logo

иҷтимоиёт

ҶБВ. КОРНОМАҲО ДАР ОИНАИ ТАЪРИХ

Таърих нақши Тоҷикистонро дар таъмини Ғалаба бар фашизм аз ёд нахоҳад бурд. Зеро дар Ҷанги Бузурги Ватанӣ аз кишвари мо зиёда аз 300 ҳазор сарбоз ба майдони муҳориба рафта, 92 ҳазор ҳалок шуд. Ҳамзамон, аз ҷониби меҳнаткашони ҷумҳурӣ мунтазам ба фронт ҳар гуна маҳсулот фиристода мешуд.
Аз шаҳри Панҷакент 5785 нафар ба майдонҳои набард, ба сафи Артиши Шӯравӣ фиристода шуд. Аз ин шумора қариб 2400 нафар ба ҳалокат расида, 1657 нафар ба зодгоҳ баргашт, ки аксарият захмӣ ва маъюб буданд. Онҳо дар майдонҳои набард ҷасорат ва корнамоиҳо нишон дода, сазовори ордену медалҳои ҷангӣ, ифтихорномаҳо ва ду нафар ба гирифтани унвони олии Қаҳрамони Иттиҳоди Шӯравӣ қадр гардиданд.
Осорхонаи ҷумҳуриявии таърихию кишваршиносии ба номи Абуабдуллоҳи Рӯдакӣ, ки фаъолияти асосиаш аз гирдоварӣ, ҳифз ва ба маъраз гузоштани ашёи осорхонавӣ ва рӯйдодҳои таърихӣ мебошад, дар давоми 60 соли фаъолияташ ёдгориҳои ин ҷавонмардони қаҳрамон, аз қабили аксҳои иштирокчиён, лаҳзаҳои муҳориба ва ҷашнгирии Ғалаба, либосҳо ва зарфҳои ҷанговарон, медалҳо, ордену ҳуҷҷатҳоро гирдоварӣ намуда, ба маъраз гузоштааст. Ғайр аз он, китоби «Ғолибон», ки ба қалами нависанда Луқмон Қурбон тааллуқ дорад ба маъраз гузошта шудааст, ки дар он оид ба корнамоиҳои навад дарсади ҷанговароне, ки аз Панҷакент ба фронт рафта буданд, маълумот гирдоварӣ шудааст.
Қобили зикр аст, ки соли 2016 директори осорхона Ф. Рофиева дар озмуни «Интер - музей 2016», ки дар шаҳри Маскав баргузор гардида буд, иштирок намуда, ҳангоми вохӯрӣ бо намояндагони Беларус аз онҳо ду дона тир ва ду пораи девори Қалъаи Брестро (ҳамон Қалъаи Брест, ки дар рӯзҳои аввалини ҷанг дар он ҷо муҳорибаи сахт шуда буд) ба осорхона туҳфа овард.
Ҳар як тамошобин бо чашми худ ин ашёҳоро дида, он рӯзҳои мудҳишро тасаввур менамояд ва бештар аз зиндагии хушу осудаҳолона ва ободию шукуфоии Тоҷикистони соҳибистиқлол шукрона мекунад. Барои наврасон тамошои ашёҳои замони ҷангии ба намоиш гузошташуда ҷолибтар аст. Чунки тасаввуроти наврасон аз рӯи нақлҳои роҳбаладони осорхона дигар гашта, ҳисси меҳанпарастиву ватандӯстии онҳо баланд бардошта мешавад. Ба ёд овардани хизматҳо ва ҷоннисориҳои иштирокчиёни ин ҷанг қарзи ҳар як шаҳрванди соҳибдилу равшанзамир мебошад.
Солҳо мегузаранд, вале корнамоиҳо ва ҷоннисориҳои ин мардони набард ба монанди Усмон Нуъмонов, Сироҷиддин Мукаррамов, Аҳмад Саидов, Вафо Бозоров, Мирбобо Бобобеков, Бердӣ Азимов ва дигарон ҳеҷ гоҳ аз хотирҳо фаромӯш намешаванд ва чароғи хотираи онҳо абадан фурӯзон хоҳад монд.
М. ҒАНИЕВА,
мудири шуъбаи таърихи Осорхонаи ба номи Абуабдуллоҳи Рӯдакии шаҳри Панҷакент


Баёни ақида (0)    Санаи нашр: 07.05.2018    №: 89    Мутолиа карданд: 565
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед