logo

фарҳанг

ШОИРЕ МОНДА ДАР ДИЛҲОИ МАРДУМ

Дар Қасри фарҳанги шаҳри Кӯлоб ёдбуди Шоири халқии Тоҷикистон Ашӯр Сафар баргузор гардид. Нахуст иштирокчиён аз хона – музейи устод дидан намуда, дар пояи нимпайкараи адиб гулчанбар гузоштанд.
Дар чорабинӣ адибону рӯзноманигорон ва ҳунармандону адабиётшиносон аз гӯшаву канори кишвар ширкат варзида, аз ҳаёту фаъолияти  шоир ҳарф заданд.

- Шоир ҳамчун шахсияти тавоно барои рушду нумуи фарҳанг ва маорифи ин минтақа ва дар маҷмӯъ дар инкишофи адабиёти тоҷик хизматҳои арзандаеро анҷом дод. Ӯ мубаллиғи дӯстию рафоқат, рафиқи ҷонии аҳли адабу ҳунар буд ва бо ҳамин аз хотираҳо зудуда намешавад, - изҳор дошт муовини аввали раиси шаҳри Кӯлоб Саломиддин Каримзода.
Мавсуф баъди хатми Донишгоҳи омӯзгории шаҳри Кӯлоб ба сифати хабарнигори Радиои ҷумҳурӣ, сипас ҳамчун мудири шуъбаи рӯзномаи «Ҳақиқати Кӯлоб» фаъолият бурда, дар ин росто аз кори омӯзгорӣ лаҳзае фориғ набудааст. Бо фаъолияти рӯзноманигорӣ ва омӯзгорӣ, инчунин, пайваста шеър мегуфт, дар шаҳр маҳфилҳои эҷодӣ ташкил мекард, бо тарҷумаи осори адибони халқҳои дигар машғул мешуд ва дар ҳамаи ҷабҳаҳои кор ҳамчун инсони меҳнатдӯсту ҳимоятгари манфиати ҷамъият худро нишон дода тавонистааст.
Низом Қосим, раиси Иттифоқи нависандагони Тоҷикистон, девони Ашӯр Сафарро муаррифӣ намуда, баён дошт, ки шоир ба адабиёт бо маҷмӯаи нахустини ашъораш - “Ибтидои роҳ” қадам гузошта, аз ҷониби мухлисони адабиёт ва устодони сухан баҳои сазоворро соҳиб гардид.
- Ашӯр Сафар аз оғоз ба назари устодон Мирзо Турсунзода, Боқӣ Раҳимзода, Фазлиддин Муҳаммадиев ва Ғаффор Мирзо афтода, дар кӯтоҳтарин муддат собит намуд, ки ӯ дар эҷоди асарҳои ғаноиву ҳаҷвӣ ҷиддӣ ва масъулиятшиносу пуртакопӯст, - афзуд Низом Қосим.
Шоир бавижа дар гуфтани шеъри ҳаҷвӣ ва баёни ҳунармандонаи дарду ормони мардуми меҳнаткаш дасте тамом дошт. Намунаи шеърҳояш ба забонҳои русӣ, арманӣ, ӯзбекӣ, қирғизӣ, туркманӣ ва ғайра тарҷумаву нашр гардида, китобҳои алоҳидаи ашъораш бо забони русӣ таҳти унвони “Плоды жизни”, “Цветок луны” (Маскав) ва “Гулчини ашъори Ашӯр Сафар” дар Эрон интишор ёфтаанд.
Нависандаи халқии Тоҷикистон Абдулҳамид Самад таъкид дошт, ки Ашӯр Сафар бо сухани ширину табъи латиф дар байни мардум маҳбубияти хосса пайдо кард ва ҳамин аст, ки имрӯз пиру барно зикри хайрашро мекунанд. Шоир солҳо омӯзгори мактаби нобиноён буд ва дар давоми зиёда аз 45 сол таълиму тарбияи фарзандони халқро бар дӯш дошт. Дар баробари ин, фарзандони худро низ инсонҳои нек тарбия кард. Имрӯзҳо чароғи хотиру маҳфили адабии ӯро писаронаш Гурез Сафар ва Файзи Ашӯр фурӯзон нигаҳ медоранд.
Дар маҳфили ёдбуд, инчунин, адибон Гулназар Келдӣ, Меҳмон Бахтӣ, Ҳақназар Ғоиб, Муҳаммад Ғоиб, Камол Нас-рулло, Муҳтарам Ҳотам, Давлат Сафар, олимон Умар Сафар, Зафар Мирзоён, санъаткорон Ҷамшед Исмоилов, Файзалӣ Ҳасан, Раҳматулло Ҳошимов ва ҳунармандони Театри давлатии мусиқӣ - мазҳакавии шаҳри Кӯлоб ширкат доштанд.
Бузургмеҳри БАҲОДУР, Комрон САФАР,
“Ҷумҳурият”


Баёни ақида (0)    Санаи нашр: 14.05.2018    №: 93-94    Мутолиа карданд: 524
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед