logo

фарҳанг

"АСКАРОНИ ҚАТОРӢ" ДАР САҲНАИ ТЕАТРИ ҶАВОНОН

Таҷассуми бадеии симои фарзандони Ватан, ки барои дифоъ аз он силоҳ ба даст гирифтаанд, мавзӯест, ки дар тӯли беш аз ним аср таваҷҷуҳи ҳунармандону эҷодкорони шӯравӣ ва пасошӯравиро ба гунае вижа ҷалб мекунад ва чандин насли ҳунармандон дар ин замина эҷод намудаанд. Сафҳаҳои Ҷанги дувуми ҷаҳон саршор аз корномаҳои қаҳрамонист. Дар бархе аз намоишҳо шуҷоати мардуми шӯравӣ дар майдони набард ва дар бархе дигар, фидокориҳои беназири мардум дар ақибгоҳ бозтоб меёфтанд. Пажӯҳиши пайвастаи ҳунарӣ дар баробари комёбиҳо, бо баъзе нуқсу кӯтоҳиҳое низ ҳамроҳ буда, ниёз ба ироаи осори воқеънигорона дар бораи мудҳиштарин ҷанги таърих ҳамчунон боқист ва он ҷузъе аз рисолати театр ва поси ёди дифоъгарони сарсупурдаи меҳанро ташкил медиҳад.
Театрҳои пойтахт инъикоси воқеаҳои ин набардро бо масъулиятшиносӣ идома медиҳанд. Дар Театри давлатии академии драмаи ба номи Абулқосим Лоҳутӣ намоишномаи «Ориёӣ» - и Сафармуҳаммад Айюбӣ таҳия гардид. Асари мазкур аз зиндагии маъмури иттилоотие бо тахаллуси «Ориёӣ» ҳикоят менамояд, ки тоҷик аст ва дар ақибгоҳи душман барои Ватан хидмат мекунад. Театри драмаи русии ба номи Владимир Маяковский намоиши «Маро тарк макун» - и А. Дударевро рӯйи саҳна овард. Бо вуҷуди сабки маъмулии инъикоси воқеаҳои замони ҷанг дар намоиши Театри ба номи Лоҳутӣ ва ҳаллу фасли шартии мавзӯъ дар намоиши Театри ба номи Маяковский (таҳияи Б. Миралибеков), асарҳои ҳунарии мазкур дастовардҳо ва ёфтаҳои тозае дар бозтоби яке аз муҳимтарин мавзӯъҳои театри нимаи дувуми қарни ХХ - ро ба бор оварданд.
 «Аскарони қаторӣ» - и Нозим Меликов мусаввараи ҷанг ва даҳшатҳои он нест, балки пажӯҳише дар рафтори инсон ҳангоми сахттарин озмоишу имтиҳони иродаву истеҳком аст. Дар ин намоиш масъалаи инсондӯстӣ хеле хос ва амиқ матраҳ гардида, бар мабнои асноду матолибе аз таърихи ҷанг, мушкилоти ҷиддии одобу ахлоқ шарҳу таъбир ёфтаанд.
Хуршед Пиров, рассоми таҳиягари намоиш, аз дидгоҳи муштарак бо навъи биниши коргардон, фазои саҳнаи намоишро ба шакле фароҳам намудааст, ки ҳама таркибҳои он пайваста дар ҳоли ҳаракатанд ва дар ҷараёни тамоми намоиш онҳоро рӯйи саҳна аз ҷое ба ҷое интиқол медиҳанд.
Монологи Дарвоед дар иҷрои Абдулмуъмин Шарифӣ, ки гӯши ҷонро ба ларза меорад, дар пояи девори хонае харобшуда ва тирезаҳои боз ба сӯйи олами ҷовидонӣ ба забон оварда мешавад. Дар ибодатгоҳи харобшуда Солянник – Ашӯр Ғуломовро дар ҳоли эътироф ба розҳои нуҳуфта мебинем. Суҳроб Ҷанҷолов нақши сарбозеро офаридааст, ки танҳову шикастарӯҳ аст. Бад - ин гуна, рӯйи саҳна қаҳрамонон, ҳар як бо кӯлборе аз сахтиҳову душвориҳо ва сарнавишти худ, ранҷдидаву озурда аз ҷанг, дар ҳаракатанд.
Дугин дар иҷрои Бунёд Комилов марди асилу содиқ аст, Пятнишка - Диловар Неъматов ҷавонест самимӣ ва содадил, Люся дар иҷрои Шогун Давлатбекова қаҳрамонест ранҷдида, аммо қавиирода, зани куҳансол дар иҷрои Асалбегим Саодатова хирадманду қавиирода аст, ки дар ёди тамошобин нақш мебанданд. 
Н. Меликов кӯшидааст бо дар назар гирифтани паҳлуҳои қавии намоишнома, ба ҷиҳатҳои заифи он низ бипардозад ва онҳоро зери заррабини зеҳн барҷастатар намоёнад. Сарбозони Артиши шӯравӣ, ки бо шароити сангинтарин рӯ ба рӯ омадаанд, аз нигоҳи равоншинохтии амиқ тасвир гардидаанд. Печу хами амалиёти ҷанг куллан аз нигоҳи ахлоқӣ баррасӣ шудааст. Сарнавишти қаҳрамонҳои намоиш гуногун аст, тақрибан ҳамаи онҳо на ба зудӣ худро дар мавқеи сарбоз мебинанд; онҳо, ки дар оғози ҷанг зиндагии осуда доштанд, ҳеҷ омодагие ба чунин ҷараёни ҳаводис надоранд ва тасаввур ҳам накарда буданд. Нахустин бархӯрдҳо бо душман мудҳиштар аз ҳар чиз буд, вале онҳо дар худ неруи муқовимат ба душман пайдо мекунанд ва вазъияти зиндагӣ барои монданашон мусоид меояд. Дар намоиши мазкур, сарфи назар аз он, ки саҳнаҳои бархӯрду набарди мустақими сарбозон бо душман мавҷуд нест, муборизаи рӯҳӣ бо фашизм бисёр рӯшан инъикос ёфтааст.
Дар ин комёбии театр, бегумон, тамаркузи беҳтарин неруҳои офаринанда, шавқу дилгармии ҳунармандони ҷавон, ҳусни тафоҳуми миёни онҳо ва коргардонро аз омилҳои аслӣ ва муассир бояд донист. Ин дастовард барои идомаи фаъолияти коргардонии Н. Меликов моро хушбин кард. 
Муҳаммадуллоҳи ТАБАРӢ,
«Ҷумҳурият»


Баёни ақида (0)    Санаи нашр: 07.05.2018    №: 89    Мутолиа карданд: 335

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед