logo

иҷтимоиёт

ҚАРСИБОЙ СПАТАЕВ: "Ё БО ҒАЛАБА БАРМЕГАРДАМ, Ё ҲАМЧУН ҚАҲРАМОН МЕМИРАМ"

«Қарсибой ихтиёран ба сафи Армияи Сурх рафт. Вай аз комиссариати ҳарбӣ даъватнома нагирифта буд. Мардуми авул ба ӯ мегуфтанд: «Марав Қарсибой, дар колхоз кор кардан гир».
Қарсибой гуфт:
«Дар хона (дашт) будан наметавон. Ман бояд сурхаскар (қизиласкар) шавам. Ё бо ғалаба бармегардам, ё ҳамчун қаҳрамон мемирам»…
Иқтибос аз ёддошти ҳамдеҳаи қаҳрамон
Таукул   ЕСНАЗАРОВА

Ҳафтае қабл матлаби муҳаққиқи тоҷик Ғафур Шерматов ба дастам афтод, ки аз рӯзгори қаҳрамонони Иттифоқи Советӣ аз Тоҷикистон қисса мекунад. Бо завқ хондам, ҳама чеҳраҳои шинос, вале аз рӯйхати пешниҳодкардаи муаллиф якеро нашнохтам - Қарсибой Спатаев.
Ҳамин як маълумоти мухтасаре, ки муҳаққиқ дар матлаб овардааст, пештар ҷои дигар надидаву нахондаам, хеле аҷиб аст: «Қарсибой Спатаев (15.4.1918 – 26.11.1942), тирпуркунандаи миномёти батареяи 2-юми дивизиони алоҳидаи 13-уми савораи фронти Ҷанубӣ, аскари қаторӣ.
Дар Армияи Сурх аз моҳи марти соли  1942. Дар армияи амалкунанда аз моҳи ноябри соли 1942».
Саҳнаи қаҳрамонии Спатаеви диловар 26 ноябри соли 1942 дар маҳали аҳолинишини Шарнутовский ба вуқӯъ пайваст. Дар он рӯз ба батареяи онҳо аз се тараф 36 танк бо пиёдагардони бешумори немис, ки сарупо мусаллаҳ буданд, ҳуҷум карданд. Аз зарби тиру туфанг замину замон гӯё меларзид. Мубориза нобаробар буд. Бартарияти лашкари аду нисбат ба аскарони сурх бармало мушоҳида мешуд. Спатаев дар қатори ҳамсангарони худ ҷасурона муқобилият нишон медод, чашми тарс надоштанд, хуб медонистанд, ки пушти онҳо Ватан-Модар меистад. Муҳориба шиддат мегирифт, тиру туфанг ба танкҳои душман камтар асар мекард, талафоти аскарони сурх бошад, торафт бештар мешуд. Ниҳоят душман рахна зад ва хатари маҳви батарея пеш омад. Дар ҳамин лаҳза Қарсибой минае дар бағал  аз хандақ берун омад ва худро зери танк партофт. Фурсате нагузашта алангаи оташи танки душман ба осмон печид… Қарсибой бо қимати ҷони ҷавонаш пирӯзии ҳамсафони худро дар  ин муҳорибаи шадиду нобаробар таъмин намуд.
17 апрели соли 1943 бо Фармони Президиуми Шӯрои Олии СССР барои нишон додани қаҳрамонӣ ва шуҷоат ба Қарсибой Спатаев (пас аз марг) унвони Қаҳрамони Иттифоқи Советӣ дода шуд...
Воқеан, шояд кам нафароне огоҳ бошанд, ки дивизияи 61-уми савора, ки қаҳрамони мо Қарсибой Спатаев дар ҳайати он ҷангидааст, дар Ҷумҳурии Тоҷикистон, шаҳри Сталинобод (ҳоло Душанбе) ташкил шудааст. Соли 1942 таъсисёбии дивизияи 61-уми савора ҳамоно ҷараён дошт: полки 219-уми савора дар Сталинобод, полки 213-уми савора дар Кӯлоб ва полки 222-юми савора дар Қӯрғонтеппа (ҳозира Бохтар).
Моҳи августи соли 1942 дар наздикии шаҳри Сталинобод (ноҳияи Ҳисор)  машқҳои савора доир гашт, ки дар он котиби якуми ВКП (б) Тоҷикистон Дмитрий Протопопов ва дигар роҳбарони сатҳи аввали ҷумҳурӣ ширкат варзида буданд. Машқҳо таҳти роҳбарии фармондеҳи корпуси 4-уми савора генерал-лейтенант Т. Шапкин гузашт.
Миёнаи моҳи сентябри соли 1942 ниҳоят дивизия фармони ҳаракат дар ҷабҳаро гирифт. Оғози боркунӣ ба эшалонҳо 21 сентябри соли 1942 сурат гирифт ва онҳо беш аз 20 рӯз, бо душвориҳои зиёд, ба хати фронт расиданд... Таърих гувоҳ аст, ки корнамоиҳои ҳайати дивизияи мазкур дар саҳифаҳои Ҷанги Бузурги Ватанӣ барои ҷовидонӣ сабт шудааст. 
Муҳаққиқи хушкор Ғафур Шерматов низ ба ҳамин хотир Қарсибой Спатаевро, ки узви амалкунандаи дивизияи 61-уми савора, қаҳрамоне аз Тоҷикистон шумурдааст. Бигузор чунин бошад. Зеро аз дивизияҳои саворае, ки аз Тоҷикистон ба ҷабҳаҳои Ҷанги Бузурги Ватанӣ рафтаанд, сарбозони диловараш амсоли Боқир Давлатов, Александр Гордеев ва дигарон ба унвони баланди Қаҳрамони Иттифоқи Советӣ мушарраф гаштаанд.

НИЁИШ
Модари қаҳрамон Ҷекепар мегирист, ҳамсари ӯ Бибиосия низ мегирист. Ин на танҳо ашки ғаму андуҳ, балки ашки ифтихор ҳам буд. «Қарсибой, - мегуфт Ҷекепар, - васияти халқашро нашикаст. Бесабаб ман шоҳини даштиро напарвардаам. Фарзандони дигари ман – ғаму андуҳи модарро дар сурб рехта қасоси Қарсибойро мегиранд».
Умари ШЕРХОН,
Публитсист


Баёни ақида (0)    Санаи нашр: 08.05.2018    №: 90    Мутолиа карданд: 588
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед