logo

иқтисод

МУЪМИНОБОД БУНЁДИ РОҲИ ЧИЛДУХТАРОН ОРЗУИ ДЕРИНАИ МАРДУМ БУД

Дар замони  шӯравӣ ва пасошӯравӣ ҷаҳонро гаштаму дидам. Маконеро пайдо кардан душвор аст, ки чун Муъминобод чор фасли сол зебогиҳои бемислу нотакрорро доро бошад.
Эмомалӣ РАҲМОН
Воқеан, ноҳияи Муъминобод аз ҷиҳати обу ҳаво, мавқеи ҷуғрофӣ ва заминҳои фароху боғоташ аз дигар ноҳияҳо фарқ мекунад. Ноҳия асосан ба боғдорӣ, токпарварӣ ва чорводорӣ созгор аст. Аз ин ҷост, ки сол ба сол сатҳу сифати зиндагии мардуми ноҳия беҳтару хубтар шуда истодааст.
Бо дастгирии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2016 қасри фарҳанг бо шукӯҳу шаҳомат ва бо тамоми шароити мусоид қомат афрохт ва мавриди истифода қарор дода шуд. Ҳамчунин, майдони варзишӣ дар сатҳи баланд бунёд гардид, ки он ба стандартҳои байналмилалӣ ҷавобгӯст. Новобаста аз он, ки ноҳия ҳамагӣ 22 фоизи қисми даромади буҷетро таъмин мекунад, 78 дарсади он бо дастгирии Ҳукумати Ҷумҳурии Тоҷикистон сурат мегирад, чунин бунёдкориву созандагӣ идома дорад. Бори аввал дар 27 соли Истиқлолияти давлатӣ аз ҷониби мақомоти иҷроияи ҳокимияти давлатии вилояти Хатлон ноҳияҳои дотатсионӣ дастгирӣ меёбанд. Яъне, буҷети ноҳия соли 2018 аз ҳисоби вилоят ба маблағи 4 миллион сомонӣ таъмин мегардад.
Бояд таъкид кард, ки дар асоси Фармони Президенти Ҷумҳурии Тоҷикистон аз соли 1996 «Дар бораи ислоҳоти корхонаҳои кишоварзӣ», ки Муъминобод ҳамчун ноҳияи пилотӣ ба шумор меравад, тамоми заминҳои ноҳия ба сокинон тақсим карда шуд.
Қариб 90 дарсади заминҳо лалмианд ва хушбахтона, дар ин заминҳо имкони бунёди боғ, кишти ғалла ва ҳатто картошка низ ҳаст. Зеро боришот ҳамасола дар ноҳия ба  ҳисоби миёна ба 770 миллиметр мерасад. Имсол дар 9 ҳазор гектар ғалладона кишт шудааст, ки нашъунамои хуб дорад. Кишоварзони ноҳия тасмим гирифтаанд, ки соли равон дар майдони 1350 гектар картошка кишт намоянд. Ҳамчунин, кишти пиёзи сурх дар 120 гектар идома дорад. Имсол аллакай 100 гектар боғ бунёд гардид.
Бо ташаббусу ҳидояти   Пешвои миллат аз тарафи соҳибкори ватанӣ Амонулло Саъдуллоев солҳои 2016-2017 аз маркази ноҳия то деҳоти Чилдухтарон ба масофаи 37 километр роҳ таҷдид ва сангфарш карда шуд, ки ин орзуи садсолаҳои мардум буд. Ҳамчунин, дар болои дарёи Сурхак пул бо дарозии 130 метр бунёд гардид. Қаблан аз набудани пул ҳодисаҳои фавти занону кӯдакон рух медод. Ҳоло тасмим гирифта шудааст, ки дар болои дарёи Сардоб низ бо дастгирии мардум пул бунёд карда шавад. Сохтмони он  аллакай оғоз ёфта, дар оянда метавонад ноҳияи Муъминободро дар тамоми фасли сол бо ноҳияи Ховалинг, бипайвандад. Сайёҳон метавонанд бо ин хатсайр ҷойҳои таърихӣ, манзараҳои зебои ҳар ду ноҳия, аз ҷумла Чилдухтарони афсонавиро тамошо карда, аз обу ҳавои софу дилкаш ва меваҳои хуштаъму лаззиз баҳравар гарданд.
Мавриди зикр аст, ки дар маркази ноҳия меҳмонхона барои 32 ҷой бо тамоми шароитҳо муҳайёст. Дар соҳилҳои обанбори Муъминобод низ меҳмонхона ва нуқтаҳои хизмати маишӣ сохта ба истифода дода шудаанд. Дар пояи кӯҳи Чилдухтарон аз тарафи соҳибкор Амонулло Саъдуллоев сохтмони меҳмонхонаи замонавӣ, нуқтаҳои хизмати маишӣ ва ҳавзи шиноварӣ идома дорад, ки то моҳи майи соли ҷорӣ ба истифода дода мешаванд. Он метавонад дар як вақт 50 нафар сайёҳро қабул намояд. Бояд таъкид кард, ки баъди сангфарш гардидани роҳ ба мавзеи Чилдухтарон метавон бо тамоми намуди мошинҳо сафар кард. Ғайр аз ин даҳ хона барои қабули меҳмонон омода аст. Ҳамзамон, сайёҳон метавонанд тавассути аспҳо мавзеи Чилдухтаронро сайр намоянд. Бешубҳа, рушди сайёҳӣ ва эҳёи ҳунарҳои мардумӣ ба ғанӣ гардидани буҷети Ватани азизамон ва некуаҳволии мардум мусоидат мекунад ва ноҳияи Муъминобод ба яке аз пойгоҳҳои сайёҳӣ мубаддал меёбад.
Тоҳирхон АМИРШОЗОДА,
раиси ноҳияи Муъминобод 


Баёни ақида (0)    Санаи нашр: 12.04.2018    №: 73    Мутолиа карданд: 565
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед