logo

иқтисод

ГАМБУСКИ КОЛОРАДӢ -ХАВФНОКТАРИН ҲАШАРОТ БАРОИ КАРТОШКА

Картошка дар бозори истеъмолӣ нони дуюм ба ҳисоб меравад. Ҳарчанд кишоварзон барои ба даст овардани ҳосили баланди он пайваста роҳҳои босамари парваришро ҷустуҷӯ менамоянд, мутаассифона, ҳосилнокӣ дар баъзе минтақаҳои ҷумҳурӣ, аз ҷумла шаҳри Кӯлоб, солҳои охир ба дараҷаи ниҳоӣ паст фаромад. Саломуддин Каримов, сардори раёсати кишоварзии шаҳр дар суҳбат бо хабарнигори рӯзнома омилҳои асосии ин зуҳуроти хатарзоро шарҳ дод:
- Киштгардон накардан, интихоби тухмии номувофиқ ва саҳлангорӣ дар мубориза бо ҳашароти зараррасон. Пеш аз ҳама, заминро киштгардон накарда, дар он  зиёда аз се сол пайиҳам картошка кишт намудан  ба ҳосилнокӣ таъсири манфӣ мерасонад. Дар ин ҳолат  ҳашароти зараровар низ дар майдони зироат афзоиш меёбад. Бинобар ин, киштгардон шарти асосии баланд бардоштани ҳосили картошка мебошад. Агар замини парвариши картошка киштгардон карда нашавад, истифодаи нуриҳои минералӣ ҳам  фоидае надорад. Баробари киштгардон интихоби тухмии солиму хушсифат низ дар  баланд бардоштани ҳосили картошка нақши муҳим дорад. Барои ба даст овардан ва зиёд кардани тухмии хушсифату солим  малакаи баланд, техникаю анборхонаҳо ва хоҷагиҳои махсуси тухмипарварӣ заруранд. Тавассути зиёд намудани шумораи  хоҷагиҳои тухмипарвар ва ба ин васила сари вақт таъмин намудани кишоварзон бо навъҳои солиму баландҳосили тухмӣ  картошкапарвариро вусъат бахшидан мумкин аст.
Воқеан, гамбуски колорадӣ, ки ватани он Амрикои Шимолист, ҳашароти хавфноктарини зараррасон барои картошка маҳсуб меёбад.  Мутаассифона, ин зараррасон ҳамроҳи тухмӣ аз давлатҳои дигар ба кишвар ворид шуда, ба соҳаи картошкапарварии мамлакат зарари бисёр расонд. Дар ин маврид назорати қатъии воридоти тухмии хориҷӣ ва  истифодаи  заҳрхимикатҳо муҳиманд.  Агар ҳангоми  пайдоиши ин ҳашарот дар замини картошказор  сари вақт аз заҳрхимикатҳо истифода нашавад, на танҳо ҳосил паст мегардад, балки  баргу пояи зироат аз нашъунамо бозмонда, ҳосил пурра барбод меравад. Гамбуск  аз зери хок пайдо гашта, дар барги навдаи картошка тухм мегузорад. Давоми  ду ҳафта аз тухмаш  кирм тавлид  шуда, ба хӯрдани барг шурӯъ  мекунад. Ин ҳашарот на танҳо ба картошка, балки ба помидор, пиёз, қаламфур, боимҷон,  карам ва зироатҳои дигар низ зарар мерасонад.
Бар зидди ҳашароти номбурда истифода бурдани заҳрхимикатҳои сахттаъсир, аз ҷумла БИ – 58, муҳим аст. Онро бо об омехта карда, бо дастгоҳҳои махсуси дастӣ субҳ  ё бегоҳ дар вақти хушк будани замин бояд бипошем. Мувофиқи  қоидаҳои агротехникӣ баъди гул кардани зироати картошка  пошидани чунин заҳрхимикатҳои сахтаъсир мумкин нест. Барои истифодаи дурусти заҳрхимикатҳо маслиҳати  олимони соҳаро гирифтан зарур мебошад. Ҳамчунин, бо ин ҳашароти зараррасон бояд дар  ҳамаи минтақаҳои ҷумҳурӣ баробар ва дастаҷамъона мубориза барем. Дар акси ҳол, ҳашарот боз аз як минтақа ба минтақаи дигар мегузарад ва насли худро зиёд мекунад.
Холназар КАСИРОВ, «Ҷумҳурият»


Баёни ақида (0)    Санаи нашр: 17.04.2018    №: 76    Мутолиа карданд: 312

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед