logo

фарҳанг

БОБОҶОН ҒАФУРОВ ВА РАВАНДИ МУҲОҶИРАТ БА ВОДИИ ВАХШ

Қаҳрамони Тоҷикистон Бобоҷон Ғафуров тӯли даҳ сол (1946-1956) дар вазифаи Котиби якуми Ҳизби коммунисти Тоҷикистон бенуқсон кор кард. Замоне ки ӯ ин вазифаи муҳими давлатиро ба уҳда гирифт, на танҳо сокинони Тоҷикистон, балки кулли мардуми шӯравӣ дар барқарорсозии  харобаҳои ҷанг, рушду ба эътидол овардани иқтисоди фалаҷгашта камари ҳиммат баста буданд. Дар чунин шароит ба Бобоҷон Ғафуров лозим меомад, ки ба чаҳор гӯшаи Тоҷикистон сафар карда, пеш аз ҳама, бо рӯзгори одамон аз наздик шинос шавад, ба хотири рушди Тоҷикистон низ нақшаҳои навро тарҳрезӣ намояд.

Ҳукумати шӯравӣ раванди муҳоҷирати дохилиро, ки ҷанбаи сиёсӣ дошт, солҳои сиюми қарни гузашта оғоз карда буд. Беш аз як миллион муҳоҷир иҷборан ба Осиёи Миёна, аз ҷумла ба Тоҷикистон низ, интиқол дода шуд. Замони ҷанг бошад, ин сиёсат доман зад ва бештар аз чаҳор миллион олмонитаборҳои Поволже, казакҳои Астрахан, украинҳо, чеченҳою ингушҳо, тоторҳои Қрим, литвониҳо ба Осиёи Миёна кӯчонда шуданд. Солҳои 1932-1938 дар ҷануби Тоҷикистон 65 ҳазор нафар муҳоҷири сиёсӣ дар водии Вахш ба кор ҷалб шуд, ки аксари онҳоро олмонитаборҳои Поволже, сарватмандон - заминдорони собиқи Астрахан (кулакҳо), украинҳо, қисман лӯлиҳои Бессарабия ташкил медод. Муҳлати муҳоҷирати иҷборӣ  понздаҳ - бист сол муқаррар шуда буд. Бинобар ин, онҳо пас аз сипарӣ гаштани ин муҳлат ба КМ ҲКИШ ариза навишта, ба хотири бозгашт ба зодгоҳи хеш кумак мехостанд.
Бобоҷон Ғафуров аз рӯйи вазифае, ки бар дӯш дошт, бо маслиҳату машварат бо Маскав чандин мулоқотро бо муҳоҷирони сиёсӣ дар водии Вахш ( 1949 - 1952)  анҷом медиҳад.
Соли 1997 вақте бо Фармони Президенти Ҷумҳурии Тоҷикистон Эмомалӣ Раҳмон ба Бобоҷон Ғафуров унвони олии Қаҳрамони Тоҷикистон дода шуд, як сокини водии Вахш, собиқадори милитсия, суду прокуратура Салмон Мухторови 79 - сола, ки дар хоҷагии «Тоҷикистон»-и ноҳияи Ҷайҳун ба сар мебурд, хушхабарро хеле хуш пазируфт ва чун шоҳиди ду мулоқоти таърихии Бобоҷон Ғафуров бо муҳоҷирони сиёсӣ ва осебдидагони заминларзаи Ҳоит ин ҳарфҳоро ба банда гӯшрас кард.
 - Мулоқоти соли 1949 барои Бобоҷон Ғафуров хеле ҳузновар буд, - қисса намуд бобои Салмон, - зеро бо тасмими ҳукумат мебоист даҳ ҳазор нафар одамони аз заминларзаи Ҳоит ҷон ба саломат бурда, дар водии Вахш ҷойгузин ва соҳиби сарпаноҳ мешуданд. Ду ҳазори онҳоро худи муҳоҷирони сиёсӣ, ки дар колхозу совхозҳои хурду резаи навоҳии Ворошилободу Микоянобод ва Саройкамари ҳамонвақта ба пахтакорӣ машғул буданд, хуш истиқбол гирифтанд. Аввалҳои моҳи декабри ҳамон сол Бобоҷон Ғафуров ба назди осебдидагони заминларза ва муҳоҷирон ташриф овард. Мулоқоти эшон дар колхози ба номи Шверник ба вуқӯъ пайваст. Ҳаво хеле сард буд. Азбаски маҷлисгоҳи колхоз хеле хурд буд, Бобоҷон Ғафуров ҷамъомадро дар майдони кушод гузаронд. Ҷамъомадагон аз даҳ ҳазор бештар муҳоҷирони сиёсӣ ва осебдидагони заминларзаи Ҳоит буданд. Роҳбари аввали Тоҷикистон Бобоҷон Ғафуров аз зилзила  наҷотёфтагонро хеле дилбардорӣ намуда, ба онҳое, ки наздикони худро аз даст дода буданд, арзи тасаллият намуд. Иброз дошт, ки Ҳукумати умумииттифоқӣ ва маҳаллӣ ба онҳое, ки ҳама чизро аз фалокати даҳшатбори табиӣ аз даст додаанд, ёриеро дареғ намедорад.
Қисми дувуми мулоқотро Бобоҷон Ғафуров ба баррасии аризаҳои муҳоҷирони сиёсӣ бахшид. Як соат ҳарф зад; вазъи дунёро таҳлил кард, ба муҳоҷирони сиёсӣ фаҳмонд, ки селоби ҷанги хонумонсӯз ватани аҷдодии аксари онҳоро ба вайрона табдил дода, барқарорсозӣ панҷ-даҳ соли дигар тӯл мекашад, ҷойи гарми худро азиз доранду зиндагиро дар водии Вахш идома бахшанд. Дар поёни суханаш Бобоҷон Ғафуров ба муҳоҷирони сиёсӣ хушхабар расонд, ки Сталин ҳамаро авф кард, дигар шумо муҳоҷирони сиёсӣ нестед, ҳақ доред ва ба куҷое, ки хоҳед сафар кунед.
Мулоқоти дувуми Бобоҷон Ғафуров соли 1952 бо фаъолони навоҳии Саройкамар, Микоянобод ва Ворошилобод боз дар колхози ба номи Шверник баргузор гардид. Дар ин ҷамъомади серодам се масъала мавриди баррасӣ қарор гирифт: муттаҳидсозии хоҷагиҳои хурд, муҳайё кардани манзил барои муҳоҷирони навоҳии кӯҳистон, ки ташаббускори он худи Бобоҷон Ғафуров буд ва баррасии пешниҳоди муҳоҷирони сиёсӣ. Ин се масъаларо худи Бобоҷон Ғафуров шарҳу тафсил дод. Ҳама онро дастгирӣ ва ҷонибдорӣ карданд. Масъалаи сеюм – муроҷиати муҳоҷирони сиёсиро Ремпел, раиси колхози ба номи Шверник, қироат кард. Ба Бобоҷон Ғафурови сиёсатмадори варзида, роҳбари оқилу дилсӯз, башардӯсти матин муяссар гардид, ки дар он солҳо ҳазорҳо нафар муҳоҷирони сиёсии бадарғашударо, ки дар чаҳор гӯшаи Тоҷикистон, аз ҷумла дар водии Вахш, кору зиндагӣ мекарданд, ба ҳаёт боз ҳам дилгарм созад, онҳо тоҷикону ин сарзамини биҳиштиро дӯст доранд ва барои ободии он чун шаҳрванди ин сарзамин фидокорона меҳнат намоянд. Ҳоло дар ҳар як ноҳия пайвандони муҳоҷирони сиёсӣ, ки бо ҳукми тақдир зиндагиро сипарӣ кардаанд, боқӣ монда, Тоҷикистонро ватани аслии хеш медонанд.
Б. САЛМОНОВ,
Рӯзноманигор


Баёни ақида (0)    Санаи нашр: 30.04.2018    №: 85    Мутолиа карданд: 405

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед