logo

иқтисод

МАҚОМИ ОБ ДАР РӮЗГОРИ ТОҶИКОН

Дар ҷаҳони муосир сол то сол масъалаи таъминоти об мушкилтар ва печидатар мегардад. Шаҳришавӣ, афзоиши аҳолӣ, биёбоншавӣ, хушксолӣ ва тағйири иқлим, инчунин, набудани имконот барои таъмини истифодаи мақсадноки об омилҳоеанд, ки мушкилоти марбут ба обро шадидтар месозанд.

Ба навиштаи коршинос Мари Масиа, қариб якуним миллиард нафар дар мамлакатҳои Осиёву Африқо ва Амрикои Лотинӣ аз норасоии оби ошомиданӣ мушкилӣ мекашанд.
Маҳз мушкилоти марбут ба оби мардуми ҷаҳонро ба эътибор гирифта, Сарвари давлати тоҷикон муҳтарам Эмомалӣ Раҳмон  бо ташаббусҳои хосса баромад намуданд. То имрӯз чор пешниҳоди Президенти Ҷумҳурии Тоҷикистон  доир ба об аз ҷониби Созмони Милали Муттаҳид дастгирӣ ёфтааст: дар бораи Соли оби тоза эълон намудани соли 2003, Даҳсолаи байналмилалии амалиёти «Об барои ҳаёт» эълон намудани солҳои 2005-2015, Соли байналмилалии ҳамкорӣ дар соҳаи об эълон намудани соли 2013. Дар раванди амалисозии ин иқдомҳо борҳо шаҳри Душанбе макони баргузории форум, конфронс ва ҳамоишҳои байналмилалии сатҳи баланд қарор гирифт.
21 декабри соли 2016 Маҷмаи умумии  Созмони Милали Муттаҳид бо ҷонибдории аксари кулли сарони давлатҳои аъзо пешниҳоди Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмонро хуш истиқбол гирифта, дар бораи қабули Даҳсолаи  байналмилалии амал «Об барои рушди устувор, солҳои 2018-2028» қатънома қабул намуд. Эълон  гардидани даҳсолаи нави байналмилалӣ - ташаббуси чоруми Президенти Ҷумҳурии Тоҷикистон дар масъалаи об бори дигар собит намуд, ки  Тоҷикистон ҳамчун  кишвари соҳибистиқлол  ва ҷонибдори сиёсати «дарҳои боз» ҳамеша  ба ҳалли мушкилоти  глобалӣ, хусусан таъмини сайёра бо оби тозаи ошомиданӣ, таваҷҷуҳи махсус зоҳир карда, ҷомеаи ҷаҳонро барои ҳамкорӣ дар ин самт даъват месозад.
Дар маҷмӯъ давоми 15 соли охир дар кишварҳои мухталифи ҷаҳон конфронсу  симпозиумҳои зиёди сатҳи баланди байналмилалӣ марбут  ба об гузаронда шуданд, ки ҳамаи онҳо фарогири масоили экологии вобаста ба об буданд.
16 сол боз дар ҷаҳон масъалаи ташкили «иқтисоди сабз» дар маркази таваҷҷуҳи аҳли ҷомеа мебошад. Тоҷикистон бо бунёди неругоҳҳои барқи обии «Сангтӯда- 1», «Сангтӯда-2», оғози бунёди неругоҳи бузурги «Роғун», корҳои муқаддамотӣ дар иншооти минтақавии «CASA-1000»,  таъмиру тармими неругоҳҳои барқи обӣ ва  бо тасмимҳову оянданигариҳо дар ин ҷода дар арсаи байналмилалӣ эътибори хосса пайдо намудааст. Ҷумҳурии мо аз рӯи  истеҳсоли «энергияи сабз» (98 фоизи ҳаҷми умумии истеҳсоли неруи барқ), яъне тавлидоти неруи барқи аз ҷиҳати экологӣ тоза ба қатори шаш кишвари  пешсафи  сайёра  шомил  гардидааст.
Солҳои охир дар ҷаҳон дар пайомади хоҷагидории бесамар, таҳияи барномаҳои худхоҳона, афзоиши номуайяниҳо ва таҳдидҳое, ки бар асари тағйирёбии иқлим ва омилҳои дигар ба амал меоянд, бисёре аз низомҳои экологӣ (экосистемаҳо) зери хатар қарор гирифтаанд.
Тибқи маълумот, дар сурати наандешидани тадбирҳои фаврӣ қариб 5 миллиард одам - тахминан 67 фоизи аҳолии сайёра аллакай то соли 2030 аз оби тоза танқисӣ мекашанд. Чунин вазъ аз ҷомеаи ҷаҳонӣ тақозо мекунад, ки дар масъалаи таъмини об ва безараргардонии он аз ифлосшавӣ  тасмимҳои ҷиддӣ  гирифта  шаванд.
22 марти соли равон Пешвои миллат муҳтарам Эмомалӣ Раҳмон дар иҷлосияи 72 – юми Маҷмаи кулли Созмони Милали Муттаҳид ширкат варзида, Даҳсолаи байналмилалии амал «Об барои рушди устувор, солҳои 2018 - 2028» - ро расман ҳусни оғоз бахшиданд.
Дар доираи ин ташаббуси наҷиб чорабиниҳои муҳими сатҳи байналмилалӣ ва минтақавӣ баргузор хоҳанд гардид. Аз ҷумла моҳи июни соли равон дар пойтахти Тоҷикистон шаҳри Душанбе конфронси байналмилалӣ доир ба об баргузор мегардад, ки дар он сарону намояндагони кишварҳо ва созмонҳои ҷаҳонию минтақавӣ масъалаҳои таъминоти об дар қисматҳои гуногуни сайёра ва дастрасӣ ба обро баррасӣ менамоянд. Кишвари мо барои  татбиқи  чорабиниҳои даҳсолаи нав масъулияти зиёдеро ба зимма гирифтааст.
Итминони комил дорем, ки кӯшишҳои Тоҷикистон ҳамчун кишвари ташаббускор дар раванди ҳамгироӣ бо кишварҳои ҷаҳон ва созмонҳои байналмилалӣ  барои ҳалли проблемаи глобалии сокинони сайёра -  таъминот бо оби ҳаётбахш самараи  дилхоҳ  хоҳад дод ва мушкилоти мардуми олам осон мегардад. 
Манучеҳр Расулов,
коршиноси Маркази тадқиқоти стратегии назди
Президенти Ҷумҳурии Тоҷикистон 


Баёни ақида (0)    Санаи нашр: 16.04.2018    №: 75    Мутолиа карданд: 593
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед