logo

туризм

САЙЁҲӢ. ИМТИЁЗҲОИ АНДОЗӢ САМАР МЕОРАНД

Сайёҳӣ яке аз сердаромадтарин бахшҳои иқтисоди миллии кишварҳои ҷаҳон ба ҳисоб рафта, аз лиҳози фоидаи соф ба соҳаи фурӯши нафту газ рақобат дорад. Ҷумҳурии Тоҷикистон дорои имконоти фарохи рушди сайёҳӣ мебошад ва барои муаррифии онҳо ҷиҳати ҷалби сайёҳон тайи солҳои охир талошҳои зиёд ба харҷ медиҳад. Фароҳам овардани шароиту имкониятҳо ҷиҳати рушди соҳа, хусусан имтиёзҳо ва сабукиҳо барои сайёҳон ва ширкатҳои сайёҳӣ,  ба рушди соҳа мусоидат мекунад.
Ҳукумати Ҷумҳурии Тоҷикистон бо ин мақсад заминаҳои меъёрии ҳуқуқии дахлдор фароҳам овардааст. Фаъолияти  субъектҳои хизматрасонии сайёҳӣ тибқи низоми содагардондашуда танзим мегардад, ки барои  кори босамари ширкату корхонаҳои соҳа аз чораҳои муҳим ба ҳисоб меравад. Аз пардохтҳои андозу гумрук озод гардидани воридоти таҷҳизот ва масолеҳи сохтмонӣ барои бунёди иншооти сайёҳӣ, аз пардохти андоз аз фоида озод гардидани ширкатҳои сайёҳӣ дар панҷ соли аввали фаъолият, ташаккул ёфтани низоми содакардашудаи раводид  ва шабакаи ягонаи электронӣ барои шаҳрвандони 80 давлати ҷаҳон ва муқаррар гардидани беш аз 10 имтиёзи дорои хусусияти иҷтимоию иқтисодӣ дар доираи Қонуни Ҷумҳурии Тоҷикистон «Дар бораи сайёҳии дохилӣ» аз ҷумлаи тадбирҳои муҳиме мебошанд, ки ба хотири рушди соҳаи сайёҳӣ дар кишвар андешида шудаанд.
Андоз сарчашмаи ғанӣ сохтани буҷети кишвар аст. Аммо кам кардани ҳаҷми он дар фаъолияти субъектҳои хоҷагидори сайёҳӣ маънои коҳиш ёфтани даромад аз андозро надорад. Баръакс, ба василаи сабук сохтани пардохти андоз дар ҷодаи туризм шумораи андозсупорандагон афзуда, мушкилоти қарздорӣ аз андоз боқӣ намемонад. Ҳазорҳо ҷойи кор фароҳам меояд ва аз ин ҳисоб ҳаҷми пардохти андози иҷтимоӣ низ ба маротиб зиёд мегардад. Дар натиҷаи зиёд гардидани хизматрасониҳои туристӣ истеҳсоли дохилии маҳсулоти хӯрокворӣ, либос ва мебелу таҷҳизот низ рушд меёбад. Ин раванд дар навбати аввал ба бештар гардидани теъдоди корхонаҳои саноатии ватанӣ мусоидат менамояд. 
Аҳамияти дигари имтиёзҳои андози Ҳукумати Ҷумҳурии Тоҷикистон дар он аст, ки инфрасохтори муосири хизматрасонии сайёҳӣ аз ҷониби ташкилоту ширкатҳо ва сармоягузорон дар кӯтоҳтарин муддат бунёд ва ташаккул меёбанд.
Коршиносони байналмилалии соҳа эътироф кардаанд, ки Ҷумҳурии Тоҷикистон дар ҷодаи фароҳам овардани шароиту имтиёзҳо ба хотири пешрафти  бозори сайёҳӣ, ҳифзи ҳуқуқу манфиатҳои сайёҳон ва субъектҳои хизматрасонии сайёҳӣ, баланд бардоштани маърифати сайёҳии ҷомеа, мусоидат ба рушди иқтисодиёти миллӣ ва беҳсозии вазъи иҷтимоии шаҳрвандон қадамҳои устувор мегузорад.
Гулнор МАЛИКОВА,
магистри Донишгоҳи славянии Тоҷикистону Русия


Баёни ақида (0)    Санаи нашр: 08.05.2018    №: 90    Мутолиа карданд: 358

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед