logo

фарҳанг

ОДАМОН АЗ ДӮСТӢ ЁБАНД БАХТ...

Ҷиҳати таҳкими равобити дӯстию бародарӣ ва ҳамкории судманд миёни навоҳии ҳаммарз Рӯзи фарҳанги ноҳияи Бобоҷон Ғафуров дар ноҳияи Лейлаки Ҷумҳурии Қирғизистон доир гашт. Ҳайати меҳмононро бо роҳбарии раиси ноҳияи Бобоҷон Ғафуров Зариф Назирӣ дар гузаргоҳи сарҳадӣ  масъулони расмӣ ва санъаткорони қирғиз бо  мусиқӣ ва нону намак самимона пазируфтанд. Баргузории Рӯзи фарҳанги ноҳияи Бобоҷон Ғафуров дар  ноҳияи Лейлак ба тантанаи 73 - солагии Рӯзи Ғалаба бар фашизм рост омад. Аз ин рӯ, онҳо нахуст дар шаҳри Исфана, маркази маъмурии ин ноҳия, дар маросими гулгузорӣ зери пояи ҳайкали Қаҳрамони Иттиҳоди Шӯравӣ Самад Содиқов, ки зодаи Лейлак мебошад, ширкат варзида, сипас бо гузоштани гулчанбар дар майдони “Ғолибон” бо лаҳзаи хомӯшӣ  аз қурбониёни Ҷанги Бузурги Ватанӣ ёд карданд.
Тантанаҳои асосии Иди Ғалаба ва Рӯзи фарҳанги ноҳияи Бобоҷон Ғафуров дар варзишгоҳи марказии шаҳри Исфана ҷараён гирифт.
Боймурот Бекмуротов, ҳокими ноҳияи Лейлак, ҳайати меҳмононро ба сарзамини Қирғизистон самимона пазироӣ намуд.
-Доиршавии Рӯзи фарҳанги ноҳияи Бобоҷон Ғафуров дар ноҳияи мо басо рамзист,- иброз дошт ҳокими Лейлак Боймурот Бекмуротов, - зеро Иди Ғалаба, ҷашни муштараки ҳамаи халқҳои собиқ Иттиҳоди Шӯравӣ буда, омили асосии пирӯзии аскарони шӯравӣ бар фашизм , ин дӯстии ҳамаи халқҳо буд.
Сарвари ноҳияи ҳамсарҳад аз боби дӯстиву рафоқати халқҳои қирғизу тоҷик ҳарф зада, намунаи ибрату пайравӣ аз онро дар мисоли дӯстии ду фарзанди фарзона, ду  қаҳрамони халқ: Бобоҷон Ғафуров ва  Исҳоқ Раззоқов ба забон овард, ки даҳсолаҳо робитаи дӯстиву бародарӣ дошта, ба ҳайси сарварони ду ҷумҳурӣ баҳри рушди соҳоти гуногуни хоҷагии халқи ду кишвар, дӯстиву бародарии онҳо саҳми назаррас гузоштаанд.
- Ба шарофати талошҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат, дар ҳамаи самтҳои хоҷагии халқ  пешравии назаррас ба даст омадааст,- гуфт Зариф Назирӣ, раиси ноҳияи Бобоҷон Ғафуров,- Сарвари давлат ҳамеша даъват ба амал  меоваранд, ки дӯстиву рафоқат, ҳамкориро бо кишварҳои ҳаммарз ривоҷу равнақ бахшем. Доиршавии Рӯзи фарҳанги ноҳияи мо дар ноҳияи ҳамсарҳад - Лейлаки Ҷумҳурии Қирғизистон аз дастурҳои ҳамешагии Сарвари давлат бармеояд.
Дар варзишгоҳи марказии шаҳри Исфана бо иштироки санъаткорони ду навоҳии ҳаммарз барномаи муштараки фарҳангӣ пешкаши тамошобинони сершумор шуд, ки ҳозирон аз он таассуроти гуворо бардоштанд.
Имрӯзҳо рафтуомади мардуми ду ноҳияи ҳамсарҳад: Бобоҷон Ғафуров ва Лейлак муътадил ҷараён дошта, аҳолӣ ҳамарӯза  ҷиҳати пешбурди рӯзгор ва иштирок дар маъракаҳои ҳамдигар бе монеа аз сарҳад мегузаранд ва фаъолияти соҳибкории ҳудро ба роҳ мондаанд. Ҳамзамон, дар ҳудуди ноҳияи Лейлак, дар деҳаи зебоманзари Андарак зиёда аз 7,5 ҳазор тоҷикон сукунати доимӣ дошта, бо бародарони қирғиз дар муҳити дӯстона кору зиндагӣ доранд.
Омӯзгорон Фирӯза Калонова ва Робия Аббосова хатмкунандагони Донишгоҳи давлатии шаҳри Ҳуҷанд буда, имрӯз ба фарзандони ҳамдеҳаҳояшон аз фанҳои биология, забон ва адабиёти тоҷик дарс мегӯянд ва ифтихор ҳам доранд, ки барои рушди фарҳангу забони модарӣ дар кишварашон ҳамаи шароит муҳайёст.
- Аз баргузории ин чорабинии фарҳангии ҳаммиллатон, ҳунарнамоии сатҳи баланди санъаткорон ба ваҷд омадему ифтихори забони тоҷикӣ ва ифтихор аз тоҷик буданамон кардем,- бо як қаноатмандии самимона мегӯяд Робия Аббосова,- бешубҳа, доиршавии чунин чорабиниҳо ба рушди дӯстиву рафоқати ду халқ  мусоидад хоҳад кард.
- Агар дар масъалаи дастрасии китобҳои дарсӣ ба мо Вазорати маориф ва илми Тоҷикистон мусоидат менамуд, мо басо миннатдор мегаштем, - гуфт Абдуфаёз Турдалиев, раиси деҳаи Андарак. 
Ҷовиди АШТӢ,
“Ҷумҳурият”


Баёни ақида (0)    Санаи нашр: 15.05.2018    №: 95    Мутолиа карданд: 315

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед