logo

сиёсат

ТАҲКИМИ МУНОСИБОТИ ДӮСТОНА Ё ТАҲАВВУЛОТЕ, КИ БО ҲАРФҲОИ ЗАРРИН САБТ ХОҲАНД ШУД

Баъд аз мулоқоту музокироти сарони давлатҳои Тоҷикистону Ӯзбекистон, ки дар остонаи Ҷашни байналмилалии Наврӯз дар шаҳри Душанбе доир гардид, масири ҳамкориҳои гуногунҷанбаи ду кишвари дӯст вусъат гирифта, дар таърихи навини халқҳои тоҷику ӯзбек саҳифаи нав кушода шуд.

Дар фурсати кӯтоҳ аз байн бардоштани мушкилоту монеаҳои мавҷуда, ифтитоҳи гузаргоҳҳои сарҳадӣ баёнгари иродаи        сиёсии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев дар амри барқарор намудани ҳамгироиву ҳамзистии ду халқи бародар буда, дар рушди муносибатҳо такони нав бахшиданд. Ин амр собит намуд, ки тоҷикону ӯзбеконро бо он қаробату наз-дикие, ки бо ҳам доранд намешавад аз ҳам бурид. Чунки робитаҳои гуногунсоҳаи байни тоҷикону ӯзбекҳо ба муносибатҳои тӯлоние, ки дар раванди таърихӣ ба миён омадаанд, асос ёфтаанд.
Ба имзо расидани 27 санади ҳамкорӣ, ки дар ҷараёни сафари давлатии Президенти Ҷумҳурии Ӯзбекистон муҳтарам Шавкат Мирзиёев ба Ҷумҳурии Тоҷикистон сурат гирифт, барои ҳар ду миллат ба манзалаи раҳнамои саҳеҳест, ки натоиҷи ҳасанаи он чун машъали фурӯзон ба ояндаи боз ҳам накутар равшанӣ хоҳад дод.
“Мо бояд барои халқҳоямон фазои дӯстиву самимият ва ҳамдигарфаҳмиву ҳамкориро тавре ки дар замонҳои Мавлоно Ҷомӣ ва Алишер Навоӣ буд, фароҳам орем”. Ин ҳарфҳои пурҳикмати Пешвои муаззами миллат муҳтарам Эмомалӣ Раҳмон, ки дар ҷараёни мулоқоту музокироти сатҳи баланд бо ҷониби Ӯзбекистон садо доданд, мавриди истиқболи гарми тамоми тоҷикону ӯзбекон гардид. Президенти Ҷумҳурии Ӯзбекистон низ дар навбати худ бо қаноатмандӣ аз пазироии  гарми  тоҷикон   ва   натиҷаҳои     бадастомада, итминон намуд, ки дарвозаҳои дӯстии ду халқи бародар дигар ҳеҷ гоҳ ба рӯи якдигар баста нахоҳанд шуд.
Дар робита ба изҳороти сарони давлатҳо ва имзои силсилаи санадҳои муҳими таърихию тақдирсоз миёни Ҷумҳурии Тоҷикистон ва Ҷумҳурии Ӯзбекистон бовар дорем, ки таҳкиму густариши муносибатҳои неки ду давлати дӯсту бародар, ҳамфарҳангу ҳамсоя ба болоравии сатҳи ҳаёти иқтисодӣ, иҷтимоӣ, фарҳангии кишварҳо комилан мусоидат хоҳанд кард. Зеро ин ҳама навгониву дигаргуниҳо дар заминаи холӣ ба вуҷуд наомада, балки дар заминаи решаҳои таърихӣ, ташаббусҳои созанда ва тадбирҳои мақсадноку сиёсати ҳадафмандона ба даст омадааст.
Тавре маълум аст, беш аз ҳар   дасто-варди дигар ифтитоҳи гузаргоҳҳои сарҳадӣ ва ба муҳлати то 30 шабонарӯз бе раводид сафар кардани шаҳрвандони Тоҷикистону Ӯзбекистон ба кишварҳои ҳамдигар бузургтарин иқдом шинохта шуд. Зеро аз нав ба ҳам овардани дилҳо, пайвастани риштаи дӯстию муҳаббат, бародарию шафқат тавсеаи муносибатҳои хешутаборӣ аз ҷумлаи корномаҳоест, ки бо гузашти солҳо дар таърихи муносиботи ду кишвари ба ҳам дӯст бо ҳарфҳои заррин сабт хоҳанд шуд. Дар ин маврид Иқболи Лоҳурӣ басо хуб фармудааст:
Гарчи ҷаннат аз таҷаллиҳои Ӯст,
Ҷон наосояд ба ҷуз дидори дӯст.
Одилхон АЛИЕВ, шаҳри Исфара


Баёни ақида (0)    Санаи нашр: 13.04.2018    №: 74    Мутолиа карданд: 286

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед