logo

иқтисод

МОЛИКИЯТИ ЗЕҲНӢ. САРВАТЕ, КИ ОМИЛИ РУШД АСТ

Ҳамасола дар ҷаҳон 26 апрелро ҳамчун Рӯзи байналмилалии моликияти зеҳнӣ ва дар Тоҷикистон ҳамчун Рӯзи ихтироъкорону навоварон ҷашн мегиранд. Имсол аз таъсисёбии низоми миллии моликияти зеҳнӣ дар мамлакати мо 25 сол пур мешавад.
Муассисаи давлатии “Маркази миллии патенту иттилоот” ҳамчун мақоми ваколатдори давлатӣ ҷиҳати татбиқи сиёсати Ҳукумати ҷумҳурӣ  дар соҳаи моликияти зеҳнӣ ва ҳифзи манфиатҳои давлатӣ дар соҳаи обектҳои моликияти саноатӣ, барои ҳамгироии неруи миллии зеҳнӣ ба рушди эҷодиёт, ихтироъкорӣ, соҳибкорӣ ва устувории иқтисоди кишвар мусоидат менамояд.
Рушди устувори иҷтимоиву иқтисодии кишвар аз сатҳи пешрафти илму техника, ҷорӣ намудани  технологияҳои муосири пешрафта вобастагӣ дорад. Хушбахтона, дар ҷумҳурӣ сол аз сол сафи ихтироъкорону навоварон зиёд гардида истодааст. Ин аз он шаҳодат медиҳад, ки дар корхонаву муассисаҳо, марказҳои илмию эҷодӣ ва муассисаҳои  таҳсилотии кишвар фаъолияти ихтироъкориву навоварӣ ривоҷу равнақ  меёбад. Ихтироъкор, пеш аз ҳама, шахсест, ки бо маҳсули тахайюли эҷодии худ чизи наверо барои нафъи ҷомеа меофарад. Ин офариниш моликияти шахсии ӯ ба ҳисоб меравад.
- Аз ҷониби Ҳукумати Ҷумҳурии Тоҷикистон “Стратегияи миллии рушди моликияти зеҳнӣ дар Ҷумҳурии Тоҷикистон барои солҳои 2014 - 2020” ва «Барномаи рушди неру ва моликияти зеҳнии инсон барои давраи то соли 2020» қабул гардидаанд, ки барои рушди моликияти зеҳнӣ, ҳамоҳангсозӣ, банақшагирӣ, муайян намудани самтҳои рушди минбаъдаи соҳа, пешгирии ҳуқуқвайронкуниҳо дар соҳа тавассути ҳамкорӣ бо мақомоти дахлдори ҷумҳурӣ, тиҷоратикунонии объектҳои моликияти зеҳнӣ ва  мутобиқ намудани санадҳои меъёрии ҳуқуқии соҳаи моликияти зеҳнӣ ба санадҳои байналмилалӣ мусоидат менамоянд, - гуфт Боймурод Убайдуллоев, муовини директори “Маркази миллии патенту иттилоот”.
Ҳоло дар муассиса 55 нафар ҷавони ихтироъкор ба қайд гирифта шудааст. Муассиса дар ду сол як маротиба дар доираи ҷашнгирии Рӯзи ихтироъкорон ва навоварони Ҷумҳурии Тоҷикистон ва Рӯзи байналмилалии моликияти зеҳнӣ озмуни «Ихтироъкори беҳтарини Тоҷикистон» ва дар доираи фаъолияти худ озмунҳои ҷумҳуриявии  «Навоварон ва ихтироъкорони наврас ва ҷавон», “Бренди сол” ва “Форуми ихтироъкорони Тоҷикистон” - ро мегузаронад. Соли гузашта дар шаҳри Душанбе  бахшида ба Соли ҷавонон Форуми байналмилалии соҳибкорони ҷавон таҳти унвони «Ҷавонон - муҳаррики рушди соҳибкории инноватсионӣ» баргузор гардид.  Ҳамчунин, кормандони марказ бо мақсади  ҷалби афроди лаёқатманд ба навоварию ихтироъкорӣ ва тарғибу ташвиқи соҳа дар шаҳру ноҳияҳои ҷумҳурӣ  доир ба  ҳифзи объектҳои моликияти саноатӣ  машваратҳо баргузор намуданд.
Бино ба гуфти муовини директор маҳз самари сиёсати хирадмандонаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон дар мавриди арҷгузорию эҳтиром ба модарон, баланд бардоштани мақому манзалати зан дар ҷомеа, қадрдонию таваҷҷуҳ ва дастгириҳои бевосита  аст, ки бонувони кишвар тайи солҳои охир дар ихтироъкорию навоварӣ ба дастовардҳои назаррас ноил гардидаанд. Соли шашум аст, ки бонувони тоҷик бо ихтироъҳои беназир дар Намоишгоҳи байналмилалии занони ихтироъкор ва Форуми занҳои ихтироъкори ҷаҳон, ки  дар пойтахти Ҷумҳурии Корея - шаҳри Сеул баргузор мегардад, ҷойҳои аввалро соҳиб мешаванд.
Бо мақсади  дарёфти афроди лаёқатманд ва боистеъдод дар самти навоварию ихтироъкорӣ, алалхусус  дар байни наврасону ҷавонон, дастгирии онҳо ва тарғибу ташвиқи соҳа дар байни аҳолӣ бори аввал дар ҷумҳурӣ бо ибтикори марказ низоми нави пешниҳоди лоиҳа ва навовариҳои характери ихтироъкорӣ ва инноватсионидошта  (тариқи электронӣ)  дар сомонаҳои  интернетии www.tajpatent.tj ва www.innovation.tj  пурра ба таври ройгон роҳандозӣ гардид. Мақсад аз ин боз ҳам осон ва камхарҷ намудани пешниҳоди  лоиҳа ва навовариҳои инноватсионӣ аз тамоми минтақаҳои ҷумҳурӣ  мебошад. Лоиҳаҳои инноватсионии беҳтарин дар дохил ва берун аз кишвар ба ҷомеа муаррифӣ  ва қадр карда мешаванд.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 26.04.2018    №: 83    Мутолиа карданд: 532

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед