logo

маориф

ҲОЛИ МАОРИФ ДАР ВМКБ НИГАРОНКУНАНДА АСТ

Дар олимпиадаи ҷумҳуриявии хонандагони муассисаҳои таҳсилоти миёнаи умумӣ аз фанҳои таълимӣ, ки чанде пеш дар шаҳри Душанбе доир гардид, 24 нафар хонандаи шаҳру ноҳияҳои ВМКБ иштирок карданд. Мутаассифона, хонандагони  муассисаҳои таҳсилоти миёнаи умумии вилоят дар ин чорабинӣ ягон  ҷойи ифтихориро ба даст наоварданд.
Ин нуктаро Шодихон Ҷамшед, раиси вилоят  дар ҷаласае, ки бо иштироки роҳбарони идораву муассисаҳои вилоятӣ ва шаҳри  Хоруғ баргузор шуд, баён дошт.
Аз он изҳори нигаронӣ карда  шуд, ки кор бо хонандагони болаёқат дар вилоят ба ҳоли худ гузошта шуда, чанд соли охир дар ин самт ягон пешравӣ ба назар намерасад.  Раиси вилоят барои ислоҳи  камбудиҳо моҳи феврали соли ҷорӣ супоришҳои мушаххас дода буд. Вале то ба ҳол дар ин самт ягон амали раёсати маориф ва шуъбаҳои он ба мушоҳида намерасад. Бо хонандагони болаёқати муассисаҳои  таҳсилоти миёнаи умумӣ корҳои иловагӣ бурда  намешаванд. Онҳо дар доираи барномаи муассисаҳои таҳсилоти миёнаи умумӣ маҳдуд монда, барои рушди истеъдодашон омӯзгорони  ботаҷриба ҷалб нашудаанд. Ҳол он ки ба ин мақсад дар буҷети  соҳаи маориф маблағҳои махсус дар назар дошта шудаанд. Марказҳои рушди истеъдодҳо ва муассисаҳои таҳсилоти иловагии  вилоят бо муассисаҳои таҳсилоти умумӣ робитаи мустақим надоранд.
Натиҷаҳои бадастовардаи иштирокдорони даври вилоятии олимпиада бозгӯи он аст, ки ба он на хонандагони болаёқат, балки бо ҳар роҳу  восита иштирокчиёни тасодуфӣ роҳхат ба  даст меоранд. Бинобар ин, роҳбарияти раёсати маорифи вилоят супориш  гирифт, ки ҷиҳати ҷалби мутахассисони ботаҷриба бо ректори  Донишгоҳи давлатии Хоруғ, сарварони донишкадаҳои мустақар дар  вилоят шартномаи тарафайн ба имзо расонанд ва корро дар ин самт  ҷоннок намоянд.
Раиси вилоят дигар самтҳои хоҷагии вилоятро мавриди таҳлил  қарор дода, аз ҷумла ҷиҳати афзоиши қарздории андоз дар семоҳа  нисбат ба аввали соли 2018, ба мақомоти андози вилоят эрод гирифт. Боиси нигаронист, ки дар вилоят аз 41 корхонаи истеҳсолӣ дар  семоҳаи аввали соли ҷорӣ 18-тоашон тамоман фаъолият накарданд. Зикр гардид, ки  корхонаҳои дӯзандагии “Ахтари меҳр”- и ноҳияи Дарвоз ва “Ҳаёти  нав”- и шаҳри Хоруғ гӯё бо сабаби пайдо нагардидани харидор барои  маҳсулоташон ва набудани бино барои фаъолият аз кор мондаанд. Ин  дар ҳолест, ки барои хонандагони муассисаҳои   таҳсилоти миёнаи умумӣ либоси мактабӣ лозим аст ва онҳо либоси ягонаро бо нархи  гарон аз дигар минтақаҳои кишвару берун аз он дастрас мекунанд. Шодихон Ҷамшед дастур дод, ки ҷараёни сохтмони 27 коргоҳу  корхонаи истеҳсолие, ки соли равон бояд сохта, ба истифода дода шаванд, таҳти назорати қатъии масъулин қарор гирад.
Раҳмони ГУЛЗОР,
“Ҷумҳурият”


Баёни ақида (0)    Санаи нашр: 30.04.2018    №: 85    Мутолиа карданд: 708

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед