logo

сиёсат

ТОҶИКИСТОН ТАРҲИ МУБОРИЗАИ МУШТАРАК БО ТЕРРОРИЗМРО БА МИЁН МЕГУЗОРАД

Имрӯз дар шаҳри Душанбе Конфронси байналмилалии сатҳи баланд таҳти унвони “Муқовимат бо терроризм ва ифротгароии хушунатомез” оғоз гардид, ки ду рӯз идома хоҳад кард.

Тавре иттилоъ дода будем, ба манзури иштирок дар ин ҳамоиши сатҳи ҷаҳонӣ беш аз 400 намоянда аз 46 кишвари ҷаҳон, 30 созмони минтақавию байналмилалӣ ва, ҳамчунин, марказҳои илмиву тадқиқотӣ вориди Тоҷикистон шуданд.
Дар рӯзи аввали конфронс, роҳбарон ва намояндагони воломақоми умури хориҷӣ ва дигар сохторҳои соҳавии Федератсияи Русия, Иёлоти Муттаҳидаи Амрико, Ҷумҳурии Мардумии Чин, Қазоқистон, Қирғизистон, Ӯзбекистон, Туркманистон, Маҷористон, Швейтсария, Баҳрайн, Ҳиндустон, Арманистон, Испания, Олмон, Чехия, Эстония, Канада, Белгия, Словакия, Шведсия, Британияи Кабир, Украина, Корея, Япония, Индонезия, Эрон, Туркия, Афғонистон, Ироқ, Покистон, Қатар, Марокаш, Урдун, Кувайт, Умон, Алҷазоир, Сурия, Либия ва дигар кишварҳо дар Китобхонаи миллии Тоҷикистон вобаста ба тақвияти ҳамкорӣ ва ҳамоҳанги кишварҳо дар амри мубориза бо терроризму ифротгароӣ табодули назар карданд.
Дар доираи барномаи конфронс, нимаи дуюми рӯз чорабинии канории Иттиҳоди Аврупо зери унвони “Назари Иттиҳоди Аврупо ба муқовимат бо ифротгароии хушунатомез дар Осиёи Марказӣ ва фаротар аз он”, баргузор гардида, таваҷҷуҳи коршиносону таҳлилгаронро ба умдатарин масоили мавриди назар ҷалб намуд. Ҳамчунин, дар чорабинии канории СММ дар мавзӯи «Мусоидати СММ дар пешгирии ифротгароии хушунатомез: таҷрибаи мавҷуда» таҳкими ҳамкориҳои мутақобила оид ба ҷилавгирии амалиётҳои террористии фаромарзӣ, тавсеаи заминаи ҳуқуқии таҳкими минбаъдаи ҳамкориҳо барои муқовимат бо терроризм миёни кишварҳо мавриди баррасӣ қарор гирифтанд.
Тарҳи ин ҳамоиши сатҳи ҷаҳонӣ, ки дар доираи амалӣ намудани иқдомоти байналмилалии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси Ҳукумати Ҷумҳурии Тоҷикистон ва мушорикати Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо ба миён омад, баёнгари мавқеи устувор ва иродаи сиёсии Роҳбарияти олии кишвари мо дар амри мубориза бо ин вабои аср аст.
Дар ҳоле ки Конфронси байналмилалии сатҳи баланд дар шаҳри Душанбе ҷараён дорад, Ҷумҳурии Тоҷикистон ҳамчун кишвари мизбон мавриди таваҷҷуҳи ҷомеаи ҷаҳон қарор гирифтааст. Дар пасманзари натиҷаҳои конфронс таҳлилгарон ба ин боваранд, ки ҳамоиши мазкур дар фароҳам овардани замина барои муколамаи фарогир ва ҳамкории тарафҳои манфиатдор бо мақсади  табодули таҷриба ва таҳияи амалҳои дақиқ барои фаъолияти  минбаъдаи  муштараку ҳамоҳангшуда дар чорчӯби мубориза ба таҳдиду хатарҳои муосир аҳамияти фавқулода муҳим хоҳад дошт.
Фирӯзи РАҲМОНИЁН,
“Ҷумҳурият”


Баёни ақида (0)    Санаи нашр: 03.05.2018    №: 87    Мутолиа карданд: 229

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед