logo

фарҳанг

БУЗУРГДОШТИ УСТОД АЙНӢ ДАР ҚИРҒИЗИСТОН

Чанде пеш бо ибтикор ва дастгирии Иттиҳодияи ҷамъиятии тоҷикони Қирғизистон ба номи устод Абуабдуллоҳи Рӯдакӣ  дар мактаби таҳсилоти миёнаи умумии тоҷикии ноҳияи Қадамҷои вилояти Бодкан нишаст доир гардид, ки дар он  аз устод Садриддин Айнӣ ва хидматҳои сазовору мондагораш барои тоҷикон ва, умуман,  мардумони минтақаи Осиёи Миёна  ёдоварӣ шуд.
Бояд зикр кард, ки беш аз 60 сол боз мактаб номи ин абармарди  таърихро ба худ гирифтааст.
Нахуст меҳмонони  ҳамоиш дар маросими кушодашавии осорхонаи устод Айнӣ ширкат намуданд. Ба иттилои Қумрихон Абдураззоқова, мудири ин даргоҳи илму дониш, барои омодасозии осорхона тамоми омӯзгорону хонандагон саҳм гузоштанд, аз ин рӯ, дар як муддати кӯтоҳ он муҷаҳҳаз ва муайян гардид.
Равшанбек Собиров, раиси Созмони тоҷикони Қирғизистон ба номи устод Рӯдакӣ, ба кори ҳамоиш оғоз бахшида, изҳор дошт, ки  ҷашни 140 - солагии Садриддин Айнӣ ба ҳамаи тоҷикони дунё рабт  дорад. Аз ин хотир, фаъолони созмон роҳандозии чунин ҷамъомадро вазифаи миллӣ ва ватандӯстии худ  шумурда, баҳри шоиставу сазовор баргузор шуданаш саъю кӯшиш намуданд.
Бахтовар Муродӣ, намояндаи Сафорати Тоҷикистон дар Қирғизистон, изҳор дошт, ки дар арафаи ин ҷашн дар шаҳри Душанбе бунёди боғ ва пайкараи нависандаи бузург бо ҳузури бевоситаи Роҳбари давлати тоҷикон худ баёнгари қадрдонии миллат аз ин фарзанди барӯмандаш мебошад.
Қодиршои Мурувват, сар-муҳаррири нашрияи тоҷикии «Паёми Ала - Тоо», дар бораи ҷойгоҳи устод Садриддин Айнӣ дар адабиёти навини қирғиз изҳори андеша намуда, таъкид кард, ки тайи солҳои гуногун қариб тамоми асарҳои нависандаи тоҷик ба забони қирғизӣ тарҷума ва нашр шудаанд. Ҳанӯз соли 1968 Чингиз Айтматов, нависандаи машҳури қирғиз ва ҷаҳон, устод Айниро «пири хирадманди Шарқ» хонда  буд.
Дар нишаст, ҳамчунин,  кормандони масъули ноҳияи Қадамҷо  ва вилояти Бодкан, омӯзгорони мактабҳои тоҷикии Қирғизистон роҷеъ ба шахсият ва осори гаронбаҳои нависанда андешаҳои худро баён намуданд. Қироати ашъори устод Айнӣ ва намоиши порчаҳои саҳнавӣ аз рӯи асарҳои муаллиф тавассути муаллимону хонандагони мактабҳои тоҷикии Учқӯрғон ба ин нишаст ҳусну таровати бештар бахшид.
Бояд зикр кард, ки дар Қирғизистон ба ҷойгоҳи илмиву адабӣ ва ҷамъиятии Садриддин Айнӣ таваҷҷуҳи вижаро қоиланд. Яке аз хиёбонҳои бузурги шаҳри Бишкек номи устод Айниро дорад. Фаъолони Созмони ба номи устод Рӯдакӣ соли - 2011 дар саргаҳи ин хиёбон Лавҳаи ёдгор аз санги мармарро насб намуданд, ки симои нуронии устодро ба сокинони пойтахти Қирғизистон намоиш медиҳад. Шаҳрдории Бишкек бо қарори махсуси худ  ин Лавҳаро ҷузъи ёдгориҳои таърихӣ эълон кард ва акнун он аз ҷониби мақомоти расмӣ ҳифз мегардад.
Қодир МУРУВВАТОВ,
Ҷумҳурии Қирғизистон


Баёни ақида (0)    Санаи нашр: 16.05.2018    №: 96    Мутолиа карданд: 347

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед