logo

иқтисод

САНОАТ. МАРҲИЛАИ НАВИ РУШД

Тибқи маълумоти Агентии омори назди Президенти Ҷумҳурии Тоҷикистон, соли сипаришуда маҳсулоти саноатӣ 17 дарсади маҷмӯи маҳсулоти дохилии кишварро ташкил дод. Корхонаҳои саноатӣ ба маблағи 20 миллиард  сомонӣ маҳсулот истеҳсол намуданд, ки нисбат ба соли қаблӣ қариб 5 миллиард сомонӣ зиёд аст. Суръати афзоиш беш аз 20 дарсадро ташкил намуд. Яъне, дастуру супоришҳои Сарвари давлат дар самти ба кишвари индустриаливу аграрӣ табдил додани Тоҷикистон марҳила ба марҳила иҷро гардида истодаанд.
Тибқи ҳисоботи оморӣ, соли сипаригардида дар саноати коркард ба андозаи 11,7 миллиард ва саноати истихроҷ 4,5 миллиард сомонӣ маҳсулот истеҳсол шудааст. Истихроҷи ангишт 1 миллиону 760 ҳазор тонна ва истеҳсоли семент зиёда аз се миллион тоннаро ташкил дод, ки ин нишондиҳандаҳои баландтарин дар давраи Истиқлолияти давлатии кишвар мебошад. Рушди саноати истихроҷи маъдан низ аз ҳисоби афзоиши ҳаҷми истеҳсол дар соҳаи истихроҷи маводи ғайриэнергетикӣ 148,5 дарсад ва истихроҷи маводи энергетикӣ 120,3 дарсад таъмин гардидааст.
Бо истифода аз технологияҳои муосир ҳаҷми истеҳсоли маҳсулоти ивазкунандаи воридот зиёд шуда, талаботи бозор ба маҳсулоти саноатии  ватанӣ таъмин гардида истодааст. Афзоиши ҳаҷми маҳсулоти саноат бештар дар бахшҳои истеҳсоли риштаи пахтагин, маҳсулоти фармасевтӣ, гаҷкартон, ранг, арматура, хӯрокворӣ, ширеш, коғази ташноб, сӯзишвории дизелӣ, қолин ва маҳсулоти қолинӣ, мебел, молҳои чармӣ, семент, ангишт, пойафзол, трансформатор ва либоси мактабӣ мушоҳида мешавад. Истеҳсоли қариб 70 намуд маҳсулоти рақобатпазири нави саноатии ивазкунандаи воридот, ба монанди халта, ротбанд, фториди алюминий, кислотаи сулфат, криолит, коагулянт, хишти сабук, гаҷкартон дар бозорҳои дохил ва хориҷи мамлакат роҳандозӣ гардид.
Дар асоси дастуру ҳидоятҳои Сарвари давлат муҳтарам Эмомалӣ Раҳмон дар бахшҳои ба кор андохтани иқтидорҳои нав дар соҳаи саноат, истифодаи самараноки корхонаҳои мавҷуда, ба роҳ мондани истеҳсоли маҳсулоти рақобатпазиру ивазкунандаи воридот ва тақвияти имкониятҳои содиротии кишвар як силсила тадбирҳои судманд амалӣ гардидаанд.
Соли гузашта бо ҷалби 557,6 миллион сомонӣ маблағҳои дохилии корхонаҳо ва сармоягузорони хориҷӣ дар кишвар 170 корхона ва коргоҳҳои нави саноатӣ бо фарогирии 3000 ҷойи нави корӣ ба истифода дода шудааст.
Дар семоҳаи аввали соли равон корхонаҳои истеҳсолӣ бо истифода аз ашёи хоми маҳаллӣ фаъолият карда, ба маблағи 462,6 миллион сомонӣ маҳсулот истеҳсол кардаанд. Ҳаҷми истеҳсоли маҳсулоти сохтмонӣ, аз ҷумла семент ба 774 ҳазор тонна ва гаҷкартон ба 525 ҳазор адад, расидааст. Дар корхонаҳои марбут ба соҳаи саноати сабук бо назардошти корхонаҳои пахтатозакунӣ дар ин муддат ба маблағи 486,8 миллион сомонӣ маҳсулот истеҳсол шудааст. Дар 5 корхонаи истихроҷи ангишт 185378 тонна ангишт истихроҷ шуд, ки нисбат ба ҳамин давраи соли сипаригардида қариб 15 дарсад зиёд мебошад.
Шаҳбоз АБРОР,
«Ҷумҳурият»


Баёни ақида (0)    Санаи нашр: 30.04.2018    №: 85    Мутолиа карданд: 275

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед