logo

фарҳанг

2018 БАРОИ РУШДИ САЙЁҲӢ ВА ҲУНАРҲОИ МАРДУМӢ ЗАМИНАҲОИ ВОҚЕӢ МАВҶУДАНД

Мусаллам аст, ки табиати нотакрори Тоҷикистони маҳбуб бо манзараҳои дилфиреби афсонавӣ, чашмасорони софу зулол, гулу гиёҳҳои шифобахш, дарахтони ҳамешасабз, ёдгориҳои таърихӣ - фарҳангӣ ва, ҳамчунин, бо ҳунарҳои дастони пурэъҷози мардумӣ дар тамоми давраҳои таърихӣ таваҷҷуҳи оламиёнро ба худ ҷалб менамояд.
Бахусус, тайи солҳои охир дар натиҷаи сиёсати созанда ва бунёдкоронаи  Пешвои миллат пойтахти азизи кишварамон – шаҳри Душанбе ба гулбоғи ҳақиқӣ табдил ёфтааст. Дар он иморатҳои нави замонавӣ қомат афрохта, боғоту гулистонҳо бунёд ёфтаанд, марказҳои нав ба нави фарҳангию хизматрасонӣ мавриди баҳрабардорӣ қарор гирифтанд. Аксари иморатҳои муосир бо санъати меъмории миллии қадима сохта шудаанд, ки аз эҳёи ҳунарҳои аҷдодӣ дар даврони Истиқлолияти давлатии кишвар шаҳодат медиҳанд. Боиси ифтихор аст, ки таҳти сарпарастии раиси шаҳри Душанбе Рустами Эмомалӣ имсол дар пойтахт тибқи Нақшаи чорабиниҳои Соли рушди сайёҳӣ ва ҳунарҳои мардумӣ, фестивали «Наврӯз – мероси фарҳангии сайёҳӣ» баргузор шуд, ки дар он сайёҳони хориҷӣ барои ширкат дар таҷлили Иди байналмилалии Наврӯз ба ҷумҳуриамон ташриф оварда, бо дастовардҳои истиқлолият, марказҳои фарҳангӣ, маҳсули дастони пурэъҷози ҳунармандони мардумӣ, ёдгориҳои таърихӣ ва манзараҳои марғуби кишвар аз наздик ошноӣ пайдо карданд.
Дар баробари ин, ёдгориҳои таърихӣ ва фарҳангӣ, ки дар ҳудуди Тоҷикистон воқеанд, мо - насли имрӯзу ояндаро водор месозад, ки аз гузаштагони худ, ғановати мероси фарҳангии миллӣ гаштаю баргашта ифтихор созем, онҳоро арҷгузорӣ ва чун гавҳараки чашм ҳифз намоем. Тибқи маълумотҳо, дар Тоҷикистон зиёда аз 2000 ёдгории таърихӣ, археологӣ, меъморӣ ва фарҳангии дорои аҳамияти байналмилалӣ ба қайд гирифта шуда, аксари онҳо, ба монанди Саразм, Мақбараи Рӯдакӣ, Панҷакенти Қадим, Бунҷикат - пойтахти Истаравшан, Қалъаи Ҳисор, Дайри буддои Аҷинатеппа, Тахти Сангин, Ҳулбук, Мақбараи Мир Сайид Алии Ҳамадонӣ, Қалъаи Ямчун, барҳақ шуҳрати ҷаҳонӣ пайдо кардаанд. Ҳамасола ҳазорон нафар сайёҳон, аз он ҷумла сайёҳони хориҷӣ ба тамошои мероси беназири тоҷикон ва табиати Тоҷикистони ҳамешабаҳор ба кишвари мо ташриф меоранд.
Боиси зикри хос аст, ки тоҷикон табиатан мардуми ҳунарманд буда, дар тамоми давру замон бо маҳсули ҳунари худ шуҳрати беандоза доштанд. Косибон, кулолгарон, заргарон, чеварон, таббохон, дуредгарон, косаю табақтарошон, чармгарон ва дигарон нозукиҳои касбро аз гузаштагони худ меомӯхтанд ва аз насл ба насл мерос мегузоштанд. Ин ҳунарҳо имрӯз низ дар гӯшаю канори кишварамон, бахусус дар деҳот, аз нав эҳё гашта, суннатҳои миллии аҷдодӣ ҳифз карда мешаванд. Ғановати ҳунарҳои мардумӣ ҳамасола ҳангоми таҷлили  идҳои миллии Наврӯзи оламафрӯз, Меҳргону Сада тавассути оростани дастархони идона, намоиши маҳсулоти кишоварзӣ, гулу гулбуттаҳо, намунаҳои ҳунарҳои дуредгарию дӯзандагӣ ва ғайра бармало ба чашм мерасанд.
Як нуктаро таъкид кардан ба маврид аст, ки ривоҷу равнақи соҳаи сайру саёҳат, бахусус дар шароити деҳоти кӯҳистон хеле аҳамиятнок аст. Дар ин замина, барои рушди соҳибкорӣ, сохтмони роҳҳо, иншооти гуногуни иҷтимоӣ, баргузории чорабиниҳо ва дар ниҳояти кор, ба пешрафти ҳунарҳои мардумӣ, фазои мусоид фароҳам оварда мешаванд.
Ҳамин тавр, дар Тоҷикистон барои иҷрои Нақшаи чорабиниҳои Соли рушди сайёҳӣ ва ҳунарҳои мардумӣ, ки аз ҷониби Пешвои миллат тасдиқ гардидааст, заминаҳои воқеӣ мавҷуданд, ки онҳо дурнамои ҳадафҳои ниҳоӣ - таъсиси ҷойҳои нави корӣ, баланд бардоштани сатҳи зиндагии мардум ва ба ҷаҳониён муаррифӣ намудани таъриху фарҳанг, табиат ва анъанаҳои миллиро таъмин месозанд.      
Р. ҚОСИМОВА,
дотсент, номзади илмҳои сиёсӣ, кафедраи сиёсатшиносии
Донишгоҳи давлатии омӯзгории Тоҷикистон  ба номи Садриддин Айнӣ
Ҳ. ҲАМИДЗОДА,
унвонҷӯи кафедраи сиёсатшиносии 
Донишгоҳи давлатии омӯзгории Тоҷикистон ба номи Садриддин Айнӣ


Баёни ақида (0)    Санаи нашр: 04.05.2018    №: 88    Мутолиа карданд: 356

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед