logo

фарҳанг

ДАР МАНЗАРИ ДИДГОҲИ БУЗУРГОН

«Осорхонаи ба номи Абуабдуллоҳ Рӯдакиро мебояд ба яке аз марказҳои фарҳангии миллати тоҷик табдил дод. Ба аҳли кормандони осорхона суботкорӣ, иродаи қавӣ, қадамҳои устувор ва зафарҳои беназирро баҳри ба ҷаҳониён муаррифӣ кардани таъриху фарҳанги тоҷик орзу менамоям».
Эмомалӣ РАҲМОН
Осорхонаи ҷумҳуриявии таърихиву кишваршиносии ба номи Абуабдуллоҳи Рӯдакии шаҳри Панҷакент тӯли 60 сол аст, ки дари худро ба истиқболи фарҳехтагони таъриху фарҳанги шукӯҳманди ниёгон боз карда, ҳамчун даргоҳи поку муқаддас зиёратгоҳи ҳазорон тамошогарони ватаниву хориҷӣ гаштааст.

Дар ин муддат теъдоди зиёди донишомӯзону донишҷӯён, кишоварзону коргарон, зиёиёну сиёсатмадорон, шоирону нависандагон, ҳунармандону овозхонон, олимону муҳаққиқони бумиву бурунмарзӣ аз осорхона боздид карда, дар «Дафтари мулоҳизоти тамошогарон» афкор ва таассуроти самимии худро перомуни он ашёи таърихие, ки дар ҳашт толори осорхона ба маъраз гузошта шудаанд, сабт намудаанд. Вақте мо мулоҳизоти боздидкунандагонро мутолиа мекунем, дармеёбем, ки эшон аз тамошои осори таърихиву мадании халқи тоҷик ба ваҷд омада, онро ба бузургиву беҳамтоӣ, азамату гаронбаҳоӣ сутудаанд. Ҳар саҳифаи дафтар саршор аз шавқу завқ, ваҷду илҳом, эҳсоси ифтихор ва хотираҳои тозаву мубаррое аст, ки аз онҳо ба наслҳои пасин ба ёдгор мондааст.
Аз миёни боздидкунандагони олиқадри осорхона аз аввалин рӯзи ифтитоҳ то ба ҳоли ҳозир метавон аз шахсиятҳои барӯманди ҷаҳонӣ ва ватанӣ, ба мисли Вера Инбер, Константин Симонов, Расул Ҳамзатов, Саид Нафисӣ, Чингиз Айтматов, Парвиз Нотили Хонларӣ, Абдулҳусайни Зарринкӯб, Пондтиё Кашмирии Ҳиндӣ, Тадеуш Ясинский, Тодор Костадинов, Алӣ Акбари Вилоятӣ, Роберт Лонге, Мирзо Турсунзода, Сергей Бородин, Ҳамид Ғулом, Ричард Фрай, Маҷиди Яктоӣ, Силсилабону Лоҳутӣ, С. Шулс, Хилучи, Р. Ҳолтҳоер, Ғуломсарвари Ношир, Казис Умбранунас, Л. Сигал, Ҷалол Икромӣ, Фотеҳ Ниёзӣ, Расул Ҳодизода, Аълохон Афсаҳзод, Муҳаммад Осимӣ, Қутбӣ Киром, Лоиқ Шералӣ, Убайд Раҷаб, Гулназар Келдӣ, Аскар Ҳаким, Камол Насрулло, Низом Қосим, Гулрухсор, Зулфия Атоӣ, Ибод Файзуллоҳ, Фарзонаи Хуҷандӣ, Ҷӯрабек Муродов, Раҳмат Назрӣ, чандин сафирони давлатҳои хориҷӣ ва дигарон ёдовар шуд, ки аз хомаи мубораки онон дар «Дафтари мулоҳизоти тамошогарон» суханони неку таҳсинҳои бепоён таровиш ёфтаанд:

Мо рӯзҳоеро, ки дар Тоҷикистон ба истиқболи Ҷашни 1100 - солагии шоир ва мутафаккири халқи тоҷик (Рӯдакӣ) гузарондем, ҳеч гоҳ фаромӯш нахоҳем кард. Ба ин ҷашнвораи байналмилалӣ маросими ифтитоҳи Осорхонаи таърихию кишваршиносии ба номи Абуабдуллоҳи Рӯдакӣ ҳусни анҷом бахшид.
Вера Инбер, узви вобастаи Академияи илмҳои ИҶШС, профессор, 18.10.1958
* * *
Мо бо эҳсоси баланди хушнудӣ ва сарфарозии бузург рӯзҳоеро, ки дар Ватани бузургтарин фарзанди Тоҷикистон ва қофиласолори назми форсу тоҷик гузарондем, ёд хоҳем кард.
Бигзор, аз решаҳои куҳансоли забони Рӯдакӣ навдаҳои тару тоза сероб гарданд…
Расул Ҳамзатов, нависанда,
Ҳамзатова, адабиётшинос,
18.10.1958

* * *
Ман ба бисёр мамлакатҳои дунё сафар карда, осорхонаҳои зиёдеро тамошо кардам. Вале кам дидаам, ки халқи дигаре монанди тоҷикон чунин санъати нафис дошта бошад. Ҳар як ашёи осорхона аз замонҳои қадим то ба имрӯз аз тамаддуни шукӯҳманди тоҷикон шаҳодат медиҳад. Боздид аз осорхонаи Рӯдакӣ ба мо дар бораи таҳаввули иҷтимоии инсон аз оғози асрҳои санг ва биринҷӣ маълумоти возеҳу рӯшан дод.
Роберт Лонге- абераи Карл Маркс,
Кристина Лонге - ҳамсараш, 1966
* * *
Аз Литва ба зиёрати ин осорхонаи дилкаш омадам ва мафтуни тамаддуни бузурги ниёгони шумо гаштам. Офарин бар мардуме, ки Рӯдакиро зодааст, чун шеър ва ҳунари ӯ дар Литва низ машҳур аст.
Казис Умбранунас,
рӯзноманигор аз шаҳри Вилнюс
* * *
Ба ҷиҳати намоиши ҳамаҷонибаи осори кишваршиносӣ аз шумо сипосгузорем. Маводи намоиши осорхонавӣ бебаҳо аст, зеро он метавонад ҳамчун бозёфти нодир осорхонаи марказии ҳар пойтахтеро зиннат диҳад.
Иштирокдорони конфронси байналмилалии ЮНЕСКО оид ба таърих, бостоншиносӣ ва маданияти давраи Кӯшониён, академики фаронсавӣ - Гришман ва олими маҷорӣ, осорхонашинос - Т. Тот, соли 1969
* * *
Дар ин фасли тирамоҳи заррин аввалин боздид аз шаҳри зебои Панҷакент дар дили ман асари фаромӯшнашуданӣ гузошт. Офарин ба халқе, ки истеъдод ва қувваи фикрии худро фидокорона ба кор бурда, ин ҳама осори қадимаро аз хоби ҳазорсолаи зери хокӣ бедор намуданд ва онҳоро ба ганҷинаи санъат ва илми халқҳои мо дароварданд.
Бо умеди нав, Бону Лоҳутӣ, 02.11.1970
* * *
Боздиди имрӯзаам аз осорхона шумо тавассути тавзеҳоти бисёр равшан дониши маро дар бораи Рӯдакӣ хеле васеъ кард. Ҳамчунин, банда дар бораи маданияти чандинсолаи тоҷик огоҳии бештаре ёфтам.
Тадеуш Ясинский,
нависандаи лаҳистонӣ, 1987

Саиди ЮНУСИЁН,
корманди илмии осорхона


Баёни ақида (0)    Санаи нашр: 20.04.2018    №: 79    Мутолиа карданд: 332

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед