logo

иқтисод

КӮЛОБ. АВЛАВИЯТ БА СИФАТИ МАҲСУЛОТ

Кормандони маркази назорати давлатии санитарию эпидемиологии шаҳри Кӯлоб якҷо бо намояндагони мақомоти ҳифзи ҳуқуқ ва сохторҳои дигари марбута ҳолати риояи талаботи санитарию гигиениро дар бозорҳо, нуқтаҳои савдо, анборҳои нигоҳдорӣ ва коргоҳу нуқтаҳои тайёр кардани маҳсулоти ғизоӣ санҷида, камбудиҳои зиёдро ошкор сохтанд.

Тавре санҷишҳо нишон доданд, на ҳамаи соҳибкорону фурӯшандагон барои дар ҳолати хуби санитарию гигиенӣ нигоҳ доштану бо сифати хуб ба дасти харидорон расондани маҳсулоти истеъмолӣ масъулият эҳсос мекунанд.
Дар рафти санҷишҳо ба миқдори 69 ҳазору 104 килограмм маҳсулоти беҳуҷҷат, пастсифат ва муҳлати  нигоҳдориашон гузаштаи хӯрокворӣ, аз қабили гӯшт, тухм, маҳсулоти қаннодӣ, консерв, нӯшокиҳои ташнашикан аз муомилот боздошта шуданд. Нисбат ба 142 соҳибкору фурӯшанда ҷазои маъмурии мувофиқ ва ба маблағи 210 ҳазору 967 сомонӣ ҷарима таъйин гардид. Амали 11 соҳибкорро барои насупурдани ҷарима  суд баррасӣ мекунад. Ҳамзамон, фаъолияти 18 муассисаи соҳаи хӯрока бо сабаби ба талаботи стандартӣ ҷавобгӯй набудани маҳсулоташон муваққатан то пурра бартараф сохтани камбудиҳо манъ карда шуд.
Бино ба иттилои муовини сардори маркази назорати давлатии санитарию эпидемиологии минтақаи Кӯлоб Сайфиддин Насимов, давоми се моҳи соли равон ба маблағи 5787 сомонӣ (823 килограмм) маҳсулоти пастсифат аз муомилот гирифта шуд. Фаъолияти коргоҳи ҳасиббарории «Ориён – Рус-там» муваққатан боз дошта шуд. Аз ҳисоби маҳсулоти пастсифати ғизоии ин корхона 2 ҳодисаи заҳролудшавии шаҳрвандон рух дод, ки дар натиҷа 4 сокини шаҳри Кӯлоб дар ҳолати вазнин дар беморхона бистарӣ гардид. Тавре ба мо иттилоъ доданд, ҳоло баъди табобат вазъи саломатии онҳо ба эътидол омадааст.
Бе доштани иҷозатномаи сохторҳои ваколатдор тайёр кардани маҳсулоти консервии фурӯшӣ дар хонаҳо манъ аст, зеро маҳсулоти консервии хонагӣ аксаран бе риояи талаботи бехатарӣ ба саломатӣ, дар зарфҳои ғайристандартию худсохт, бе ба инобат гирифтани макону ҳарорати мувофиқ  нигоҳ дошта мешавад.
- Риоя накардани қоидаҳои омодасозии маҳсулоти консервӣ метавонад боиси пайдоиши бемории ботулизм - заҳролудшавии бисёр хатарнок гардад. Баъди заҳролудшавии ин шаҳрвандон мутахассисони маркази назорати давлатии санитарию эпидемиологии шаҳри Кӯлоб якҷо бо намояндагони мақомоти ҳифзи ҳуқуқ дар бозорҳо ва марказу нуқтаҳои савдо санҷиши ғайринақшавии фаврӣ гузаронда, 300 кило маҳсулоти консервии дар шароити хона тайёршударо аз муомилот гирифтанд. Мо пешгирии воридоти молу маҳсулоти пастсифати ғайристандартиро, ки барои саломатии мардум хатарнок аст, вазифаи муҳимтарини хеш дониста,  барои ҳимояи ҳуқуқи истеъмолкунандагон ва бехатарии маҳсулоти озуқавӣ ҳамеша талош менамоем, - гуфт Сайфиддин Насимов.
Холназар КАСИРОВ,
«Ҷумҳурият»


Баёни ақида (0)    Санаи нашр: 25.04.2018    №: 82    Мутолиа карданд: 212

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед