logo

фарҳанг

ПАЙВАНДИ ЯК ИМОНЕМ

Вақте мо дар бораи дӯстии мардумони Тоҷикистон ва Ӯзбекистон сухан меронем, таърихи муносибатҳои ин ду халқи бародар – тоҷику ӯзбек пеши назар меояд. Таърихе, ки реша ба замонҳои мозӣ дорад ва вақте ин таърихро ба чашми ибрат менигарем, мебинем, ки беҳтарин ва хушбахттарин даврон дар ин муносибатҳо ҳамон давроне будаанд, ки халқҳо дар сулҳу дӯстӣ ва меҳрубониву хайрхоҳӣ дар канори ҳамдигар зистаанд.

На танҳо таърихи халқҳо, балки таърихи илму фарҳанг, таърихи муносибатҳои дӯстонаи бузургони гузаштаи ин ду халқ низ намунаи ибрат ва пандомӯзи имрӯзиён аст. Дар бисёр соҳаҳои илмҳои дақиқ аз риёзиву ситорашиносӣ то ба фалсафаву равоншиносӣ олимони ин минтақа новобаста аз мансубияти милливу нажодӣ барои илми замони худ хизмат намудаву пояҳои қавии онро гузоштаанд.  Муносибати  бародарӣ, шогирдиву устодӣ, эҳтироми баланди ҳамдигарӣ дар байни Мавлоно Абдураҳмони Ҷомӣ ва Мир Алишери Навоӣ намунаи барҷастаест, ки чи гуна дар асоси дӯстии ду абармард ду миллати ҳамсоя метавонанд дӯсту бародар бошанд ва аз ин дӯстӣ ҳар ду ҷониб баҳраҳо бардоранд ва ин дӯстӣ заминаҳои мустаҳкаме барои бунёди дӯстии халқҳо, рушди илму адабу фарҳанг гузорад.
Имрӯз бо гузашти солҳо замон бори дигар водошт, ки дар асоси он таҳкурсии мустаҳкаме, ки абармардон гузошта буданд, кохи нави боэътимоду муҳташами дӯстӣ бунёди қавии худро оғоз ниҳад. 
9-уми марти соли 2018 сафари расмии давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон ва вохӯриву мулоқот бо Президенти Ҷумҳурии Тоҷикистон Эмомалӣ Раҳмон таърихи нави муносибатҳои бародарона ба зуҳуроти нишотбахш ва сурурангез ва фаромӯшнашудании таърихи ду кишвар табдил ёфт. Дар суханони Пешвои миллати тоҷик Эмомалӣ Раҳмон  уфуқҳои тоза ва умедҳои дилгармкунандаи муносибатҳои ду кишвар дурахшон гардиданд: “Мардуми моро суннатҳои бисёрасраи дӯстӣ, ҳамсоягии нек ва эҳтироми ҷонибайн муттаҳид месозанд. Ҳамкорӣ бо Ҷумҳурии Ӯзбекистон яке аз афзалиятҳои асосии сиёсати хориҷии Ҷумҳурии Тоҷикистон маҳсуб меёбад. Тасмимоти имрӯзаи мо бар заминаи музокироти суратгиранда аз бисёр ҷиҳат хислати таърихӣ дошта,таконбахш мебошанд. Онҳо барои марҳила ба марҳила боло бурдани муносибатҳои Тоҷикистону Ӯзбекистон ба сатҳи сифатан нав асосу заминаи боэътимодро фароҳам меоранд.”
Он рӯзҳо аз ҳар сухан, аз ҳар ҳарфи гуфтори  президентҳои ду кишвари бародар чи қадар эҳтиром, эътимод, бовар ва нишоти истиқбол мерехт: “Мо иқдомоти Шуморо дар мавриди эҷоди фазои дӯстӣ ва ҳусни ҳамҷаворӣ дар фазои умумии мо самимона истиқбол гирифтем, зеро онҳо бо ҳадафҳои мо комилан созгору ҳамоҳанг мебошанд”, - гуфтанд Президенти Тоҷикистон Эмомалӣ Раҳмон.
Он рӯзи таърихӣ ва фаромӯшношудание, ки нуҳ гузаргоҳи сарҳадӣ дар байни кишварҳои мо кушода шуд, ба иди ҳақиқии дӯстии халқҳои ҳамсарҳади ду кишвар  табдил ёфт. Мисли ин ки падидае чунин хурсандибахшу созгор ба армонҳои миллии халқи ҳар ду ҷониб дар зарфи бисту шаш сол ба амал наомада буд. Бубинед, бо чи ташнагие одамон аз ин иқдоми президентҳо истиқбол карданд. Модар ба дидори фарзанд, додар ба дидори хоҳар расид, хешутабор ба ҳам омаданд. Хушбахтие беш аз ин чӣ буда метавонад? Баробари кушода шудани сарҳадҳо алоқа ва равуо барқарор шуд. Ҳанӯз муҳлати зиёде нагузаштааст, аммо аллакай баракати ин алоқаҳову равуо ба ноҳияҳои ҳамсарҳад расидааст. Доду гирифтҳои ҳамсоягӣ нархҳоро дар бозорҳо поён карданд ва ин ҳам ба манфиати мардуми ҳар ду ҷониб аст.
Бо камоли шодмонӣ, умедворӣ ва орзуву ормон мегӯем: роҳат сафед бод корвони дӯстиву муҳаббат, некиву хайрхоҳӣ, зеро бо ту зиндагӣ хуштару зеботар, дилпазиртар аст! Бигзор дар паноҳи ин дӯстӣ ду халқи бародар, зиндагии осоиштаву рангин дошта бошанд. Зеро дар он ҷойе, ки дӯстӣ ҳаст, ҳавои покизаи некиву хайрхоҳӣ раҳнамои одамон ба пирӯзиҳо хоҳад буд.

ТОҶИКУ ӮЗБЕК
Пайванди як имонем, фарзанди мусалмонем,
Не ӯзбеку не тоҷик, парвардаи як нонем.
Ду дидаи як рӯем, ду соҳили як ҷӯем,
Ду устуни як хона, ду сӯи як айвонем.
Ҳамсояву ҳамқисмат, ҳамхонаву ҳамисмат,
Омехта чун ҳастӣ дар як тану як ҷонем.
Шаҳри ману ту як шаҳр, наҳри ману ту як наҳр,
Ҳатто ба мазоре як кулфатзада сар монем.
Ҳамсояву ҳамхонем, ҳамсурату ҳамсонем,
Ду боли як умеди шаҳбози парафшонем.
Обе, ки ба ҳам омехт, натвон-ш ҷудо бинмуд,
Омехта  мо бо ҳам ду рӯди хурӯшонем.
Эй кош миёни мо шӯри туву ман  н-афтад,
З-ин оташи миллаткуш не ман, на ту монем.
Аз кина магар рӯзе ғарқобаи хун гардем,
Ё з-ишқу вафо сарсабз чун боғ гул афшонем.
Бигзор ба ҳам бошем ду дасти ба ҳам пайванд,
Ду мисраи як байти ҳамдарду ҳаминонем.
Бигзор шавад шодоб имрӯз дарахти меҳр,
Эй ишқ, ту дарё шав, мо нахли ниёгонем!


Баёни ақида (0)    Санаи нашр: 19.04.2018    №: 78    Мутолиа карданд: 279

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед