logo

маориф

МАКТАБИ ПРЕЗИДЕНТӢ. АЗ БӮСТОН ТО БА ҶАҲОН

Омӯзгорон ва хонандагони Мактаби президентӣ барои хонандагони болаёқат дар шаҳри Бӯстон ҳамасола дар озмуну олимпиадаҳои сатҳи ҷаҳонӣ ширкат меварзанд. Онҳо бо лоиҳаҳои  илмиву амалии хеш баромад карда, Тоҷикистонро дар миқёси байналмилалӣ муаррифӣ мекунанд.

Мадина Набизода, директори мактаб, дар суҳбат бо мо иттилоъ дод, ки чанде пеш ду нафар хонандаи муассиса Ҷаъфар Қосимов ва Фаридун Ғаффоров дар Олимпиадаи байналмилалии лоиҳавӣ аз фанни иқтисодиёт дар шаҳри Алмаатои Ҷумҳурии Қазоқистон иштирок карда, ба гирифтани ҷойи дуюм ва медали нуқра сазовор гардиданд.
- Иштироки хонандагон дар “Озмуни байналмилалии соҳибкорони ҷавон” низ муваффақиятҳои зиёдеро дар пай дошт. Ду хонандаи муассиса лоиҳаи худро ба кумитаи тадорукоти озмун, ба Русия фиристод. Баъди баррасии лоиҳа хонандаи синфи 11 Шаҳзода Эшонова барои иштирок дар озмун роҳхат гирифт, - афзуд Мадина Набизода.
Даври ниҳоии озмун дар донишгоҳи Синергия баргузор гардид. Бояд қайд кард ки дар ин озмун зиёда аз 20 000 хонанда аз тамоми ҷаҳон иштирок кард ва ба даври ниҳоии озмун аз тамоми кишварҳои дунё ҳамагӣ 12 дастаи ғолиб аз Австрия (ду даста), Словения (як даста), Беларус (як даста), Русия (се даста), Тоҷикистон (ду даста) Қазоқистон (ду даста) ва Қирғизистон (як даста) роҳ ёфтанд.
Дар комплекси олимпӣ Форуми байналмилалии Синергия бо иштироки шахсони барӯманди ҷаҳон ва зиёда аз 19 ҳазор тамошобин ғолибони озмун муайян шуданд. Ҷои аввалро дастаи Русия, ҷои дуюмро дастаи Австрия, ҷои сеюмро дастаи Қазоқистон соҳиб гардиданд. Мактаби Бӯстон соҳиби ҷоизаи  “Намоиши беҳтарини лоиҳа” гардида, бо диплом ва туҳфаҳои хотиравӣ қадрдонӣ шуд. Дар байни 12 давлати ҷаҳон лоиҳаи хонандагони Мактаби президентии шаҳри Бӯстон ба панҷгонаи лоиҳаҳои беҳтарин ворид гашта, ба Тоҷикистон ифтихору шуҳрат овард.
Муаллиф Шаҳзода Эшонова лоиҳаро бо забонҳои русию англисӣ ҳам тариқи онлайн ва ҳам бевосита назди ҳакамони бонуфуз муаррифӣ карда, бори дигар собит намуд, ки кишвари мо дар ҳалли масоили экологӣ аз роҳҳои бехатару манфиатовар кор мегирад.
Чанде пеш дар   шаҳри Алмаатои Ҷумҳурии  Қазоқистон Олимпиадаи байналмилалӣ оид ба корҳои лоиҳавӣ аз фанҳои физика, математика ва иқтисодиёт гузаронда шуд. Дар ин чорабинӣ хонандагон аз Русия, ҷумҳуриҳои  Қазоқистон, Тоҷикистон, Ӯзбекистон ва Қирғизистон иштирок доштанд.
Аз Мактаби президентии Бӯстон  хонандагони синфи нуҳ Фаридун Ғаффоров ва Ҷаъфар Қосимов бо лоиҳаи илмии “Бозори меҳнат ва бекорӣ” ширкат варзиданд. Лоиҳа паст намудани сатҳи бекориро дар минтақаи Осиёи Марказӣ баррасӣ мекард ва бо тамоми факту рақамҳои илмиву амалӣ роҳҳои пешгирии ин омилро нишон медод. Бо ҳамовозии ҳакамон лоиҳа соҳиби нишони фахрӣ ва Дипломи дараҷаи II гардид. Инчунин, ғолибон имконият пайдо намуданд, ки баъди хатми муассиса тариқи буҷетӣ ба Донишгоҳи ба номи Ҷаладасбекови шаҳри Алмаатои Ҷумҳурии Қазоқистон дохил шаванд.
Талабагони муассиса дар омӯзиши забонҳои хориҷӣ низ пешрафт доранд. Аз ҷумла, чанде пеш дар XV  Олимпиадаи байналмилалӣ аз фанни забони русӣ барои хонандагони хориҷӣ ширкат варзида, дар сабқати русидонони 29 давлати дунё Мафтуна Дадобоева сазовори ҷойи дуюм гардида, бо диплом ва туҳфаҳои хотиравии кумитаи тадорукоти олимпиада қадр ёфт.
Ба гуфтаи Мадина Набизода, хонандагони мактаб дар озмунҳои дигари байналмилалӣ, ки электронӣ  мегузаранд, иштирок доштанд ва ҳоло натиҷаҳои онро интизоранд.
Бузургмеҳри БАҲОДУР,
“Ҷумҳурият”


Баёни ақида (0)    Санаи нашр: 25.04.2018    №: 82    Мутолиа карданд: 558

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед