logo

сиёсат

ҲАМГИРОӢ ДАР БОБИ ДӮСТИИ ТОҶИКОНУ ӮЗБЕКОН

Бо гузашти солҳо моҳи марти соли 2018 ҳамчун оғози марҳилаи сифатан нави ҳамкориҳои Тоҷикистону Ӯзбекистон ёд хоҳад шуд. Зеро дигаргуниҳое, ки дар таҳкими муносиботи дӯстонаи ду кишвар иттифоқ афтод, арзишҳои дӯстиву ҳамсоядории накуи мардумони тоҷику ӯзбекро ба асли хеш баргардонд.
Ифтитоҳи гузаргоҳҳои сарҳадӣ ва таъмини рафтуомади бемонеаи шаҳрвандони ду кишвар ба қаламрави якдигар суруру шодмониҳои зиёдеро ба бор овард, ки аз баракати сиёсати некбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев рақам зада мешавад.
Тавре маълум аст, зимни сафари давлатии Президенти Ҷумҳурии Ӯзбекистон ба Ҷумҳурии Тоҷикистон Изҳороти муштараки сарони давлатҳо ва 27 созишномаи ҳамкории байниҳукумативу байниидоравӣ ба  имзо расид, ки дурнамо ва густариши равобити ҳасанаро таъмин хоҳанд кард. Ба бовари таҳлилгарон, санадҳои тасвибшуда дар рушди ҳамкориҳои ин ду кишвари ҳамҷавор нақши беандоза муҳиму созанда хоҳанд бозид. Сарони давлатҳо бо қаноатмандӣ аз мулоқоту музокироти дар сатҳи олӣ доиршуда, зимни изҳороти мутбуотӣ ба хабарнигорон аз мувофиқати тарафҳо оид ба ҳалли пурраи мушкилоти мавҷуда дар муносиботи ду кишвар хабар доданд. Аз ҷумла, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳор доштанд: «Мо масъалаҳои ҳифзи мероси маънавӣ ва фарҳангии ду халқи бародар ва фароҳам овардани шароити мусоид барои ба роҳ мондани робитаҳои миёни ходимони фарҳангӣ, илмӣ ва маорифро баррасӣ намудем». Дар ин замина оид ба тарҷумаи адабиёти классикӣ ва муосири тоҷику ӯзбек ба забонҳои ду давлат, инчунин, дар бораи мутаносибан ба роҳ мондани омӯзиш ва таълими забонҳои ӯзбекӣ ва тоҷикӣ дар Тоҷикистон ва Ӯзбекистон мувофиқа ҳосил шуд, ки дурнамои ҳамкориҳои илмию фарҳангиро ба маҷрои нав равона хоҳанд кард.
Оре, бояд ҳамин тавр ҳам мешуд. Зеро чуноне ки медонем, ба сабаби номаълум будани тақдири ояндаи фарзандон бо гирифтани маълумоти миёнаву олӣ ба забони ӯзбекӣ як идда падару модарони ӯзбекзабон дар баъзе ноҳияҳои Тоҷикистон ихтиёран ариза навишта, фарзандони худро ба синфҳои тоҷикӣ интиқол медоданд, то ки пас аз хатми мактаб таҳсили касбу ҳунаромӯзиро дар коллеҷу мактабҳои олӣ ба забони тоҷикӣ идома дода тавонанд. Албатта, ин амал, бахусус барои фарзандони онҳо басо заҳматовар маҳсуб меёфт. Акнун чунин ташвишу нобасомониҳо, ки шояд ба таври сунъӣ падид меомаданд, аз миён бардошта шуд. Гузашта аз ин, мо медонем, ки дипломҳои маълумоти олии як зумра донишҷӯёни тоҷикзабону ӯзбекзабон, ки тибқи таҳсилашон дар муассисаҳои олии Тоҷикистон дода шудааст, тайи ду даҳсолаи охир аз тарафи мақомоти Ӯзбекистон эътироф намешуд. Акнун бовар меравад, ки ин масъала низ дар Ӯзбекистон ҳаллу фасли мусбати худро хоҳад ёфт.
Дар як муддати кӯтоҳ дар Самарқанд аз нав таъмиру тармим шудани осорхонаи асосгузори адабиёти муосири тоҷик Садриддин Айнӣ ва муҷассамаи Ҷомиву Навоӣ, ки ифодагари рамзи дӯстии қадимаи тоҷикону ӯзбекон маҳсуб меёбад, бунёди Боғи дӯстӣ бо гузоштани муҷассамаҳои Ҷомӣ ва Навоӣ дар шаҳри Душанбе, аз иқдомоти камназирест, ки нишонаҳои дӯстии безаволи тоҷикону ӯзбеконро рӯи кор овард.
Саидбой ШЕРБОЕВ,
узви вобастаи АТТ, доктори илмҳои педагогӣ,
профессори ДДЗТ ба номи Сотим Улуғзода


Баёни ақида (0)    Санаи нашр: 19.04.2018    №: 78    Мутолиа карданд: 241

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед