logo

Хабарҳо

Рӯзи илм таҷлил гардид

Олимони тоҷик рӯзи илмро, ки ҳамасола якшанбеи сеюми моҳи апрел баргузор мегардад, бо гузоштани гулчанбар дар пояи пайкараҳои олимони барҷастаи тоҷик Садриддин Айнӣ, Мирзо Турсунзода, Бобоҷон Ғафуров ва Муҳаммад Осимӣ оғоз намуданд. 

Дар Институти  геология, сохтмони ба заминҷунбӣ тобовар ва сейсмологияи Академияи илмҳои кишвар, лавҳаи хотиравӣ ба хотири гиромидошти геологи шинохта, яке аз бунёдгузорони илми металоген, нахустин президенти Академияи илмҳои Ҷумҳурии Қазоқистон Каниш Сатпаев гузошта шуд. Дар маросими пардабардорӣ олимони кишвар ва намояндагони Сафорати Ҷумҳурии Қазоқистон дар Тоҷикистон ширкат ва суханронӣ намуда, таъкид сохтанд, ки саҳми ин донишманди  бузург дар рушди илми геологияи тоҷик хеле назаррас аст.
Ҳамчунин, дар толори маҷлисгоҳи Академияи илмҳо ҷаласаи тантанавӣ  баргузор шуд. Ба кори ҷаласа Абдусаттор Саидов, ноиби президенти академия, ҳусни оғоз бахшид. Зимни суханронии худ ӯ, аз ҷумла таъкид намуд, ки олимони тоҷик дар роҳи баланд бардоштани илми ватанӣ пайваста сайъю талош варзида,  барои ҳамгироии илм бо истеҳсолот корҳои назаррас  анҷом дода истодаанд.
Зикр шуд, ки дар ин росто беш аз 300 санади ҳуқуқӣ, ки замони соҳибистиқлолии кишвар  барои пешрафти илм қабул гардид, ба рушди ин соҳаи муҳим такони ҷиддӣ бахшиданд. Ин буд, ки олимони кишвар тайи чанд соли охир тавонистанд аз рӯи 55  мавзӯи бунёдӣ ва 40 мавзӯи амалӣ корҳои таҳқиқотӣ анҷом дода, дар соҳаҳои мухталиф, аз ҷумла математика, физика, астрофизика, зилзилашиносӣ, геология, экология, биология, таъриху фалсафа, шарқшиносӣ натиҷаҳои хуби илмӣ ба даст оварданд. Кашфи астероиди динамикӣ аз ҷониби олимони соҳаи астрофизика, пайдо гардидани майдонҳои нави маъдандор аз ҷониби олимони Институти  геология, бо истифода аз нитрогени моеъ аз ҷониби олимони Институти физика сохта ба истифода додани дастгоҳи нав, ки барои ҷарроҳӣ  истифода мешавад аз ҷумлаи онҳост. Дар ин муддат даҳҳо натиҷаи корҳои илмӣ ва тавсияҳои олимон барои тадбиқ дар истеҳсолот пешниҳод гардида, бештари онҳо дар соҳаҳои иқтисодиёт, кимиё, геология, тиб, сохтмон ва кишоварзӣ амалӣ гардиданд.
Дар ҷаласа, ҳамчунин, олимон Абдулҳақ Файзиев доир ба фаъолияти академик К.Сатпаев ва Муҳаммадалии Музаффарӣ оид ба тафсири классикии илму меъёрҳои дониши илмӣ маърӯза намуданд. 
Ба олимоне, ки дар соли 2018 ба дастовардҳои назарраси илмӣ ноил гаштанд, диплом ва  ифтихорномаҳо супурда шуд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр:    №:    Мутолиа карданд: 451

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед