logo

фарҳанг

ЁДНОМАИ ФАРЗАНДОНИ ДИЛОВАРИ ТОҶИК

(Дар ҳошияи китоби Умари Шерхон. Пурдил. – Душанбе: Шарқи озод, 2015. – 448 с.)
Умари Шерхон рӯзгор ва диловарии ҷавонмардони тоҷикро, ки дар размгоҳҳои Ҷанги Бузурги Ватании солҳои 1941 - 1945 баҳри дифои Ватан аз фашизми Олмон ҷон дар каф мубориза бурдаанд, мавриди омӯзиш қарор дода, ҳосили онро дар шакли китоб ба табъ расонд.
Ин китоб «Пурдил» ном дошта, аз ду фасл: «Хотира берун аз иродати ҳақ аст» ва «Аз изтироб то нӯшбод» иборат мебошад. Унвони китоб ба мундариҷаи нигоштаҳо ва хислату рафтори қаҳрамонони он басо мувофиқ омадааст. Воқеан, тамоми қаҳрамонони асар ҷасуру далер ва дар роҳи ҳифзи ватан ва ободии он ҷоннисоранд. Инҳо собиқадорони ҷангу меҳнат Неъмат Қарабоев, Исмат Шарифов, Сафар Амиршоев, Ҳаким Мирисматов, Ҳасан Тағоев, Бозори Нағзибек,  Ғаюр Сафаров, Ашӯр Акобиров, Одина Салим ва дигарон мебошанд, ки имрӯз аксарашон дар қайди ҳаёт нестанд. Зумрае дар муборизаҳои зидди душман шаҳид шудаанду зумраи дигар баъд аз ҷанг ба ҳаёти осоишта баргашта, бо меҳнати созандаи худ дар пешрафти соҳаҳои гуногуни хоҷагии халқ низ ҷонбозиҳо намудаанд.
Қаҳрамонҳои асар аз деҳоти гуногуни Тоҷикистонанд. Муаллиф дар шинохти онҳо хеле талош кардааст, бо баъзеашон ҳамсуҳбатӣ насибаш гардида, баъзе лаҳзаҳои ҳаёташонро бевосита мушоҳида намуда, дар бораашон маводи зиёди таърихиву ҳуҷҷатӣ ҷамъ овардааст. Бо истифодаи ҳамаи ин имкон нигоштаҳои ӯ ҷанбаи воқеӣ, ҳақиқати ҳол, маълумоти тарҷумаиҳолӣ, факту далелҳои рақамӣ ва оҳанги иҷтимоӣ афзалият пайдо мекунад ва чеҳраи аслии фарзандони шуҷоатманди ватан ҷилвагар мешавад. Дар баробари ин, нигоранда барои ҷолибияти сухан ва муассирии гуфтор аз тасвирҳои публитсистӣ ва мисраъҳои шеърии гуногун истифода мебарад, ки дар хонданбоб гардидани асарҳо бе таъсир намондааст. Ба ибораи дигар, ҳамбастагии воқеияти ҳақиқӣ, асноди таърихӣ ва маърифату тахайюли муаллиф боис гардида, ки ин корнамоиҳо дар шакли образҳои мукаммали публитсистӣ зуҳур ёбанд.
Фасли дуюми асар хусусияти қомусӣ дорад. Дар он доир ба фарзандони диловари тоҷик қаҳрамонони Иттифоқи Советӣ Домулло Азизов, Сафар Амиршоев, Фатҳулло Аҳмадов, Урунбек Ёқубов, Ҳодӣ Кенҷаев, Неъмат Қарабоев, Ҳайдар Қосимов ва дигарон маълумот дода шудааст. Китоб ба омӯзгорони ҷавон, ки тарбияи насли наврасро ба дӯш доранд, дар роҳи тарбияи ҳисси ватандӯстиву арҷгузорӣ ба меҳнат ҳамчун манбаи пурғановат метавонад хидмат кунад.
«Пурдил» на танҳо аз корнамоиҳо ва ҷоннисориҳои фарзандони диловари тоҷик нақл мекунад, балки баъзе мақолоти он ҷанбаи таҳқиқӣ низ доранд. Муаллиф кӯшиш намудааст, ки дар баробари ба маълумоти маъмул иктифо намудан иттилооти навро ҷустуҷӯ намояд. Аз ҷумла, мутолиаи китоб нишон медиҳад, ки «Дар ҷанги зидди фашистони гитлерӣ аз Тоҷикистон зиёда аз 300 ҳазор нафар ҷавонмардон баҳри дифои давлати хеш бархостаанд. Баъди ҷанг наздики 100 ҳазор нафар ба зодбуми хеш барнагаштанд, 66 нафар Қаҳрамони Иттифоқи Советӣ шудаанд, 22 нафар ба се дараҷаи ордени «Шараф» қадр гардидаанд.
Ин асар хусусияти хос дорад, дар он на танҳо бо корнамоиҳои ҷанговарони тоҷик ва комёбиҳои меҳнатии ҷанговарони собиқ шинос мешавем, балки доир ба вазъияти солҳои ҷанг, омодагии ҳарбии артиши шӯравӣ, мафҳумҳои марбут ба артиш, таъсиси мукофотҳои ҷангӣ, тантанаҳои ғалаба, сухани табрикии  пешвоёни артиш ва амсоли ин маълумоти фаровонеро метавон пайдо кард.
«Пурдил»-ро китоби ҷангнома метавон номид, ҷангномае, ки аз шарафу номуси ватандории гузаштагон нақл мекунад, ба корнамоиҳои эшон эҳтиром мегузорад, далериву шуҷоатмандӣ ва бошарафию ҳимматбаландиро талқин месозад, шукргузорӣ ба зиндагии осоиштаро ҳушдор медиҳад.
Мурод МУРОДӢ,
Профессор


Баёни ақида (0)    Санаи нашр: 07.05.2018    №: 89    Мутолиа карданд: 439

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед