқи босифату саривақтии лоиҳаҳо Кумитаи давлатии сармоягузорӣ ва идораи амволи давлатӣ дар доираи дастуру супоришҳои Президенти мамлакат муҳтарам Эмомалӣ Раҳмон дар Паёми соли 2017 ба Маҷлиси Олӣ мониторинги амалишавии лоиҳаҳоро ба роҳ монда, аз натиҷааш мунтазам ба Ҳукумати мамлакат маълумот пешниҳод менамояд.
Барои ҳалли мушкилоти мавҷуда, аз ҷумла зарари молиявии аз ҷониби мақомоти тафтишотӣ ошкоргардида, бо иштироки муовини аввали Сарвазири мамлакат ҳар семоҳа оид ба вазъи татбиқи лоиҳаҳо ҷаласа баргузор гардида, ба вазорату идораҳо ва агентиҳои дахлдор  супоришҳо дода мешавад.
О. ВАФОБЕК, “Ҷумҳурият”


Баёни ақида (0)    Санаи нашр: 12.04.2018    №: 73    Мутолиа карданд: 307

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед