logo

иҷтимоиёт

ФАРХОР. 77 ҲАЗОР СОМОНӢ БАРОИ ҲАВАСМАНДИИ ТАБИБОН

Бо мақсади беҳтар намудани сифати хизматрасонии тиббӣ ба аҳолӣ ва ҳавасмандии кормандони соҳа дар як қатор шаҳру ноҳияҳои вилояти Хатлон аз ҳисоби маблағҳои буҷетӣ ва Бонки ҷаҳонӣ барномаҳои гуногун амалӣ мегарданд. 
Дар ин замина, аз ҷумла дар ноҳияи Фархор солҳои охир шароити кору хизматрасонӣ дар муассисаҳои тиббии самти ёрии аввалия беҳтар шуда, аз ҳисоби маблағҳои лоиҳаи беҳтаркунии хизматрасонии тиббӣ биноҳои марказҳои саломатии деҳот ва бунгоҳҳои тиббӣ аз таъмир бароварда шудаанд. 
- Дару тирезаҳои ҳуҷраҳои корию хизматрасонӣ иваз шуда, қисмати берунаю дохилии маркази саломатӣ рангубор ва тамоми кормандон бо сарулибоси ягонаи корӣ, ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тасдиқ гардидааст, таъмин гаштанд, - гуфт Гадохӯҷа Муҳиддинов, сардухтури маркази саломатии Ҷамоати деҳоти Ғайрат.
Тавре ба «Ҷумҳурият» иттилоъ доданд, дар доираи лоиҳа муассисаҳои тандурустии КАТС 5 ноҳияи интихобии вилояти Хатлон, имрӯз аз ҳисоби буҷети мақомоти маҳаллӣ ва лоиҳаи Бонки умумиҷаҳонӣ бо маблағҳои иловагӣ таъмин гардида, бо назардошти сифату натиҷаи кори ҳаррӯзаи табибону ҳамшираҳои шафқат, маблағҳои гуногунҳаҷмро баъди ҷамъбасти ҳар семоҳа тавассути  кортҳои пластикии алоҳидаи кормандон ҷудо мекунанд. Албатта, ба роҳ мондани чунин роҳу усули нави ҳавасмандгардонӣ масъулияти кормандони соҳаро зиёдтар намуда, аз ин ҳисоб бақайдгирии беморон бештар ва сифати хизматрасонии тиббӣ ба аҳолӣ баланд бардошта хоҳад шуд.  
Хонзода Наимова, ҳамшираи шафқати маркази саломатии деҳаи Куҳандиёри ноҳия, иброз дошт, ки «имрӯз таваҷҷуҳи хатмкунандагони донишгоҳу донишкадаҳои тиббии ҷумҳурӣ, барои кор дар муассисаҳои тиббии деҳот бештар гаштааст. Метавон гуфт, ки маблағи моҳонаи мо нисбат ба кормандони беморхонаи марказии ноҳия зиёд аст. Тағйир ёфтани маблағи маоши мо аз сифату натиҷаи корамон вобастагӣ дорад, яъне ҳар нафарро бо назардошти натиҷаи фаъолияташ ҳавасманд мекунанд».
Бино ба гуфтаи масъулон, баъди роҳандозии лоиҳаи мазкур, шароити кору хизматрасонӣ дар муассисаҳои тиббии самти ёрии аввалияи ноҳияҳои таҷрибавӣ беҳтар гардида, аз ҳисоби маблағҳои 30 - фоиза роҳбарони бунгоҳу марказҳои саломатии деҳот дар баробари таъмиру тармими дафтарҳои корӣ, ҳамзамон, мизу курсӣ, ҷевон, рахтҳо барои ташхису табобати беморон, тарозуҳои хурду калон ва дигар намуди дастгоҳу таҷҳизоти муосири тиббиро харидорӣ намудаанд. Ҷудо гардидани маблағҳо барои беҳсозии шароити кору хизматрасонии тиббӣ аз шумораи аҳолии ҳамон маҳал ва натиҷаи корҳои иҷрошудаи аҳли кормандон вобастагӣ дорад. Масалан, духтурону ҳамшираҳои шафқати маркази саломатии деҳаи Шӯрқӯли ноҳияи Фархор дар 3 моҳи охири соли 2017 тавонистанд маблағи зиёда аз 77 ҳазор сомониро ба ғайр аз маблағҳои буҷетӣ азхуд намоянд. 
Ба роҳ мондани чунин роҳу усулҳои нави маблағгузорӣ метавонад барои марҳила ба марҳила бартараф сохтани мушкилиҳои мавҷуда ва ҳавасмандии табибон ҳангоми адои вазифаҳои хизматӣ мусоидат кунад.
Кароматулло РАҲМАТОВ,
«Ҷумҳурият»


Баёни ақида (0)    Санаи нашр: 10.05.2018    №: 91    Мутолиа карданд: 476

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед