logo

ҳуқуқ

ҲУҚУҚИ КӮДАК. АЗ ПЕШРАВИҲО ТО ИҶРОИ УҲДАДОРИҲОИ БАЙНАЛМИЛАЛӢ

Дар Ҷумҳурии Тоҷикистон вобаста ба ҳифзу ҳимояи ҳуқуқи кӯдак тадбирҳои судманд амалӣ шуда, чанд сол муқаддам дар баробари Ваколатдор оид ба ҳуқуқи инсон ниҳоди нав - Ваколатдор оид ба ҳуқуқи кӯдак таъсис ёфт, ки аз ҷумлаи иқдомоти зарурӣ дар ин самт ба шумор меравад. 
 
Яке аз санадҳои муҳими байналмилалӣ дар самти ҳуқуқи кӯдак Конвенсияи Созмони Милали Муттаҳид оид ба ҳуқуқҳои кӯдак мебошад, ки Ҷумҳурии Тоҷикистон онро соли 1993 ба тасвиб расонд. Санади мазкур тамоми ҳуқуқу озодиҳоро, ки барои таъмини манфиатҳои кӯдак, рушду инкишофи ҳамаҷонибаи ӯ заруранд, кафолат дода, уҳдадориҳои давлатҳои аъзоро бобати таъмини принсипу меъёрҳои дар он зикргардида пешбинӣ менамояд. Гузашта аз ин, Тоҷикистон соли 2002 ба протоколҳои иловагии конвенсияи мазкур, аз ҷумла вобаста ба иштироки кӯдакон дар низоъҳои мусаллаҳона ва вобаста ба савдои кӯдакон ҳамроҳ шуд.
Ҳоло кишвари мо, ҳамчун иштирокчии ин санадҳои муҳими байналмилалӣ барои амалӣ гардондани ҳуқуқҳои дар онҳо эътирофгардида ҳамаи тадбирҳои зарурии қонунгузорӣ, маъмурӣ ва дигар чораҳоро меандешад.
Тибқи талаботи моддаи 44 Конвенсия оид ба ҳуқуқҳои кӯдак ҳар як давлати иштирокчии он уҳдадор аст, ки ба Кумитаи СММ оид ба ҳуқуқҳои кӯдак, ки бо мақсади баррасии пешрафти давлатҳои иштирокчӣ дар иҷрои уҳдадориҳои ин санад таъсис шудааст, маърӯза пешниҳод намояд. Дар маърӯза маълумот дар бораи чораҳое, ки барои мустаҳкам гардондани ҳуқуқҳои эътирофкардаи конвенсияи мазкур андешида шудаанд ва дар бораи пешравиҳое, ки дар амалӣ гардондани ин ҳуқуқҳо ба даст омадаанд, зикр карда мешавад.
Ҷумҳурии Тоҷикистон ҷиҳати иҷрои уҳдадориҳои худ вобаста ба чораҳои андешидашуда се маротиба (солҳои 2000, 2010 ва 2017) ба Кумитаи СММ оид ба ҳуқуқҳои кӯдак маърӯза пешниҳод намуд. Зимни баррасии маърӯзаҳои миллӣ кумита тадбирҳои аз ҷониби давлат андешидашуда ва пешравиҳои ба даст омадаро хуш пазироӣ намуда, ҳамзамон қабули чораҳои иловагии қонунгузорӣ ва маъмуриро, ки ба ҳуқуқҳои кӯдакон дахл доранд, тавсия дод.
Ҷиҳати иҷрои тавсияҳои Кумитаи ҳуқуқи кӯдак вобаста ба маърӯзаҳои Ҷумҳурии Тоҷикистон 19 апрели соли 2018 нақшаҳои миллии амал тасдиқ гардиданд. Тасдиқи нақшаҳои мазкур қадамҳои минбаъда дар рушд ва пешбурди ҳуқуқҳои кӯдак дар ҷумҳурӣ буда, вазорату идораҳои дахлдор бобати иҷрои чорабиниҳои дар онҳо пешбинигардида муваззаф гардидаанд.
Итминон дорем, ки мақомотҳои масъул ҷиҳати иҷрои тавсияҳо чораандешӣ намуда, тадбирҳои андешидашуда боиси боз беҳтар гардидани вазъи ҳуқуқи кӯдак дар ҷумҳурӣ мегардад. Ваколатдор оид ба ҳуқуқи кӯдак дар Ҷумҳурии Тоҷикистон низ, ки яке аз вазифаҳои ӯ назорати иҷрои уҳдадориҳои байналмилалии ҷумҳурӣ дар самти ҳуқуқи кӯдак мебошад, омода аст бо тамоми вазорату идораҳо ва сохторҳои ҷомеаи шаҳрвандӣ ҳамкорӣ намуда, дар иҷрои тавсияҳои мазкур мусоидат намояд.
Р. ҲАБИБУЛЛОЗОДА,
ваколатдор оид ба ҳуқуқи кӯдак дар Ҷумҳурии Тоҷикистон


Баёни ақида (0)    Санаи нашр: 17.05.2018    №: 97    Мутолиа карданд: 429

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед