logo

иҷтимоиёт

ДУШАНБЕРО ЗЕБОТАР МЕБИНАМ

Душанбе. Зодаи ин шаҳри сулҳоварам. Бо тамоми ҳастӣ дӯсташ медорам. Он бо рангҳои гуногун дар хотирам нақш бастааст - хотираҳо аз кӯдакӣ, аз ҷавонӣ, аз умри бигзашта… Махсусан ҳоло ҳар бор аз назди хона, аз саҳни майдонча, ки навсозӣ мешавад, мегузарам, ёд аз кӯдакӣ меорам. Дар солҳои нооромӣ аз арғунчакбозӣ, асптозӣ, сохтани ашёҳо аз гилу қум дар майдони қумзор ва ҳар гуна бозиҳои дигар нишоне намонд. Ҳоло бо бунёди майдончаҳои варзишӣ аз нав барқарор шуданд. Ва банда, ки он вақт танҳо ҳафт сол доштам, ҳаваси дубора баргаштан ба ин дунёи беғаш кардам. Хостам армон шиканам
Дар пойтахти кишвар шумораи майдончаҳои варзишии то ин вақт сохташуда ба 93 расид. Бунёди онҳо дар гӯшаю канорҳои шаҳр босуръат идома дорад. Аз ҷумла, майдончаи варзишии назди боғи навбунёди фарҳангӣ – фароғатии «Ҷавонон», ки аз ҷониби Пешвои муаззами миллат муҳтарам Эмомалӣ Раҳмон баҳои баланд гирифт, бо шароити мусоиди фароғату дилхушӣ алъон дастраси кӯдакони хуштолеи замони истиқлол аст. Иқдоми пешгирифта дар рушди комили кӯдакону наврасон бо ҷалби онҳо ба ҳар гуна бозиҳо мусоидат мекунад. Аз ин лиҳоз, Сарвари давлат ба масъулон ҷиҳати истифодаи пурсамар аз шароити дар боғ муҳаёгардида ва ҷалби кӯдакону наврасон ба бозиҳои гуногун дастур доданд.
Вусъати корҳои ободонӣ дар шаҳри Душанбе, ки рӯз аз рӯз симои пойтахтро тарҳу намои тоза мебахшад, нишон медиҳад, ки талошҳои Президенти кишвар муҳтарам Эмомалӣ Раҳмон ва роҳбарияти мақомоти иҷроияи ҳокимияти давлатии шаҳри Душанбе дар ин самт муваффақанд. Зеро дар ҳама бахшҳои шаҳрдорӣ, шурӯъ аз хизматрасонии нақлиётӣ, коммуналӣ, таъмини амнияти озуқаворӣ, танзими нарх дар бозорҳои пойтахт пешравиҳои амиқу чашмрас ба миён омадаанд. Гулкориву сабзкориҳои бесобиқа дар кӯчаву хиёбонҳои пойтахт, назди бинову иншооти таъйиноташон гуногун ба чашми ҳар бинанда, бахусус меҳмонони пойтахт, Душанберо ба сурати зеботару гул – гулшукуфон ба ҷилва меорад. Ин раванд аз ҳар сокини пойтахт, масъулони сохтору идораҳои дахлдор тақозо менамояд, ки ба тозаву озода нигоҳ доштани кӯчаву маҳаллаҳо ва гирду атрофи коргоҳҳои хеш таваҷҷуҳи бештар намуда, дар маҷмӯъ барои ободонии шаҳр саҳмгузор бошанд. Вале, мушоҳидаҳо нишон медиҳанд, ки на ҳама дар иҷрои ин амр аз худ масъулият нишон медиҳанд. Дар ҳоле ки ҳар рӯз аз бунёду навсозии ин ё он иншооти муҳим, майдончаҳои варзишӣ гузориш мерасад, мавҷуд будани як бино, муассиса ё майдончаи харобшуда, ки дар натиҷаи бемасъулиятӣ ё камтаваҷҷуҳӣ ба миён меояд, ҳусни шаҳри азизро мекоҳонад.
Майдончаи варзишии назди хона (воқеъ дар назди бинои 9/1 – и кӯчаи Неъмат Қарабоев, ноҳияи Фирдавсӣ), ки бо бунёдаш хотираҳо аз кӯдакӣ ёд меоянд, кӯдакону наврасони зиёдро бо бозӣ ба ҳам меорад. Ин хуб аст. Вале баъзан аз ҷониби кӯдакон ва волидайни онҳо нисбат ба назорат ҷиҳати истифодаи дуруст ва нигоҳубини майдонча беэътиноӣ зоҳир мегардад. Дар саҳни майдони бозиҳои футболу волейбол ҳанӯз корҳои иҷронашуда боқӣ мондаанд. Умуман, вазъи майдонча беҳбудӣ мехоҳад.
 Вале чун шаҳри Душанбе рушди босуръат гирифта, симояшро ба куллӣ дигар кардан дорад, сокинони пойтахтро дар ростои ҳамраъйӣ ба иқдомҳои созанда зарур аст, ки дар ободонӣ ва ҳифзу нигоҳдории ҳар гӯшаю канори пойтахт, хусусан атрофи маҳали зисти худ, масъулиятшинос бошанд. Махсусан дар нигоҳубини майдонча, ки хотираҳо аз он зиёданду бо бунёдаш ёд омад аз кӯдакӣ дар Рӯзи пойтахт.
О. ВАФОБЕК, «Ҷумҳурият»


Баёни ақида (0)    Санаи нашр: 19.04.2018    №: 78    Мутолиа карданд: 296

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед