logo

сиёсат

ВМКБ ШИНОСОИИ РАИСИ ВИЛОЯТ БО РАФТИ СОХТМОНИ ИНШООТИ ҶАШНӢ

Шодихон Ҷамшед, раиси Вилояти Мухтори Кӯҳистони Бадахшон, ҳангоми сафари корӣ ба ноҳияҳои Шуғнон ва Рӯшон бо ҷараёни корҳои сохтмонӣ дар иншооте, ки соли равон дар арафаи ҷашнҳои Ваҳдати миллӣ ва Истиқлолияти давлатии Тоҷикистон мавриди истифода қарор мегиранд, шинос шуд.

Раиси вилоят дар маркази ноҳияи Шуғнон - шаҳраки Ваҳдат ба рафти корҳо дар сохтмони Қасри фарҳанг таваҷҷуҳ намуд. Сохтмони ин иншоот соли дуюм боз идома дорад. Он бо фармоиши Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бо арзиши 5 миллион сомонӣ бо тарҳи муосири меъморӣ бунёд мегардад. Иншоот аз ду ошёна иборат буда, дар ошёнаи аввал толор барои 324 ҷои нишаст, хонаи ҳунармандон, утоқҳои муосири корӣ, ҳуҷраи сарулибос, дар ошёнаи дуюм пешайвон ва толор барои бештар аз 100 ҷои нишаст сохта мешавад. Айни замон дар ин ҷо корҳо мувофиқи реҷаи муайянгардида рафта истодаанд. Раиси вилоят аз роҳбарияти ширкати паймонкор тақозо намуд, ки ба сифати корҳои сохтмонӣ аҳамияти зарурӣ диҳанд ва иншоот дар муҳлати муқарраргашта мавриди истифода қарор гирад.
Дар шаҳраки Ваҳдат бо маблағгузории давлатӣ, созмонҳои байналмилалӣ ва бахши хусусӣ, инчунин, сохтмони чанд иншооти маъмурӣ ва хизматрасонӣ идома дорад. Дар ҷараёни шиносоӣ бо рафти корҳои сохтмонӣ дар онҳо раиси вилоят диққати роҳбарияти ноҳияро ба ободу зебо гардондани гирду атрофи биноҳо, аз ҷумла шинондани дарахту буттаҳои ороишӣ, ҷалб намуд.
Дар маркази ноҳияи Рӯшон низ бо маблағгузории давлатӣ ва бахши хусусӣ 5 иншооти дорои аҳамияти иҷтимоию иқтисодӣ бунёд меёбад. Сохтмони бинои шуъбаи Кумитаи давлатии амнияти миллии ҷумҳурӣ дар ноҳия аллакай ба анҷом расидааст. Ин бинои чор-ошёна бо тарҳи муосири меъморӣ сохта шуда, дорои ҳавлии васеъ мебошад. Дар утоқҳои корӣ ҷиҳати иҷрои самарабахши вазифаи хизматӣ барои кормандон тамоми шароитҳо фароҳам оварда шудаанд. Раиси вилоят ба сифати корҳои сохтмонӣ баҳои баланд дод.
Афзоиши бомароми шумораи сайёҳони дохилию хориҷӣ ба вилоят зарурияти бунёди инфрасохтори соҳа, аз ҷумла меҳмонхонаҳои замонавии дорои тамоми шароити зисту истироҳатро ба миён овардааст. Раиси вилоят аз он изҳори қаноатмандӣ намуд, ки дар робита ба ин мақомоти иҷроияи маҳаллии ҳокимияти давлатии ноҳия дар такя ба соҳибкорон ба сохтмони меҳмонхонаю дигар муассисаҳои хизматрасонӣ бештар таваҷҷуҳ зоҳир менамояд. Айни замон дар маркази ноҳия бо ибтикори соҳибкори маҳаллӣ Назархудо Дастамбӯев сохтмони бинои сеошёнаи меҳмонхона идома дорад. Дар дигар деҳаҳои сарироҳӣ низ бунёди меҳмонхонаву ошхонаҳо вусъат гирифтааст. Раиси вилоят бо рафти корҳои сохтмонӣ шинос шуда, ба сохтмончиён ҷиҳати босифат анҷом додани корҳо маслиҳатҳои муфид дод. Дар маркази ноҳия айни замон бо арзиши 18 миллион сомонӣ бинои замонавии муассисаи таҳсилоти миёнаи умумӣ барои 640 хонанда сохта мешавад. То имрӯз дар ин иншоот ба миқдори бештар аз 2 миллион сомонӣ корҳо ба иҷро расидаанд.
Раиси вилоят ба роҳбарияти ноҳияҳо ва дигар шахсони масъул супориш дод, ки барои боз ҳам ободу зебо гардондани ин минтақаи зебои кӯҳистон тадбирҳои судманд андешанд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 12.04.2018    №: 73    Мутолиа карданд: 525
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед