logo

ҳуқуқ

ТОҶИКИСТОН. МУБОРИЗИ ПЕШОҲАНГ БО ТЕРРОРИЗМ

Мавзӯи таҳдиди терроризм ва оқибату паёмадҳои даҳшатбори онро Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар чандин суханрониҳои хеш дар нишасту конфронсҳои сатҳи ҷаҳонӣ матраҳ намуда, ба тақвияти ҷабҳаи ягонаи мубориза бо ин зуҳуроти нангину пурхатари замони муосир таъкид кардаанд.
Ҷумҳурии Тоҷикистон бо дарки мушкилоту паёмадҳои вобаста ба доман паҳн намудани терроризм дар ҷодаи мубориза бо ин вабои аср мақоми пешсафиро ҳифз намуда, ҳамеша ҷонибдори муқовимати оштинопазир бо ин зуҳуроти фоҷиабори ҷомеаи муосир мебошад. Мизбонии Конфронси байналмилалии сатҳи баланд дар мавзӯи муборизаи муштарак бо терроризму ифротгароӣ ва тундгароии хушунатомез, ки дар ҳамкорӣ бо Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо ва дигар шарикони рушд рӯзҳои 3 - 4 май дар шаҳри Душанбе баргузор мегардад, баёнгари ҳамин воқеият аст.
Аз нигоҳи моҳият ва таъйинот терроризм василаи даҳшатафканӣ, эҷоди тарсу ваҳм буда, ба хароб намудани бунёди ҳуқуқии ҷомеа ва асли пойдори қонуният равона гардида, дар ҳама ҳолат харобӣ, маргу қурбонӣ ва ташаккули фазои бесуботӣ ва ноамниро дар пай дорад. Ҷумҳурии Тоҷикистон ҳамеша ба ташаккули ҷабҳаи ягонаи мубориза бо терроризм пойбанд буда, тақвият ва таҳкими ҳамкории байналмилалӣ дар ин самтро доимо зарур мешуморад.
Талоши тобиши динӣ додани омилу заминаҳои густариши терроризм, хусусан бо дини мубини ислом алоқаманд намудани решаҳои пайдоишу вусъати ин зуҳуроти манфиро низ борҳо Пешвои миллат пиндори хато шуморида, қотеона изҳор доштанд, ки «Террорист ватан, миллат ва дину мазҳаб надорад. Ин зуҳуроти фалокатбор ҳеҷ умумияте ба дин, аз ҷумла ба дини мубини ислом надорад ва бо истифода аз номи ислом ба хотири ҳадафҳои сиёҳу ғаразноки сиёсӣ содир карда мешавад. Ман ин масъаларо дар чорабиниҳои сатҳи олӣ, аз ҷумла аз минбари Созмони Милали Муттаҳид борҳо иброз дошта будам ва имрӯз бори дигар изҳор менамоям, ки номи неки исломро бо зуҳуроти даҳшатноку нафратовари терроризм олуда кардан иштибоҳи маҳз аст».
Дар самти мубориза бо терроризм ва ифротгароӣ ҳамчун зуҳуроти хатарнок ва падидаи нангин кишвари мо муборизаи пурсамар бурда, заминаи мукаммали ҳуқуқиро низ фароҳам овардааст, аз ҷумла қонунҳо «Дар бораи мубориза бар зидди экстремизм (ифротгароӣ)», «Дар бораи мубориза бар зидди терроризм», «Стратегияи миллии Ҷумҳурии Тоҷикистон оид ба муқовимат ба терроризм ва экстремизм барои солҳои 2016 – 2020».
Эътимоди комил дорем, ки баргузор шудани Конфронси байналмилалии сатҳи баланд дар мавзӯи муборизаи муштарак бо терроризму ифротгароӣ ва тундгароии хушунатомез дар пойтахти мамлакатамон ба ташаккули ҳамкории бисёрҷониба ва ҳамгироии глобалӣ дар мубориза бо ин зуҳуроти харобиовар мусоидат карда, симои Тоҷикистонро ҳамчун кишвари сулҳпарвар ва ҳомии арзишу рисолатҳои умумибашарӣ ба аҳли сайёра бори дигар ба таври шоиста муаррифӣ хоҳад сохт.
Мо, мардуми соҳибватани кишвари соҳибихтиёру озодамон бояд бо дарк ва шинохти возеҳу ба асли ҷаҳонбинии илмӣ асосёфтаи ҷараёнҳои сатҳи ҷаҳонӣ ва минтақавӣ ба қадр ва манзалати баланди муҳимтарин ва боарзиштарин дастоварди Истиқлолияти давлатӣ - суботу амният расида, бо муташаккилӣ ва ҳисси баланди ватандорию масъулиятшиносии миллӣ дар ҷодаи мубориза бо ҳамагуна хатарҳои ба мустақилиятамон таҳдидкунанда муттаҳиду ҳамсаф бошем.

Суҳроб Рўшанзода, раиси суди ноҳияи Синои шаҳри Душанбе


Баёни ақида (0)    Санаи нашр: 02.05.2018    №: 86    Мутолиа карданд: 389

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед