logo

фарҳанг

НОМАШ ДАР САҲИФАИ ДИЛҲОСТ

Он рӯзҳои мудҳиш, ки барои мардуми собиқ Иттиҳоди Шӯравӣ  фоҷиаи даҳшатбору даҳшантангез ва басо вазнину  пур аз ҳаводиси  гӯшношунид буд, ҳеҷ гоҳ аз ёдҳо зудуда ва захмаш аз дилҳо нарафтааст.
Он ҷангро дар таърих ҳамто набуд,
Ҷанги хунину бераҳмона буд.

Оре, сухан дар бораи Ҷанги Бузурги Ватанӣ меравад. Ин ҷанг ҷони миллионҳо нафар ҷавонмардони  далеру шуҷоъро ба коми худ кашид, садҳо шаҳру деҳотро хароб, ҳазорон оиларо бесаробон, садҳо ҳазор кӯдакро  бепарастору бехонаю ҷой кард. Ин амали бераҳмонаи  фашистони хунхор бе ҷавоб намонд. Садҳо ҳазор нафар барои  ҳимояи Ватан бархостанд.
Ҷавонони бонангу номуси тоҷик низ дар муҳорибаҳои шадид ҷон ба каф гирифта,  корнамоиҳои  бемислу монанд  нишон доданд. Барои  озодӣ ва наҷоти  халқҳои  гуногун аз асорати фашизм мубориза  бурданд.
Муқим Набиев аз зумраи чунин  шахсони  баору номус буд. Ӯ соли 1920 дар деҳаи Порвоғи вилояти Ғарм (ҳозира ноҳияи Рашт) ба дунё омадааст. Таҳсилро низ дар ҳамин деҳа  гирифт. Ҳушёру зирак ва кунҷкоб буд. Ҳамеша ба дарсҳо бо тайёрӣ меомад. Ин буд, ки баъди хатми муассиса ӯро чун хонандаи болаёқат барои идомаи таҳсил ба Институти  муаллимтайёркунии шаҳри Тошканд фиристоданд. Таҳсилро бомуваффақият ба анҷом расонд, аммо ба зодгоҳ барнагашт, балки ба фронт рафт. Дар задухӯрдҳои шадиди шаҳри Сталинград иштирок карда, роҳи  ҷангиашро то Берлин идома дод. Хизматҳои ҷангиаш бо орденҳои Ҷанги Бузурги Ватанӣ дараҷаи I, Ҷанги Бузурги Ватанӣ дараҷаи II, «Нишони фахрӣ» қадр шудаанд.
Муқим Набиев дар майдони ҷанг ҳам омӯзгор буд. Ба ҳамяроқон дарси  мардонагию далерӣ меомӯхт. Изҳор медошт, ки мо баҳри ҳифзи нангу номус ва хоки Ватан  бархостем ва бешак, моро ғалаба интизор мебошад.
Дар яке аз задухӯрдҳои шадид, ки аз зарби тиру тӯп замину осмон меларзид ва ҳама ҷоро алангаи оташ фаро гирифта буд, ӯ тир хӯрда, зери хок мемонад. Аз зери хок оғӯштаи хун, беҳушу беёд ба госпитал мебарандаш. Захму ҷароҳатҳояш хеле вазнин буданд. Бо марг даст ба гиребон мешуд. Нерую ирода ва қувваю матонати ин ҷавони деҳотӣ ғалаба мекунаду бо ёрии табибон ба  по мехезад.
Дар ин муддат ба хонаашон аз қисми ҳарбие, ки ӯ хизмат мекард, «хати сиёҳ» мерасад. Оҳу фиғон ва нолаю шевани ин хонадон ба  осмон дакка мезанад…
Ӯ баъди сиҳат ёфтан боз роҳи ҷангиашро идома  медиҳад. Боз задухӯрдҳо, боз муборизаю ҷонбозиҳо…
Рӯзи Ғалабаро дар Германия, дар пойтахти он Берлин таҷлил карду бо сари баланд ба зодгоҳаш баргашт. Баробари ба деҳа ворид шуданаш ҳама  ҷоро пардаи сиёҳи торикӣ фаро гирифта буд. Хомӯширо аккоси сагон ва чир-чири малахҳо халалдор  мекард. Ба назди ҳавлии падар расиду дарро зад. Онро апааш Туғбибӣ ба рӯяш кушод. Дар равшании чароғи дастӣ чун  чашмаш ба бародари дар ҷанг «шаҳидгаштааш» афтод, якбора  тарсу воҳима вуҷудашро ларзонду аз ҳуш рафт. Қариб як моҳ аз худ бехуд буду ҳазён мегуфт. Падару модари дар фироқи  фарзанд бо сад дарду доғ аз олам рафтаашро ба хонаашон мехонд. Чун ба худ омад, бародари қаҳрамонашро ба оғӯш гирифту гирист, ҳам ба ҷойи падар ҳам ба ҷойи модар…
Оҷархон АТОЕВА,
омӯзгори  муассисаи таҳсилоти
миёнаи умумии № 60 -и  ноҳияи Рашт


Баёни ақида (0)    Санаи нашр: 08.05.2018    №: 90    Мутолиа карданд: 353

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед