logo

фарҳанг

СУРУДИ НОТАМОМИ ҶАВОНӢ

(Ҳиссае аз қиссаҳои ногуфта)
Кампири Зиёда ҳар гоҳ, ки ҳиссае аз қиссааш оғоз мекард, симояш тағйир меёфт. Пешонааш пурожанг мегашт. Қиссаи дарозу мондагор дорад ӯ. Вале бисёр қиссаҳои талху ширин дар ниҳодаш ҳанӯз нуҳуфта аст.

Ӯ ҳанӯз, вақте ки ҷавонӣ медид, орзуву ҳавас дошт. Ба умеди орзуҳои ширинаш шабҳои фироқро рӯз мекард. Рӯзҳо таронаҳои ҷигарсӯз хондаву кор мекард. Рӯзеро интизор буд, ки ёрашро дар бараш бинад. Даҳ солу бист солу панҷоҳ солу… сипарӣ гардиданд. Мӯяш сап - сафед шуд. Қоматаш хам гашт. Ба даст асо гирифт. Аммо, аз он рӯзи васл нишоне набуд, ки набуд…
Якдигарро дӯст медоштанд. Паси талҳои сурхи гандуми расида, даст ба даст ниҳода, суруд мехонданду роз мегуфтанд. Суруду розҳои ҷавонӣ. Шафати хирмани пурбори гандум, ҳини фароғат, ҳар ду: Эшону Зиёда якҷо нишаста, сипоси зиндагӣ мекарданд. Эшон тарҳи рӯзгори ояндаро мекашид. Бо ҳавас хонаи пур аз бача ва зиндагии серу пурро орзу мекард. Зиёда паси пардаи сафеди моҳтобӣ табассум дошт. Дилаш лабрези ишқу сурур буд. Аз хаёлбозиҳои ширини Эшон аҷаб хушаш меомад… 
Субҳ ҳар яке ба «даста» - и хеш мерафт. Меҳнати сахту вазнин оғоз меёфт. Зери гармои тобистон, даруни гандумзор, гӯё ки набарде баргузор мегашт. Занҳо дос мондаву хӯшаҳои «тиллоӣ» дарав карда, аз паси мардон мерафтанд. Зиёда қатори занҳо буд. Ҳамранги дугонаҳо, арақи ҷабин дар пешона, кор мекард. Фурсате, ки меёфт, сӯи пеш тарафи Эшон менигарист. Ёри танумандашро дар паҳлуяш дида, дилаш гул мекард. Он замон раванди зиндагӣ ҳамин буду тоқатфарсо.
Рӯзи сиёҳ расид. Зоғҳои бадмӯр болои гандумзор чарх задан гирифтанд. Нишонаи бад падид омад. Аспакие аз маркази колхоз зери обу арақ ва бо ранги парида хабари шумро овард: «Ҷанг сар шуд, ҷанг!..».
Суруди шӯхи ҷавонӣ ба марсия бадал гашт. Паси якдигар ҷавонон ба ҷанг, ба дифои Ватан мерафтанд. Ҷанг давом дошт. Аскариравӣ ҳам.
Як соли ҷанг сипарӣ гашт. Эшону Зиёда соли дуюми ҳаёти якҷоягиро мегузаронданд. Духтарчаашон Сангинмоҳ ба дунё омад. Нишонаи зиндагии талху ширин, нишонаи ишқи аввалину охирини Эшону Зиёда гардид ин духтарча.
Зиёда аввал бародараш Холро ба ҷанг гусел кард. Баъдтар Эшонро.
Рӯзҳои сахту вазнини Зиёда сар шуданд. Саробонии ду оила ба дӯшаш бор шуда буд. Аз субҳ то шом дар колхоз кор мекард. Рӯзгораш басо душвор гашта буд. Зиёда Сангинмоҳро бари модари пири Эшон гузошта, сапедадам ба саҳро мерафт. Зиёдаи тануманд ба ҷои ду-се кас кор мекард. Гандум медаравид. Дарзаҳоро пушт карда, сари хирман меовард. То як поси шаб гандум кӯфта тоза мекард.
Як бегоҳ хаткашон хати сиёҳи бародарашро овард. Хешону наздикон азо гирифтанд. Зиёда бар тан либос дарида, барои бародараш гирист. Аз Эшон дер боз хабаре набуд. Зиёда дар ташвиш монд. Хобҳои нохуш медид. Фақат Сангинмоҳ - тифлаки дӯстрӯяш ғамбарораш буд. Боре нимашабӣ дари хонаи онҳоро куфтанд. Зиёда чароғ бар даст аз хона бадар омад. Паси дар, амакаш, Пир Маҳмудро диду дилаш таҳ кашид. Пай бурд, ки дар ин поси шаб ӯро беҳуда бедор накардаанд. Пир Маҳмуд бо овози ларзон ба зӯр гуфт, ки «хати сиёҳ»- и Эшонро овардааст. Зиёда беҳуш гашт. Рӯю мӯ канд. Болои ғамаш ғами нав зам гашт.  
Ҷанг поён ёфт. Ниҳоят, рӯзи Ғалаба, ки мардум дер гоҳ интизораш буданд, фаро расид. Ғолибони ҷанг ба деҳа бармегаштанд. Дар он хонадоне, ки аскар меомад, шамъ афрӯхта мешуд. Ҳамдиёрон бари аскари зафарманд нишаста, муддатҳо ҳолпурсӣ мекарданд ва қиссаҳои қаҳрамонӣ мешуниданд. Аммо шамъи хонаи Зиёда хомӯш буд.
Солҳо сипарӣ мегаштанд. Зиёда сол ба сол симояш тағйир меёфту қиёфааш дигар мегашт. Ягона хушнудиаш, набераҳояш, фарзандони Сангинмоҳ ва фарзандони бародараш Хол буданд, ки ӯро тасаллият медоданд…
Убайдулло  РАҲИМОВ,
Аълочии маориф ва фарҳанги Ҷумҳурии Тоҷикистон,
ходими калони илмии Академияи таҳсилоти Тоҷикистон, узви ИЖТ


Баёни ақида (0)    Санаи нашр: 08.05.2018    №: 90    Мутолиа карданд: 700
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед