logo

фарҳанг

ФЕСТИВАЛИ ФИЛМҲОИ ҲИНДӢ

Тайи як ҳафта аст, ки дар кишварамон бо ибтикори Иттифоқи синамогарон, «Киноклуби Сатяҷид Рей» ва дар ҳамкорӣ бо Сафорати Ҷумҳурии Ҳиндустон дар Тоҷикистон Фестивали филмҳои ҳиндӣ баргузор гардида истодааст.

Бино ба иттилои Сафар Ҳақдод, раиси Иттифоқи синамогарони Тоҷикистон, мақсад аз ташкили фестивали мазкур таҳкими муносибатҳои дӯстонаи халқҳоямон ва шиносоии бештари синамогарони тоҷик - дӯстдорони синамои ҳиндӣ бо намунаҳои беҳтарин ва дастовардҳои навини ҳунари филмофарии Ҳиндустон мебошад.
Намоиши филмҳо шоми ҳар рӯз дар Хонаи кинои Иттифоқи синамогарон - кинотеатри «Зебунисо» сурат мегирад. Дар доираи фестивал филмҳои «Одами кӯҳӣ» - и коргардон Кетан Меҳта, «Қисса» - и Суҷой Гош, «Бидав, Милка, бидав!» - и Ракеш Умпракаш Меҳра, «Писари Сардор» - и Ашвини Дҳир, «Арӯсии Тану ва Ману» - и Ананд Раи ва «Тах… Пах…» - и Сиддратҳ Ананд манзури тамошогарон мешавад.
Филмҳои ба маъраз гузошташуда ҳама достонӣ буда, аз саргузашти аҷибу ғариби ҳиндувон дар замони мо қисса мекунанд. Агар қаҳрамони филми «Бидав, Милка, бидав!» шахси воқеӣ – қаҳрамони Бозиҳои олимпии Осиё дар соли 1958 ва барандаи медали биринҷии Олимпиадаи Рим дар соли 1960 Милка Сингх бошад, Дашратҳ Манҷи (аз филми «Одами кӯҳӣ»), Видя («Қисса»), Ману ва Тану («Арӯсии Ману ва Тану»), Ҳарлин Саҳни ва Радҷвир Нанда («Тах… Пах…») аксаран шахсони тахайюлӣ мебошанд. Новобаста аз ин, ҳар кадоми онҳо дорои сарнавишти ибрат-ангези худ аст. Сокини деҳаи касногузари Геҳлор – Дашратҳ баъди аз даст додани ҳамсар – ишқи аввалину охиринаш қавл медиҳад, ки чун Фарҳоди кӯҳкан барои ҳамдеҳагонаш ба рӯйи ҷаҳони бузург роҳ кушояд. Видя зиндагии осоиштаи дар Лондон доштаашро ба қиссаҳои моҷароангези Калкутта барои ёфтани ҳамсараш иваз менамояд. Писари Сардор - Ҷасси баъди даргузашти қиблагоҳаш ба Ватан баргашта, мефаҳмад, ки қабилаи Сандху 25 сол пеш ҳукми қатли ӯро баровардаасту интизори бозгашташ аст. Вале ӯ қадами нахустинашро ба даргоҳи сардори ин қабила Биллу мегузорад…
Дар филмҳои манзури тамошогарон гардида ҳолатҳои шадиди равонӣ мисли пештара бо оҳанг ва суруду рақсҳои дилфиреб ороста шудаанд. Дар онҳо бозигарони шинохта Навозуддин Сиддиқӣ, Радхика Апте, Парамбрата Чатерҷи, Фарҳон Ахтар, Сунам Капур, Сунахши Синдҳа, Ҷуҳи Чавла, Раҳул Мадҳаван, Хритик Рошан, Ҷовид Ҷаъфарӣ ва дигарон нақш офаридаанд.
Синамошиноси   шинохтаи  кишвар Саъдулло Раҳимов, ҳамчунин,  иттилоъ дод, ки баъди анҷоми фестивал ҳар рӯзи шанбеи ҳафтаи охири ҳар моҳ дар доираи фаъолияти «Киноклуби Сатяҷид Рей» як филми беҳтарини ҳиндӣ ва ҷаҳонӣ бо ширкати филмсозони ҳирфавии тоҷик, синамошиносону мунаққидон ва алоқамандони ҳунари синамо барои тамошо ва нақду баррасӣ ба намоиш гузошта мешавад.
М. ТАБАРӢ, «Ҷумҳурият»


Баёни ақида (0)    Санаи нашр: 25.04.2018    №: 82    Мутолиа карданд: 224

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед