logo

иҷтимоиёт

ҶАНГИ БУЗУРГИ ВАТАНӢ. ТОҶИКИСТОН ДАР ТАЪМИНИ ҒАЛАБА САҲМИ НАМОЁН ДОШТ

Соли ҷорӣ аз анҷоми набардҳои хунини Ҷанги Бузурги Ватанӣ, ки таърих назирашро дар ёд надорад, 73 сол сипарӣ шуд ва ҳар сол мардуми шарафманди Тоҷикистон дар радифи дигар халқу миллатҳои сулҳҷӯи олам 9 майро ҳамчун Рӯзи Ғалаба бо шукӯҳ таҷлил мекунанд.
Дар солҳои ҷанг аз Тоҷикистон 300 ҳазор нафар ба фронт рафта, 92 ҳазор дар рафти амалиётҳои ҷангӣ ҷон бохтанд. Ба иттилои Раҳмат Қудратов, раиси Шӯрои собиқадорони ҷангу меҳнати Ҷумҳурии Тоҷикистон, айни ҳол, дар кишвар аз 208 ҳазор иштирокчии Ҷанги Бузурги Ватанӣ, ки дар таъмини Ғалаба саҳми намоён доштанд, танҳо 345 нафар дар қайди ҳаётанд. Корнамоиҳои бемисли шаҳрвандони Тоҷикистон дар таъмини Ғалаба бо ордену медалҳои зиёд қадрдонӣ шудааст. Аз ҷумла, 56 ҳазор далерони майдони ҷанг бо ордену медал, 54 нафар ба гирифтани унвони Қаҳрамони Иттиҳоди Шӯравӣ ва 15 нафар бо се ордени Шараф мушарраф гардиданд.
Раиси Шӯрои собиқадорони ҷангу меҳнати ҷумҳурӣ изҳори қаноат кард, ки ба иштирокчиён ва маъюбони Ҷанги Бузурги Ватанӣ,  пеш аз ҳама, бо ҳидояти  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон,  Ҳукумати Ҷумҳурии Тоҷикистон, мақомоти иҷроияи маҳаллии ҳокимияти давлатии шаҳру ноҳияҳо, вазорату кумитаҳо, ташкилоту муассисаҳо ва соҳибкорон аз ҷиҳати молиявӣ ва барқарор намудани саломатии онҳо мунтазам ғамхорӣ зоҳир менамоянд. Аз ҷумла, ҳар сол дар арафаи Рӯзи Ғалаба аз ҷониби Ҳукумати Ҷумҳурии Тоҷикистон ба ҳар яки онҳо ба маблағи ду ҳазор сомонӣ ва мақомоти иҷроияи маҳаллии ҳокимияти давлатии шаҳру ноҳияҳо 500 сомонӣ дода мешавад. Боиси хушҳолист, ки дар идомаи ҳамин анъанаи нек дар арафаи таҷлили 73-юмин солгарди Рӯзи Ғалаба имсол бо қарори раиси шаҳри Душанбе Рустами Эмомалӣ ба иштирокчиёну маъюбони ҶБВ ва ҳамсарони ҷанговарони ҳалокгардидаи шаҳр 1500 сомонӣ ёрӣ расонда шуд.
Қобили зикр аст, ки дар чанд маврид ба муносибати таҷлили Рӯзи Ғалаба бо Фармони Президенти Ҷумҳурии Тоҷикистон «Дар бораи тадбирҳои беҳтар намудани вазъи моддии иштирокчиёну маъюбони Ҷанги Бузурги Ватании солҳои 1941-1945, ҳамсарони бесаробонмондаи ҷанговарони дар ин ҷанг ҳалокгардида ва шахсоне, ки дар ин солҳо на камтар аз шаш моҳ дар ақибгоҳ кор карданд, ё дар хизмати ҳарбӣ будаанд», нафақаи онҳо ба андозаи муайян зиёд карда шудааст.
Дар баробари ин, танҳо давоми панҷ соли охир ба маъюбон ва иштирокчиёни ҶБВ илова ба нафақаи онҳо 11286400 сомонӣ ёрӣ расонда шудааст. Ҳамчунин, дар Ҷумҳурии Тоҷикистон расондани ёрии тиббӣ ба маъюбон ва иштирокчиёни ҶБВ ва барқарорсозии саломатӣ дар осоишгоҳи «Харангон» - и ноҳияи Варзоб ройгон аст.
Мунаввари САФАР, «Ҷумҳурият»


Баёни ақида (0)    Санаи нашр: 08.05.2018    №: 90    Мутолиа карданд: 336

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед