logo

фарҳанг

ОРКЕСТРИ СИМФОНӢ МУАССИСАИ НАВТАЪСИСУ МУВАФФАҚ

Оркестри давлатии симфонии Дастгоҳи иҷроияи Президенти Ҷумҳурии Тоҷикистон бо вуҷуди муассисаи навтаъсис будан, дар ду чорабинии сатҳи баланд - таҷлили бошукӯҳи 25 - солагии Қувваҳои Мусаллаҳи Ҷумҳурии Тоҷикистон ва консерти «Шоми дӯстӣ», ки бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев баргузор гардид, ширкат варзида, сазовори баҳои баланд гашт.
- Таъсиси Оркестри давлатии симфонӣ дар Тоҷикистон заминаҳои худро дорад. Дар давоми 26 соли соҳибистиқлолӣ садҳо мутахассисони соҳавӣ омода шуданд ва дар заминаи касбияти онҳо муассисаи мо ташкил шуд. Оркестри бузурге, ки дар саҳнаи Кохи Борбад аз оғоз то поёни «Шоми дӯстӣ» ҳунарнамоӣ кард, аксар аз санъаткорони Оркестри давлатии симфонӣ ташкил ёфта буд. Ҳунарнамоии он аз тарафи сарони ду давлат ва аҳли эҷод бисёр хуш пазируфта шуд, - изҳор дошт Олимҷон Саидзода, директори оркестр.
Дар бештари кишварҳои дунё дар назди  роҳбарияти олии мамлакат оркестри симфонӣ амал мекунад ва дар пешвоз, меҳмондорӣ, вохӯриҳо ва гусели меҳмонони баландпоя иштирок менамояд. Яке аз ҳадафҳои таъсиси муассиса низ аз ҳамин иборат аст.
Шумораи санъаткорони оркестр ҳоло аз сад нафар зиёдтар буда, бештари онҳоро ҷавонон ташкил медиҳанд. Ҳунармандон ба муассиса аз Донишкадаи давлатии фарҳанг ва санъат, Консерваторияи миллӣ, коллеҷи мусиқии ба номи А. Бобоқулов, театрҳо ва мактабҳои мусиқӣ ҷалб гаштаанд.
- Хусусияти муҳимтарини оркестри мо аз он иборат аст, ки ин ҷо шумо омехташавии насли калонсоли санъаткоронро бо насли ҷавон мушоҳида мекунед. Устодони бузурги санъати тоҷик аз муассисаҳои гуногун ташриф оварда, малакаву маҳорати касбии худро ба ҷавонон интиқол медиҳанд. Нақша дорем, ки бо мусоидати Дастгоҳи иҷроияи президент аз кишварҳои хориҷӣ низ ҳунармандони бомаҳоратро даъват намуда, ҷавононро аз навгониҳои тозатарини мусиқии симфонӣ огоҳ созем ва пояҳои маънавии мусиқии тоҷикро мустаҳкам намоем, - афзуд Олимҷон Саидзода.
Бо дастгирии Дастгоҳи иҷроияи Президенти Ҷумҳурии Тоҷикистон давоми нуҳ моҳи фаъолияти оркестри симфонӣ бинои муассиса пурра аз таъмиру тармим бароварда шуда, нодиртарин асбобҳои мусиқӣ харидорӣ гардиданд. Толори калон аз тарафи мутахассисони соҳаи акустика танзим шуда, ҳоло ба сифати студияи сабти овоз низ хидмат мекунад.
Аҳли эҷоди оркестр имрӯзҳо ба нахустнамоиши намунавии консерти симфонӣ омодагиҳои ҷиддӣ мебинанд. Баъди намоиши намунавӣ масъулони муассиса барномаи консерти худро дар шаҳру навоҳии кишвар баргузор карданианд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 15.05.2018    №: 95    Мутолиа карданд: 622
03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР


Дар сомонаҳои дигари Тоҷикистон хонед