logo

фарҳанг

ХУСУСИЯТҲОИ САЁҲАТИИ НАВРӮЗ

Агар ба хотир биёрем, Колумб, Васко да Гама, Ҷеймс Кук, Миклухо Маклай, Преживалский ва дигарон ба туфайли саёҳатҳои худ ба кишварҳои дигар олами тозаеро на танҳо дар улуми ҷуғрофӣ, балки дар дигар соҳаҳои илм низ кашф намудаанд.

Мо имрӯз ба туфайли саёҳатҳои Ибни Бағлон, Ибни Батута, Марко Поло, Вамбери, Федченко, Шишов ва Ефремов аз шеваи зиндагии мардуми Осиёи Марказӣ дар замонҳои гуногун огоҳӣ пайдо менамоем. Ё худ аз «Сафарнома» - и Носири Хусрав роҷеъ ба кишварҳои Шарқи Наздик ва Миёна маълумотҳои таърихӣ ва фарҳангии асри XI-ро ба даст меоварем. Пас сайёҳ ва саёҳат на танҳо барои завқи инсон ва рағбат ба чизҳои наву ношунида, балки барои тамоми башарият ҳамчун падидаи илмиву фарҳангӣ хизмат менамоянд.
Тоҷикистон пас аз расидан ба Истиқлолияти давлатӣ чун сарзамини куҳан ва дар зоти худ беҳамто мавриди таваҷҷуҳи сайёҳони хориҷӣ қарор гирифт. Табиати пурафсуни кишвари мо, кӯҳҳои пойдори осмонбӯс ва мардуми кушодадилу меҳмоннавози он дер боз аст, ки дили ҳаводорони саёҳатро рабудааст. Аз Чину Ҷопон, Русияву Олмон, Амрикову дигар мамолик сайёҳони зиёде ба Тоҷикистон ба сафар мебароянд ва бо кишвару мардуми он ошно мешаванд ва муҳаббат мепарваранд.
Саёҳат намудҳои гуногун ва махсусияти худро дорад: экологӣ, этнографӣ, ҷуғрофӣ, таърихӣ ва амсоли инҳо, ки ҳар сайёҳ мувофиқи завқи худ вайро интихоб менамояд.
Дар мавсими Наврӯз ташкили саёҳати наврӯзӣ низ анъана шудааст. Сайри кӯҳу дара, саёҳат ба ҷойҳои таърихӣ, ба мавзеъҳои дорои табиати зебо, дарёву дарёчаҳо баёнгари он мебошад, ки ин ҷашн хусусияти саёҳатию фароғатӣ низ пайдо кардааст, ки онро метавон хусусияти этнографӣ – таърихӣ - фарҳангӣ ё саёҳатии Наврӯз номид. Аз ҷумла, оини «Сездаҳбадар»-и наврӯзӣ метавонад дар маърази диққати сайёҳон қарор гирад. Он оинест, ки ҳангоми нав гаштани сол мардум аз хонаҳо берун мераванд ва дар оғӯши табиат ҷашн барпо менамоянд. Бозиҳои гуногуни варзишӣ, рақсу бозии дилчасп, фолбинии духтарону омода намудани хӯрокҳои лазизи мухталиф ҳамчун суннатҳои оини «Сездаҳбадар» метавонанд мавриди завқу шавқи сайёҳон қарор бигиранд.
Инчунин, ташкилу баргузории озмуни «Маликаи Наврӯз» низ ҷолиб мебошад. Маълум аст, ки ҳар сол дар яке аз кишварҳои дунё озмуни «Бонуи сайёра» сурат мегирад ва аз тамоми гӯшаву канори олам мардумони бисёре барои дидан ва иштирок намудан ба озмуни мазкур меоянд. «Маликаи Наврӯз» низ ба ин озмун ҳамнаво аст. Ё озмуни дигар «Паҳлавони наврӯзӣ» (ё «Наврӯзпаҳлавон») аст, ки ҷолиби диққат мебошад. Ҳар сол дар арафаи Наврӯз, рӯзи Наврӯз ва баъди он маъракаҳои гӯштигирӣ доир мегарданд, ки паҳлавонони зиёде аз гӯшаву канори ҷумҳурӣ ва берун аз он ширкат намуда, ҳунари хешро намоиш медиҳанд.
Яке аз василаҳои дигари ба меъёрҳои саёҳати этнографӣ мутобиқ гардондани Ҷашни байналмилалии Наврӯз метавонад гурӯҳбандии оинҳои наврӯзӣ ва тибқи ин таснифот дар доираи ҷадвали мушаххаси замонӣ дар минтақаҳои муайяни кишвар таҷлил кардани Наврӯз бошад. Мутобиқи чунин замонбандӣ ва гурӯҳбандии оинҳои наврӯзӣ, саёҳати туристони дохилӣ, бавижа хориҷиро бидуни такрор дар намоиш гузоштани унсурҳои маъруфи Ҷашни Наврӯз метавон дар давоми чандин рӯз (яъне, дарозмуддат) ба таври ҷаззобу хотирмон барномарезӣ кард. Ин усули таҷлили Ҷашни Наврӯз хусусияти саёҳатӣ ва инъикоси ҳунарҳои мардумиро дар мавриди таҷлили ин ҷашн метавонад тақвият бахшад.   
Дар айёми ҷашнгирии Наврӯз ҳузури сайёҳони хориҷиву ватанӣ зиёд ба чашм мерасад. Сайёҳони гуногун дар ҷашнвораҳо иштирок менамоянд, акс мегиранд, бо ҳунари мардумӣ шинос мешаванд ва табиист, ки онро дар кишвари худ бо диду назари хеш тарғиб ва тасвир менамоянд.
Ба ҳамагон маълум аст, ки ҳар сол дар Рио-де-Женейрои Бразилия фестивали муҳташаме баргузор мегардад, ки барои тамошои он аз тамоми кишварҳои дунё сайёҳон ташриф меоваранд. Мо ҳам метавонем, ба ин васила, ба ин ҷашни миллии ҷаҳонии худ ҷилваи тозае бахшем, то дар ояндаҳо ному эътибори миллати сарбаланду фарҳангпарвари тоҷик дар мақоми густурдатаре ҷаҳонафрӯзӣ намояд.
Имрӯз барои ошноӣ бо табиати ҷашн ва хусусиятҳои он сайёҳон бештар ба кишварҳои ҳавзаи Наврӯз рӯ меоваранд ва Тоҷикистон, ки ватани Наврӯз аст, дар радифи пешоҳангони ин кишварҳост.
Ҷаҳонӣ шудани Наврӯз, қабл аз ҳама, ҷаҳонӣ шудани фарҳанги мардумӣ аст. Ба таваҷҷуҳ ба ин, моро зарур аст, ки ин ҷашни бостонии миллиро ба карнавал (ё фестивал)-и умумимиллӣ, умумимардумӣ ва умумиҷаҳонӣ табдил диҳем.
Бо пешниҳоди Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эълон шудани соли 2018 - Соли рушди сайёҳӣ ва ҳунарҳои мардумӣ саҳифаи наве дар зиндагии мардуми кишвари мо кушод. Аз ин лиҳоз, метавон гуфт, ки Ҷашни Наврӯз низ хусусиятҳои тозаро ба худ касб кард ва дар рушди сайёҳиву ҳунарҳои мардумӣ нақши муассир хоҳад гузошт.
Саъдӣ ҚОСИМӢ,
номзади илми филология


Баёни ақида (0)    Санаи нашр: 15.05.2018    №: 95    Мутолиа карданд: 449

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед